ବିଭିନ୍ନ ସ୍ଥାନରେ ବିଶ୍ୱକର୍ମା ପୂଜା ଧୁମଧାମରେ ପାଳିତ

ହାଟଡ଼ିହି, (ଯୁଗାବ୍ଦ ନ୍ୟୁଜ୍) : ହାଟଡିହି ବ୍ଲକର ବିଭିନ୍ନ ସ୍ଥାନରେ ଦେବଶିଳ୍ପୀ ବିଶ୍ୱକର୍ମାଙ୍କ ପୂଜା ମହାସମାରୋହରେ ପାଳିତ ହୋଇଯାଇଛି । ହାଟଡିହି ଦମକଳ କେନ୍ଦ୍ର, ଛେନାପଦି ଛକସ୍ଥିତ ବିଭିନ୍ନ ଗ୍ୟାରେଜ, ସଢ଼ା ଲକ୍ଷ୍ମୀନାରାୟଣ ରାଇସ ମିଲ, ମା ମାଧୋଇ ରାଇସ ମିଲ, ଟେଲିଫୋନ ଏକ୍ସଚେଞ୍ଜ, ବଞ୍ଚୋଛକ, ଛେନାପଦିଛକ ସ୍ଥିତ ମା ତାରିଣୀ ଶିଳ୍ପ ତାଲିମ କେନ୍ଦ୍ର, ଦଧିବାବନପୁର ଠାରେ ଥିବା ବିଦ୍ୟୁତ ଷ୍ଟ୍ରକ୍ଚର, ଗ୍ରାମ୍ୟ ଜଳଯୋଗାଣ ଅଫିସ ପ୍ରଭୃତି ସ୍ଥାନରେ ଦେବଶିଳ୍ପୀ ବିଶ୍ୱକର୍ମାଙ୍କ ମୁର୍ତ୍ତୀ ସ୍ଥାପନ କରାଯାଇ ପୂଜାର୍ଚ୍ଚନା କରିବା ସହ ବିଭିନ୍ନ ଦୋକାନ ଓ ଗ୍ୟାରେଜ ମାନଙ୍କରେ ବିଶ୍ୱକର୍ମା ପୂଜା କରାଯାଇଛି । ଏଥିପାଇଁ ସମସ୍ତ ପୂଜା ମଣ୍ଡପ ଗୁଡିକୁ ରଙ୍ଗୀନ ଆଲୋକ ମାଳାରେ ସଜ୍ଜିତ କରାଯାଇଥିଲା । ଦଧିବାବନପୁର ଠାରେ ଥିବା ୩୩/୧୧ ବିଦ୍ୟୁତ ଷ୍ଟ୍ରକ୍ଚରରେ ଜୁନିୟର ମ୍ୟାନେଜର ମାନସ ରଞ୍ଜନ ମହାନ୍ତିଙ୍କ ତତ୍ୱାବଧାନରେ ଅନୁଷ୍ଠିତ ବିଶ୍ୱକର୍ମା ପୂଜା ମହା ଆଡମ୍ବର ସହକାରେ ସମ୍ପର୍ଣ୍ଣ ହୋଇଛି । ପ୍ରତାପ ନାରାୟଣ ନନ୍ଦ, ସଞ୍ଜୟ କୁମାର ବଳ, ଚିନ୍ମୟ କୁମାର ମିଶ୍ର, ପ୍ରଦୀପ କୁମାର ଜେନା, ସତ୍ୟ ରଞ୍ଜନ ରାଉତ, ତାପସ କୁମାର ସାହୁ, ମହେଶ୍ୱର ଓଝା, ଅଣ୍ଟୁ ସୋରେନ ପ୍ରମୁଖ କର୍ମଚାରୀ ମାନେ ପୂଜାକାର୍ଯ୍ୟ ପରିଚାଳନା କରିଥିଲେ । ସେହିପରି ମା ମାଧୋଇ ରାଇସମିଲରେ ବିଶ୍ୱକର୍ମାଙ୍କ ପୂଜା ଅନୁଷ୍ଠିତ ହୋଇଯାଇଛି । ପୁର୍ବତନ ବ୍ଲକ ଅଧ୍ୟକ୍ଷ ତଥା ରାଇସମିଲର ଏମ.ଡି ପର୍ଶୁରାମ ପେଡାଙ୍କ ସଂଯୋଜନାରେ ଅନୁଷ୍ଠିତ ଏହି ପୂଜାରେ ପ୍ରଦୀପ କୁମାର ପେଡା କର୍ତ୍ତା ଭାବେ ପୂଜାକାର୍ଯ୍ୟ ସମ୍ପାଦନା କରିଥିବାବେଳେ ଏ ଅଞ୍ଚଳର ବହୁ ମାନ୍ୟଗଣ୍ୟ ବ୍ୟକ୍ତି ପୂଜାକାର୍ଯ୍ୟରେ ସାମିଲ ହୋଇଥିଲେ ।