ଦନ୍ତା ବାରହା ଆକ୍ରମଣରେ ମହିଳା ଗୁରୁତର        

ଦିଗପହଣ୍ଡି, (ଯୁଗାବ୍ଦ ନ୍ୟୁଜ):ଦିଗପହଣ୍ଡି ବ୍ଲକ ସିଦ୍ଧଖଣ୍ଡି ଗ୍ରାମର ଜୟନ୍ତୀ ରାଉତ ବୁଧବାର ସକାଳେ ଚାଷଜମିରେ କାମ କରୁଥିବା ବେଳେ ବନ୍ୟଜନ୍ତୁ ବାରହା ଆକ୍ରମଣରେ ଗୁରୁତର ଆହତ ହୋଇଛନ୍ତି। ଦନ୍ତା ବାରହା ଟି ତାଙ୍କୁ ଗୋଡ଼ାଇ ଗୋଡ଼ାଇ ଆକ୍ରମଣ କରିଥିଲା। ସେ ଚାଷଜମିରେ ପଡ଼ିଯାଇ ଚିତ୍କାର କରିଥିଲେ। ମହିଳା ଙ୍କ ଚିତ୍କାର ଶୁଣି ସେହି ରାସ୍ତାରେ ଯାଉଥିବା ଗ୍ରାମ୍ୟ ପରିବହନ ବସ ର କର୍ମଚାରୀ ମାନେ ଗାଡ଼ି ରଖି ଘଟଣାସ୍ଥଳରେ ପହଞ୍ଚି ବାରହା କୁ ଘଉଡାଇବା ସହ ଗୁରୁତର ଅବସ୍ଥାରେ ମହିଳାଙ୍କୁ ଉଦ୍ଧାର କରି ଦିଗପହଣ୍ଡି ଗୋଷ୍ଠୀ ସ୍ୱାସ୍ଥ୍ୟକେନ୍ଦ୍ର ରେ ଭର୍ତ୍ତି କରିଥିଲେ।ସେଠାରେ ପ୍ରାଥମିକ ଚିକିତ୍ସା ପରେ ଅବସ୍ଥା ରେ ସୁଧାର ନଆସିବାରୁ  ତାଙ୍କୁ ସଙ୍କଟାପନ୍ନ ଅବସ୍ଥାରେ ବ୍ରହ୍ମପୁର ବଡ଼ ଡାକ୍ତରଖାନା କୁ ସ୍ଥାନାନ୍ତର କରାଯାଇଛି।ଦିଗପହଣ୍ଡି ଓ ସାନଖେମୁଣ୍ଡି ବ୍ଲକ ଗ୍ରାମାଞ୍ଚଳ ମାନଙ୍କରେ ଗତ କିଛିଦିନ ହେଲା ବାରହା ମାନଙ୍କ ପ୍ରାଦୁର୍ଭାବ ବଢ଼ିବାରେ ଲାଗିଛି।ଗତ ସୋମବାର ଭୋର ରେ ଦିଗପହଣ୍ଡି ବ୍ଲକ କୁଶପଡ଼ା ପଞ୍ଚାୟତ କେ.ସାମନ୍ତରାପୁର ଗ୍ରାମ ରାସ୍ତାରେ ସାନଖେମୁଣ୍ଡି ବ୍ଲକ ମାଟିଆବୋରେଇ ଗ୍ରାମର ଜି.ସନ୍ତୋଷ ରେଡ୍ଡୀ ବାରହା ଆକ୍ରମଣରେ ଗୁରୁତର ଆହତ ହୋଇ ଚିକିତ୍ସିତ ହୋଇଥିଲେ