ଗରାପୁରରେ ହଜରତ ଦିୱାନ ମୂଷା ବାବାଙ୍କ ଉର୍ସ ଉତ୍ସବ ପାଳିତ
କେନ୍ଦ୍ରାପଡ଼ା, (ଚିତ୍ତରଞ୍ଜନ ଦାସ):ପ୍ରତିବର୍ଷ ପରି ଚଳିତବର୍ଷ ହଜରତ୍ ସୟଦ୍ ଦିୱାନ ମୂଷା ବାବାଙ୍କ ମହା ଆଡମ୍ବରରେ ଦୁଇଦିନିଆ ଉର୍ସ ଉତ୍ସବ ଗରାପୁରଠାରେ ଅନୁଷ୍ଠିତ ହୋଇଯାଇଛି । ପ୍ରଥମ ଦିନ କୋରାନ୍ ପାଠ ଓ ହଦିସ୍ ପାଠ ଉପରେ ପ୍ରତିଯୋଗିତା ହୋଇଥିଲା । ପିଲାମାନେ ନିଜ ନିଜର ଦକ୍ଷତା ପ୍ରତିପାଦନ କରିଥିଲେ ଓ ଚାଦର ଶୋଭାଯାତ୍ରା ହୋଇଥିଲା ଏବଂ ଦ୍ୱିତୀୟ ଦିନରେ ଏକ ପ୍ରବଚନ ଓ ସାୟର୍ମାନଙ୍କର ସଭା ଅନୁଷ୍ଠିତ ହୋଇଥିଲା । ମୁଫ୍ତି ମୁସରଫ୍ ରଜା ମିସ୍ବାହି, ସଲିମ୍ ରଜା ବରେଲୱି, ଫୈଜୁଲ ହବିବ୍ ନୁରି, ମୁଫ୍ତି ରିୟାଜତ୍ ହୋସେନ୍ ଆଜହାରି, ମୁଫ୍ତି ଫୁରକାନ୍ ରଜା ମନ୍ଜରି, କାରି ମନୱର ହୋସେନ ହବିବି, ଶମିୱିଲ ଅଖତର୍ ମୁଜାହିଦ୍, ଅସଗର ରଜାଉଲ୍କାଦରି ପ୍ରମୁଖ ପ୍ରବଚନ ଦେଇଥିଲେ । ସାୟରମାନେ ମହମ୍ମଦଙ୍କ ବାଣୀ ଉପରେ ସାୟରି ଗାନ କରିଥିଲେ । ଏହି ତକରିଦ୍ ଉତ୍ସବରେ କେନ୍ଦ୍ରାପଡା ବିଧାୟକ ଗଣେଶ୍ୱର ବେହେରା, ବ୍ଲକ ଉପାଧ୍ୟକ୍ଷ ପ୍ରତାପ ନାରାୟଣ ମହାପାତ୍ର, ସଂଖ୍ୟାଲଘୁ ସେଲ୍ ସଭାପତି ସେକ୍ ଇନାୟତ୍(ଚନ୍ଦନ), କପାଳେଶ୍ୱର ସରପଞ୍ଚଙ୍କ ପ୍ରତିନିଧି ଲୋହିତ କୁମାର ମହାନ୍ତି, ବିଜେପି ନେତା ଅଭିମନ୍ୟୁ ଗୋଚ୍ଛାୟତ, ମୃତ୍ୟୁଞ୍ଜୟ ମହାନ୍ତି, ଅବଦୁଲ ସଲିମ୍ ଖାନ୍, ସେକ୍ ଚାନ୍ଦବାବୁ, ସୟଦ୍ ସମସେର ଅଲ୍ଲୀ, ସେକ୍ ଜୁବୁନା, ସେକ୍ ମୁକ୍ତାର, ସେକ୍ ସମି, ମିର୍ ଅମ୍ବର ଅଲ୍ଲୀ, ସେକ୍ ଲାଲବାବୁ, ସେକ୍ ଅଲ୍ଲୀଜାନ, ମିର୍ ସଫିକ୍, ସେକ୍ ବାସା, ସେକ୍ ପିଣ୍ଟୁ, ମୈନୁ ଖାନ୍, ସେକ୍ ଟୁକୁଲୁ ପ୍ରମୁଖ ଉପସ୍ଥିତ ଥିଲେ ।
