ତନୁଜା ଶତପଥୀ ଇଣ୍ଡିଆନ୍ ଏଣ୍ଡିଭିସୁଆଲ ଏକ୍ସିଲେନ୍ସ ଏବାଆର୍ଡରେ ପୁରସ୍କୃତ

ପାରଳାଖେମୁଣ୍ଡି, (ତାରିଣୀ ପ୍ରସାଦ ପଣ୍ଡା): ଗଜପତି ଜିଲ୍ଲାର ଜଣେ ସକ୍ରିୟ ସମାଜସେବୀ, ଲେଖିକା ଏବଂ ମହିଳା ସଂଗଠନର ମୁଖ୍ୟ ତନୁଜା ଶତପଥୀ ଇଣ୍ଡିଆନ୍ ଏଣ୍ଡିଭିସୁଆଲ ଏକ୍ସିଲେନ୍ସ ଏବାଆର୍ଡରେ ପୁରସ୍କୃତ ହୋଇଥିବା ସୂଚନା ମିଳିଛି. ଭୁବନେଶ୍ଵରସ୍ଥିତ ଜୟଦେବ ଭବନଠାରେ କବି ତଥା ସାରସ୍ଵତ ସାଧକ ଶଙ୍କର ପରିଡ଼ା ଏବଂ ବିଶିଷ୍ଟ ବ୍ୟକ୍ତିବିଶେଷ ମାନଙ୍କ ଦ୍ଵାରା ଗଜପତି ଜିଲ୍ଲାର ପ୍ରଗତି ମହିଳା ସଂଗଠନର ସମ୍ପାଦିକା ତନୁଜା ଶତପଥୀ ସମ୍ବର୍ଧନା ଦିଆଯାଇଛି. ଗଜପତିରୁ ଜଣେ ସକ୍ରିୟ ମହିଳା ସଙ୍ଗଠନର ମୁଖ୍ୟ ଭାବେ ଗୀତ, ସମାଜସେବୀ ଏବଂ ଲେଖିକା ଭାବେ ଦକ୍ଷତା ଯୋଗୁଁ ସେ ପୁରସ୍କୃତ ହୋଇଛନ୍ତି। ଏନେଇ ପାରଳାର ବିଭିନ୍ନ ସାରସ୍ଵତ ଓ ସଂସ୍କୃତିକ ପ୍ରତିଷ୍ଠାନର ଶିଳ୍ପୀ ଏବଂ ବୁଦ୍ଧିଜୀବୀ ଯଥା ବିଚିତ୍ରାନନ୍ଦ ବେବର୍ତ୍ତା, ଲୋକନାଥ ମିଶ୍ର, ମନୋଜ୍ ପଟ୍ଟନାୟକ, ଲିଙ୍ଗରାଜ ପାଣିଗ୍ରାହୀ, ଡ.ଭାରତୀ ପାଣିଗ୍ରାହୀ, ମୂରଲୀଧର ପରିଚ୍ଛା, କଲ୍ପନା ପଟ୍ଟନାୟକ, ସବିତା ପଣ୍ଡିତ ପ୍ରମୁଖ ତନୁଜାଙ୍କୁ ଅଭିନନ୍ଦନ ଜଣାଇଛନ୍ତି।