ନିଳୋକରେ ମାଙ୍କଡ ଉପଦ୍ରବ; ଆକ୍ରମଣରେ ୩ ଗୁରୁତର

ବନ୍ତ,(ଚାନ୍ଦିନୀ ମହାନ୍ତି) : ଗତ କିଛି ଦିନ ହେବ ବନ୍ତ ବ୍ଲକ ନିଳୋକ ଗ୍ରାମରେ ଏକ ମାଙ୍କଡର ଦୌରାତ୍ମ୍ୟ ଦେଖିବାକୁ ମିଳିଛି । ମାଙ୍କଡ ଆକ୍ରମଣରେ ୩ ଜଣ ବ୍ୟକ୍ତି ଗୁରୁତର ହୋଇ ଭଦ୍ରକ ମୁଖ୍ୟ ଚିକିତ୍ସାଳୟରେ ଭର୍ତ୍ତ ହୋଇଛନ୍ତି । ମାଙ୍କଡ ଭୟରେ ଗ୍ରାମର ଲୋକ ମାନେ ଘରୁ ବାହାରୁ ନାହାନ୍ତି । ଏହାର ପ୍ରତିକାର ପାଇଁ ଗ୍ରାମବାସୀ ମାନେ ଜିଲା ଫରେଷ୍ଟ ଅଧିକାରୀଙ୍କୁ ଲିଖିତ ଅଭିଯୋଗ କରିଥିବା ଜଣାଯାଇଛି । ତେବେ ଜିଲା ପ୍ରଶାସନ ଏଥିପ୍ରତି ଦୃଷ୍ଟି ଦେଇ ବିହିତ ପଦକ୍ଷେପ ଗ୍ରହଣ କରିବାକୁ ଗ୍ରାମବାସୀ ମାନେ ଦାବୀ କରିଛନ୍ତି ।