ପଦୋନ୍ନତି ପାଇଥିବା ଶିକ୍ଷକଙ୍କୁ ସମ୍ବର୍ଦ୍ଧନା
ବୁଗୁଡା,(ଅନିଲ କୁମାର ମହାରଣା): ଗଞ୍ଜାମ ଜିଲ୍ଲା ବୁଗୁଡା ବ୍ଲକର ପୋଚାଲୁଣ୍ଡି ଗ୍ରାମର ମାଁ କାଳୀ କୃଷକ ବିଦ୍ୟାପୀଠର ସହକାରୀ ଶିକ୍ଷକ ବିଜୟ ଚନ୍ଦ୍ର ମହାରଣାଙ୍କ ପ୍ରଧାନ ଶିକ୍ଷକ ପଦବୀକୁ ପଦୋନ୍ନତି ହୋଇ ସେ ଦିଗପହଣ୍ଡି ବ୍ଲକର ଏସ.ଟିକରପଡ଼ା ଗ୍ରାମର ସରକାରୀ ନୋଡାଲ ଉଚ୍ଚ ବିଦ୍ୟାଳୟର ପ୍ରଧାନ ଶିକ୍ଷକ ଭାବେ ନିଯୁକ୍ତି ହୋଇଛନ୍ତି। ଶ୍ରୀ ମହାରଣା ପୋଚାଲୁଣ୍ଡି ହାଇସ୍କୁଲରେ ଦୀର୍ଘ ୩୫ ବର୍ଷଧରି ବିଜ୍ଞାନ ଶିକ୍ଷକ ଭାବେ କାର୍ଯ୍ୟ କରୁଥିଲେ । ଜଣେ ଆଦର୍ଶ ଓ ଛାତ୍ର ବତ୍ସଳ ଶିକ୍ଷକ ଭାବେ ବିଜୟ ଚନ୍ଦ୍ର ମହାରଣା ଅଞ୍ଚଳରେ ପ୍ରିୟ ଭାଜନ ହୋଇ ପାରିଥିଲେ । ଏଠାରୁ ପଦୋନ୍ନତି ପାଇଁ ଅନ୍ୟତ୍ର ଯିବା ଉପଲକ୍ଷେ ବିଦ୍ୟାଳୟ ପକ୍ଷରୁ ଭବ୍ୟ ସମ୍ବର୍ଦ୍ଧନା ଜ୍ଞାପନ କରାଯାଇଥିଲା । ପ୍ରଧାନ ଶିକ୍ଷକ ନବଘନ ମିଶ୍ରଙ୍କ ଅଧ୍ୟକ୍ଷତାରେ ଅନୁଷ୍ଠିତ ସମ୍ବର୍ଦ୍ଧନା ଉତ୍ସବରେ ପ୍ରତିଷ୍ଠାତା ସମ୍ପାଦକ ଭାସ୍କର ଚନ୍ଦ୍ର ଜେନା, ଭଗବାନ ପ୍ରଧାନ, ପ୍ରାକ୍ତନ କିରାଣୀ ରାମ ଚନ୍ଦ୍ର ଜେନା ପ୍ରମୁଖଙ୍କ ସମେତ ଶିକ୍ଷକ ପୂର୍ଣ୍ଣ ଚନ୍ଦ୍ର ଭୋଳ, ଶିକ୍ଷକ ଶିକ୍ଷୟିତ୍ରୀ ରଶ୍ମିତା ନାୟକ, ବେଦବ୍ୟାସ ଖଡଙ୍ଗା, ବନମାଳୀ ଜେନା, ବଂଶୀଧର ସେଠୀ ଓ ବିପ୍ର ଚରଣ ଜେନା ଏବଂ ଛାତ୍ରଛାତ୍ରୀ ବୃନ୍ଦ ଯୋଗଦେଇ ପୁଷ୍ପଗୁଚ୍ଛ ,ଉପଢୌକନ ଓ ମାନପତ୍ର ପ୍ରଦାନ କରି ସମ୍ବର୍ଦ୍ଧିତ କରାଯାଇଥିଲା।
