ଆନ୍ଧ୍ରକୁ ଚାଲାଣବେଳେ ୩୬ କାଠଗଣ୍ଡି ସହ ମ୍ୟାସ ପିକଅପ ଜବତ, ୫ ଗିରଫ

ପାରଳାଖେମୁଣ୍ଡି, (ତାରିଣୀ ପ୍ରସାଦ ପଣ୍ଡା):ଗଜପତି ଜିଲ୍ଲା ପାରଳା ବନଖଣ୍ଡର ମହେନ୍ଦ୍ର ବନାଞ୍ଚଳରୁ ୩୬ କାଠ ଗଣ୍ଡି ଜବତ କରାଯିବା ସହ ଏଥିରେ ୫ ଜଣଙ୍କୁ ଗିରଫ କରାଯାଇଛି. ଘଟଣାରୁ ପ୍ରକାଶ ଯେ, ଗାରାବନ୍ଧା ବନରକ୍ଷୀ କାର୍ଯ୍ୟାଳୟ ତରଫରୁ ସୋମବାର ବିଳମ୍ବିତ ରାତିରେ କିଞ୍ଚିଲିଙ୍ଗି ଗ୍ରାମ ନିକଟରେ ପାଟ୍ରୋଲିଂ ଚାଲିଥିବା ସମୟରେ ଆନ୍ଧ୍ରକୁ ଚୋରା କାଠ ଗଣ୍ଡି ଚାଲାଣ ବେଳେ ୩୬ କାଠ ଗଣ୍ଡି ଜବତ କରାଯାଇଥିଲା. ଚୋରା ଚାଲାଣରେ ବ୍ୟବହୃତ ହେଉଥିବା ଏକ ମ୍ୟାସ ପିକଅପ୍ ଗାଡିକୁ ଜବତ କରାଯାଇଛି। ଘଟଣାରେ ସମ୍ପୃକ୍ତ ୫ ଚାଲାଣକାରୀଙ୍କୁ ଗିରଫ କରାଯାଇ ସେମାନଙ୍କୁ ମଙ୍ଗଳବାର ଦିନ କୋର୍ଟ ଚାଲାଣ କରାଯାଇଥିବାର ବନ ବିଭାଗ ପକ୍ଷରୁ ସୂଚନା ପ୍ରଦାନ କରାଯାଇଛି । ଗିରଫ ୫ ଚାଲାଣକାରୀ ହେଲେ ଭୀମପୁର ଗ୍ରାମର ସାମୁଏଲ ଶବର, ଲାବାଣ୍ଡା ଗ୍ରାମର ପ୍ରଶାନ୍ତ ଶବର, ଆୟୋବ ଶବର, ସନ୍ତୋଷ ଶବର ଏବଂ ନାଗେଶୁ ଶବର | ଚଢଉରେ ଗାରାବନ୍ଧ ବନରକ୍ଷୀ କାର୍ଯ୍ୟାଳୟର ଦୁର୍ଯ୍ୟଧନ ଜେନା ଓ ଫରେଷ୍ଟ ଗାର୍ଡ କେ ଗିରିଶ କୁମାରଙ୍କ ସହ ବହୁ ବିଭାଗୀୟ କର୍ମଚାରୀ ଅଂଶ ଗ୍ରହଣ କରିଥିଲେ।