ଜାତୀୟ ଚକ୍ଷୁଦାନ ପକ୍ଷ ପାଳିତ
ବାଲେଶ୍ୱର, (ସରୋଜ ପଣ୍ଡା):ଜିଲ୍ଲା ସ୍ୱାସ୍ଥ୍ୟ ସମିତି,ବାଲେଶ୍ୱର ଓ ସ୍ଵେଛାସେବୀ ଅନୁଷ୍ଠାନ ମେ ଆଇ ହେଲ୍ପ ୟୁ ର ମିଳିତ ସହଯୋଗରେ ଜାତୀୟ ଚକ୍ଷୁଦାନ ପକ୍ଷ ସ୍ଥାନୀୟ ସହରାଞ୍ଚଳ ପ୍ରାଥମିକ ସ୍ୱାସ୍ଥ୍ୟକେନ୍ଦ୍ର ଠାରେ ପାଳିତ ହୋଇଯାଇଛି.ବରିଷ୍ଠ ଡାକ୍ତର ମୃତ୍ଯୁଞୟ ମିଶ୍ରଙ୍କ ଅଧ୍ୟକ୍ଷତାରେ ଅନୁଷ୍ଠିତ ସଚେତନତା ସଭାରେ ଚକ୍ଷୁ ବିଶେଷଜ୍ଞ ଡା.ସୁଜିତ ନାରାୟଣ ମହାପାତ୍ର ଯୋଗ ଦେଇ ଜଣେ ବ୍ୟକ୍ତିର ଚକ୍ଷୁଦାନ ଦ୍ୱାରା ଦୁଇ ଜଣ ବ୍ୟକ୍ତିଙ୍କର୍ ଅନ୍ଧତ୍ୱ ଦୂର ହୋଇଥାଏ.କୌଣସି ବ୍ୟକ୍ତି ଜୀବନ କାଳ ମଧ୍ୟରେ ଯେକୌଣସି ସମୟରେ ସ୍ୱ-ଇଚ୍ଛାରେ ଚକ୍ଷୁଦାନ ପାଇଁ ସମ୍ମତି ଦେଇପାରିବେ ବୋଲି କହିଥିଲେ .ଅନ୍ୟମାନଙ୍କ ମଧ୍ୟରେ ଡା.ସଂଜୀବ ପ୍ରଧାନ,ସନ୍ଧ୍ୟାରାଣୀ ନାୟକ,ମନୋଜ ଦାସ ଓ ରମଣୀ କାନ୍ତ ଭଞ୍ଜ ପ୍ରମୁଖ ଚକ୍ଷୁଦାନ ସଂମ୍ପର୍କ ରେ ଆଲୋଚନା କରିଥିଲେ.ଏହି ଅବସରସରେ ଏକ ସଚେତନତା ଶୋଭାଯାତ୍ରା ସ୍ଥାନୀୟ ଫିରିଂପାଟଣା ସ୍କୁଲ ଠାରୁ ବାହାରି ସହର ପରିକ୍ରମା କରିଥିଲା.
