ସାପ କାମୁଡାରେ ଭାଇ ଭଉଣୀ ମୃତ

ସୁନ୍ଦରଗଡ,(ଯୁଗାବ୍ଦ ନ୍ୟୁଜ୍) : ସୁନ୍ଦରଗଡ ସଦରଥାନା ସୁବଲିୟା ନବରଙ୍ଗପୁରଟୋଲା ଗ୍ରାମରେ ସାପ କାମୁଡାରେ ଦୁଇ ଭାଇ ଓ ଭଉଣୀଙ୍କର ମୃତ ହୋଇଥିବା ଜଣାପଡିିଛି । ମୃତକଙ୍କ ପରିଚୟ ପ୍ରଦୀପ ଦଣ୍ଡସେନଙ୍କ ଦୁଇ ପୁଅ ଓ ଝିଅ ବୋଲି ଜଣାପଡିଛି । ଦୁହେଁ ରାତିରେ ଖାଇସାରିବା ପରେ ବିଛଣାକୁ ଶୋଇବାକୁ ଯାଇଥିଲେ । ରାତିରେ ଶୋଇଥିବା ସମୟରେ ଏକ ବିଷାକ୍ତ ସାପ କାମୁଡିବାରେ ଉଭୟ ଭାଇ ଭଉଣୀଙ୍କ ମୃତ୍ୟୁ ହୋଇଥିବା ଜଣାପଡିଛି । ମୃତକ ଭାଇ ଓ ଭଉଣୀଙ୍କ ପରିଚୟ ଦଣ୍ଡସେନା (୧୩) ଭାଇ ଅବିନାଶ ଦଣ୍ଡସେନା (୮) ବୋଲି ଜଣାପଡିଛି । ମିଳିଥିବା ସୂଚନା ଅନୁଯାୟୀ ଭାଇ ଓ ଭଉଣୀ ସକାଳୁ ଉଠିବା ପରେ ତାଙ୍କର ମୁଣ୍ଡ ବୁଲାଇବା ଆରମ୍ଭ ହୋଇଥିଲା । ଏହା ପରେ ପରିବାର ଲୋକେ ପୁଅ ଓ ଝିଅଙ୍କୁ ଧରି ସୁନ୍ଦରଗଡ ହସପିଟାଲରେ ଭର୍ତ୍ତିକରିଥିଲେ । ଦୁହେଁ ଗୁରୁତର ହେବାରୁ ତାଙ୍କୁ ବୁର୍ଲା ମେଡିକାଲକୁ ନେବା ବାଟରେ ଦୁହିଁଙ୍କର ମୃତ୍ୟୁ ହୋଇଥିଲା । ପୁଅ ଓ ଝିଅଙ୍କୁ ହରାଇ ଦୁଖରେ ଭାଙ୍ଗି ପଡିଛନ୍ତି ପିତା ଓ ମାତା । ଏହି ଖବର ପ୍ରସାରିତ ହେବା ପରେ ଗ୍ରାମରେ ଶୋକର ଛାୟା ଖେଳିଯାଇଛି ।