କମେଡିଆନ ବ୍ରଜଙ୍କୁ ଦେଖିବାକୁ ଭିଡ

ଭଞ୍ଜନଗର,(ସନ୍ତୋଷ କୁମାର ଜେନା): ଜଗନ୍ନାଥପ୍ରସାଦ ବ୍ଳକ କଲ୍ୟାଣପୁର ଗାଁ ରେ ଆଜି ହଠାତ ଓଡ଼ିଆ ଚଳଚ୍ଚିତ୍ର ଜଗତର ହାସ୍ୟାଭିନେତା ବ୍ରଜ ସିଂ ପହଞ୍ଚି ଥିଲେ । କାରଣ ବୁଝିବାରୁ ଜଣାପଡିଥିଲା ଯେ ଏହି ଗ୍ରାମର ମଣ୍ଟୁ ନାମକ ଜଣେ ଯୁବକ ଟିକଟକରେ ବିଭିନ୍ନ ସୁନ୍ଦର ଅଭିନୟ କରୁଥିବା ଦେଖିବା ପରେ ଭଞ୍ଜନଗର ନିକଟରେ ମାସ୍କ ନାହିଁ ତ ଯାତ୍ରା ନାହିଁ ଏକ କ୍ଷୁଦ୍ର ଚଳଚ୍ଚିତ୍ରର ରିଲିଜ ପାଇଁ ଆସିଥିବା ବେଳେ କଲ୍ୟାଣପୁର ଆସି ମଣ୍ଟୁକୁ ଭେଟିଛନ୍ତି । ତେବେ ଟେଲିଭିଜନରେ ଦର୍ଶକଙ୍କୁ ହସାଉଥିବା ବ୍ରଜଙ୍କୁ ନିକଟରେ ପାଇ ପିଲାଠାରୁ ବୁଢା ପର୍ଯ୍ୟନ୍ତ ସମସ୍ତଙ୍କ ମଧ୍ୟରେ ଏକ ପ୍ରକାର ଖୁସି ର ମହଲ ଦେଖିବାକୁ ମିଳିଥିଲା । ସମସ୍ତ ନିଜନିଜ ମୋବାଇଲରେ ସେଲଫି ନେବାପାଇଁ ଏକ ପ୍ରକାର ପ୍ରତିଯୋଗିତା ଭଳି ଦେଖିବାକୁ ମିଳିଥିଲା । ମାତ୍ର କିଛି ସମୟ ପରେ ସେ ଭଞ୍ଜନଗର ଫେରିଥିଲେ । ଆସନ୍ତାକାଲି ପଳାସ ପଲ୍ଲୀରେ ଏକ କାର୍ଯ୍ୟକ୍ରମରେ ଯୋଗଦେବାର ଥିବା ସେ ପ୍ରକାଶ କରିଛନ୍ତି ।