ବୁଦୁରା ସରପଞ୍ଚଙ୍କ ଦେହାନ୍ତ,ବିଭିନ୍ନ ମହଲରେ ଶୋକ
ପାରଳାଖେମୁଣ୍ଡି, (ତାରିଣୀ ପ୍ରସାଦ ପଣ୍ଡା):ଗଜପତି ଜିଲ୍ଲାର କାଶୀନଗର ବ୍ଲକର ବୁଦୁରା ଗ୍ରାମ ପଂଚାୟତର ସରପଞ୍ଚଙ୍କ ଦେହାନ୍ତ ହୋଇଯାଇଛି | ବୁଦୁରା ଗ୍ରାମର ପୂର୍ବତନ ସରପଞ୍ଚ ସୁରେନ୍ଦ୍ର ମିଶ୍ରଙ୍କ ବଡ଼ ପୁଅ ତଥା ବର୍ତମାନର ସରପଞ୍ଚ ଥିବା ସଞ୍ଜୟ ମିଶ୍ରଙ୍କ ଦେହାନ୍ତ ହୋଇଯାଇଛି | ଗତ ସାଧାରଣ ନିର୍ବାଚନ ବେଳ ଠାରୁ ମିଶ୍ରଙ୍କ ଯକୃତ ଜନିତ ରୋଗରେ ପୀଡିତ ହୋଇ ଭୁବେନେଶ୍ୱରର ଏକ ଘୋରେଇ ହସ୍ପିଟାଲରେ ଚିକିତ୍ସା ହୋଇ ଏବେ କିଛିଦିନ ହେଲା ଘରକୁ ଫେରିଥିଲେ | ମୃତ୍ୟୁ ବେଳକୁ ତାଙ୍କୁ ୫୨ ବର୍ଷ ହୋଇଥିଲା | ସେ ବୁଦୁରା ପଂଚାୟତରେ ଜଣେ ଜନ ଆଦୃତ ନେତା ହୋଇପାରିଥିଲେ | ମୃତ୍ୟୁ ଶଯ୍ୟା ନିକଟରେ ତାଙ୍କ ସ୍ତ୍ରୀ, ଓ ପିଲାମାନେ ରହୁଥିଲେ | ତାଙ୍କ ମୃତ୍ୟୁରେ ବୁଦୁରା ପଂଚାୟତରେ ଶୋକର ଛାୟା ଖେଳି ଯାଇଛି | କାଶୀନଗର ବ୍ଲକ ଅଧ୍ୟାକ୍ଷା ଵାଲା ସାୟାମ୍ମା, ଜିଲ୍ଲାପରିଷଦ ଅଧ୍ୟାକ୍ଷା ଗାଵରା ତିରୁପତି ରାଓ, ବିଧାୟକ ରୁପେଶ ପାଣିଗ୍ରାହୀ, ହାଇଟେକ ଅଧ୍ୟକ୍ଷ ତିରୁପତି ପାଣିଗ୍ରାହୀ, ବ୍ଲକ ବିଜେଡ଼ି ଅଧ୍ୟକ୍ଷ ଏସ. ଲୋକନାଥ, ଖାରଡ଼ା ସରପଞ୍ଚ ଅଖିଳ ପାତ୍ର, ସୀତାପୁର ସରପଞ୍ଚ କେ. ତେଜେଶ୍ୱର ଗଭୀର ଦୁଃଖ ପ୍ରକାଶ କରିଛନ୍ତି |
