ଲକ୍ଷାଧିକ ଟଙ୍କାର ଗଞ୍ଜେଇ ଜବତ

ପାରଳାଖେମୁଣ୍ଡି, (ତାରିଣୀ ପ୍ରସାଦ ପଣ୍ଡା):ଗଜପତି ଜିଲ୍ଲା ଗୋଷାଣି ବ୍ଲକ ଗାରାବନ୍ଧ ଥାନା ପୁଲିସ ଲକ୍ଷାଧିକ ଟଙ୍କାର ୨୨ କେଜି ଗଞ୍ଜେଇ ସହ ଗୋଟିଏ ସ୍ଫୁଟର ସମେତ ଦୁଇ ବାଇକ ଜବତ କରିଛି। । ଘଟଣାରେ ସମ୍ପୃକ୍ତ ତିନି ଜଣଙ୍କ ମଧ୍ୟରୁ ଜଣେ ଗିରଫ ହୋଇଥ‌ିବା ବେଳେ ତଳେ ଦୁଇ ଜଣ ଚମ୍ପଟ ମାରିଥିଲେ I ଗାରାବନ୍ଧ ଥାନା ଅଧିକାରୀ ପ୍ରଶାନ୍ତ କୁମାର ନିସିକାଙ୍କ ନିର୍ଦ୍ଦେଶକ୍ରମେ ପୁଲିସ ଟିମ ରମ୍ପା ପଞ୍ଚାୟତ ବଡହଂସା ରାସ୍ତାରେ ପାଟ୍ରୋଲିଂ ସମଯରେ ତିନିଜଣ ପୃଥକ ପୃଥକ ଭାବେ ବାଇକ ଓ ସ୍କୁଟରରେ ଆସୁଥିବାର ଦେଖିବାକୁ ପାଇଥିଲେ। ସେମାନଙ୍କୁ ଅଟକାଇ ପଚରାଉଚରା କରିଥ୍‌ଲା ପୁଲିସ | ତିନି ଜଣ ନିଜ ନିଜ ବାଇକ୍ ଏବଂ ସ୍ଫୁଟରକୁ ଘଟଣା ସ୍ଥଳରେ ଛାଡି ଦେଇ ଦୌଡିଥିଲେ I ହେଲେ ସେମାନଙ୍କ ମଧ୍ୟରୁ ନୂଆଗଡ଼ ବ୍ଲକ ସୁନ୍ଦରଡାଙ୍ଗ ଗ୍ରାମର ଆଲୋକ ମାଝୀଙ୍କୁ କାବୁ କରିଥ୍‌ଲା ପୁଲିସ। ଅନ୍ୟ ଦୁଇଜଣ ଘଟଣାସ୍ଥଳରୁ ଚମ୍ପଟ ମାରିଥିଲେ। ଅଭିଯୁକ୍ତ ଆଲୋକ ମାଝୀକୁ ପଚରାଉଚରା ବେଳେ ଆନ୍ଧ୍ରର ପଲାସାକୁ ଗଞ୍ଜେଇ ଚାଲାଣ କରୁଥିବା ସ୍ୱୀକାର କରିଥିଲା I ମାଜିଷ୍ଟ୍ରେଟ୍ ଦାୟିତ୍ଵରେ ଥିବା ପାରଳାଖେମୁଣ୍ଡି ତହସିଲଦାର ନାରାଯଣ ବେହେରାଙ୍କ ଉପସ୍ଥିତିରେ ଗଞ୍ଜେଇର ଓଜନ କରିବାରେ ମୋଟ ୨୨ କେଜି ଜବତ ହୋଇଥିବା ଜଣାପଡ଼ିଥିଲା।