ଛାତ୍ରୀଙ୍କୁ ଅସଦାଚରଣ ଅଭିଯୋଗରେ ଶିକ୍ଷକ ଗିରଫ

ବାରିପଦା , (ଯୁଗାବ୍ଦ ନ୍ୟୁଜ) ପୁଣି ଗୁରୁ-ଶି‍ଷ୍ୟ ସମ୍ପର୍କରେ କଳଙ୍କ। ବୈଶିଙ୍ଗା ଥାନା ଖଡିକାପଦା ଉଚ୍ଚପ୍ରାଥମିକ ବିଦ୍ୟାଳୟର ଶିକ୍ଷକ ସଂଗ୍ରାମ କେଶରୀ ମହାନ୍ତିଙ୍କ ନାଁ ରେ ସେହି ସ୍କୁଲ ର ଜଣେ ଛାତ୍ରୀଙ୍କ ସହ ଅସଦାଚରଣ ଅଭିଯୋଗ । ଅଭିଯୁକ୍ତ ଶିକ୍ଷକଙ୍କୁ ଗ୍ରାମବାସୀ କାବୁ କରି ଦୀର୍ଘ ସମୟ ଧରି ବିଦ୍ୟାଳୟ ଭିତରେ ଅଟକ ରଖିଥିଲେ । ତେବେ ଏ ଶିକ୍ଷକ ଜଣକ ଛାତ୍ରୀ କୁ ଅସଦାଚରଣ ସହ ବିଭିନ୍ନ ସମୟରେ ଛୋଟ ପିଲାଙ୍କୁ ଅମାନୁଷିକ ଭାବେ ମାଡ ମାରିବା ଅଭିଯୋଗ ମଧ୍ୟ ହୋଇଛି। ଖବର ପାଇ ଘଟଣା ସ୍ଥଳରେ ବୈଶିଙ୍ଗା ପୋଲିସ ପହଞ୍ଚି ଅଭିଯୁକ୍ତ ଶିକ୍ଷକକୁ ଗିରଫ କରି କୋର୍ଟ ଚାଲାଣ କରିଛି ।