ଷଣ୍ଢର ଶେଷକୃତ୍ତ୍ୟ ସମ୍ପର୍ଣ୍ଣ କଲେ ମା ତାରିଣୀ ସେବା ସଂସ୍ଥାର କର୍ମକର୍ତ୍ତା

ହାଟଡିହି, (ବିକାଶ ବିଶ୍ୱାଳ):ଆନନ୍ଦପୁର – ଭଦ୍ରକ ରାସ୍ତାର ଛେନାପଦି ବଜାର ରେ ଏକ ଟ୍ରକ ଧକ୍କାରେ ଗୋଟିଏ ଷଣ୍ଢର ମୃତ୍ୟୁ ଘଟିଥିଲା । ମାତ୍ର ମୃତଦେହ କୁ ଉଠାଇବାକୁ କେହି ଆଗ୍ରହ ଦେଖାଇ ନଥିଲେ । ଗୁରୁବାର ରାତିରୁ ଶୁକ୍ରବାର ଦିନ ୧୧ଟା ପର୍ଯ୍ୟନ୍ତ ଷଣ୍ଢର ମୃତଦେହ ସେହିପରି ପଡି ରହିଥିଲା । ଏହା ଜାଣିବାପରେ ମା ତାରିଣୀ ସେବା ସଂସ୍ଥାର ନନ୍ଦୁ ଚ଼ରଣ ଜେନାଙ୍କ ନେତୃତ୍ବରେ ଚକ୍ରଧର ସାହୁ, ଶୁଶାନ୍ତ ମହାପାତ୍ର, କୈଳାସ ଚନ୍ଦ୍ର ରାଉତ, ଭକ୍ତ ଶେଖର ଯେନା, ଝରଣା ନାୟକ,ଚଗୁଲୁ ସାହୁ ପ୍ରମୁଖ ହିଟାଚି ମେସିନି ସାହାଯ୍ୟରେ ମୃତଦେହକୁ ନେଇ ସଂସ୍କାର କରିଛନ୍ତି । ସେବା ସଂସ୍ଥାର ଏପରି ମହତ କାର୍ଯ୍ୟକୁ ସାଧାରଣରେ ପ୍ରଶଂସା କରାଯାଇଛି।