ଅଧ୍ୟାପକଙ୍କ ବିୟୋଗରେ ସ୍ମୃତିସଭା

ନିମାପଡ଼ା,(ସନ୍ତୋଷ ଦାଶ):ପୁରୀ ଜିଲ୍ଲା ନୟାହାଟ କଲେଜର ଇତିହାସ ବିଭାଗ ଅଧ୍ୟାପକ ଶୁକଦେବ ନାୟକଙ୍କର ଏକ ଦୁର୍ଘଟଣାରେ ଅକାଳ ବିୟୋଗ ଘଟିଥିଲା। ତାଙ୍କ ଏକାଦଶାହରେ ତାଙ୍କ କର୍ମସ୍ଥଳ ନୟାହାଟ କଲେଜ ଠାରେ ତାଙ୍କ ସ୍ମୃତିରେ ଏକ ଶୋକସଭା କଲେଜ ଅଧ୍ୟକ୍ଷ ଭୋଳାନାଥ ପାତ୍ରଙ୍କ ଅଧ୍ୟକ୍ଷତାରେ ଅନୁଷ୍ଠିତ ହୋଇଥିଲା। ଉକ୍ତ କାର୍ଯ୍ୟକ୍ରମରେ ଶିକ୍ଷାବିଦ ମଧୁସୁଦନ ରାୟ, ହରିହର ସ୍ଵାଇଁ, ସୁରେନ୍ଦ୍ର ମୋହନ ବିଟି, ପ୍ରଭାତ ରଞ୍ଜନ ମହାପାତ୍ର, କନକ ଲତା ଭୋଇ, ସୁରଥ କୁମାର ସ୍ଵାଇଁ ଅଭିମନ୍ୟୁ ସିଂ ଓ ବିଭିନ୍ନ କଲେଜର ଅଧ୍ୟାପକ, ଅଧ୍ୟାପିକା, ନୟାହାଟ କଲେଜର କର୍ମଚାରୀମାନେ ଯୋଗଦେଇ ସ୍ବର୍ଗତ ନାୟକଙ୍କ ସ୍ମୃତି ଚାରଣ କରିଥିଲେ।