ପ୍ରଲୋଭନ ଦେଖାଇ ନାବାଳିକାକୁ ଦୁଷ୍କର୍ମ ଅଭିଯୋଗ ;ଅଭିଯୁକ୍ତ ଗିରଫ

ବାଲିଗୁଡା,(ସଞ୍ଜୟ କୁମାର ପାଣିଗ୍ରାହୀ): କନ୍ଧମାଳ ଜିଲ୍ଲା ବାଲିଗୁଡା ଉପଖଣ୍ଡ ଅନ୍ତର୍ଗତ ଜି.ଉଦୟଗିରି ଥାନା ଅନ୍ତର୍ଗତ ରାଇପଲ୍ଲୀ ଗ୍ରାମରେ ପ୍ରଲୋଭନ ଦେଖାଇ ଜନୈକା ୭ବର୍ଷର ନାବାଳିକାକୁ ଦୁଷ୍କର୍ମ କରିବା ଅଭିଯୋଗରେ ଅଭିଯୁକ୍ତକୁ କୋର୍ଟ ଚାଲାଣ କରାଯିବା ଘଟଣା ସ୍ଥାନୀୟ ଅଞ୍ଚଳରେ ଚାଞ୍ଚଲ୍ୟ ସୃଷ୍ଠି କରିଛି। ବିବରଣୀରୁ ପ୍ରକାଶ ଯେ, ଜି.ଉଦୟଗିରି ଥାନା ଅନ୍ତର୍ଗତ ରାଇକଲା ଗ୍ରାମ ପଞ୍ଚାୟତ ସ୍ଥିତ ରାଇପଲ୍ଲୀ ଗ୍ରାମର ବିଜୟ ନାୟକ(୫୦)ଙ୍କ ଘରକୁ ସେହି ଗ୍ରାମର ଜନୈକା ନାବାଳିକା ବଲ ଖେଳିବାକୁ ଆସିଥିବାବେଳେ ତାକୁ ନିଜ ପାଖକୁ ଡାକି ଚକଲେଟର ପ୍ରଲୋଭନ ଦେଖାଇବା ସହ ଦୁଷ୍କର୍ମ ଅଭିଯୋଗ ନେଇ ପୀଡୀତାର ମା ଜି.ଉଦୟଗିରି ଥାନାରେ ଏତଲା ଦାୟର କରିଥିଲେ। ଏହା ପରେ ଏସ ଆଇ ବିଭୂତି ଭୂଷଣ ମୂଦୁଲି ଅଭିଯୁକ୍ତକୁ ଗିରଫ କରିବାସହ ଡାକ୍ତରୀ ମାଇନା କରି କେସ ନଂ ୯୯ ଦଫା ୩୭୬AB/୫୦୬ ଆଇପିସି,ଆର ଡବ୍ଲ୍ୟୁ ୪ ଅଫ ପକ୍ସୋ ଆଇନ ଅନୁସାରେ ଫୁଲବାଣୀ ଏଡିଜେ ତଥା ସ୍ବତନ୍ତ୍ର ପକ୍ସୋ ଅଦାଲତକୁ ଚାଲାଣ କରାଯାଇଥିବା ଭାରପ୍ରାପ୍ତ ଥାନା ଅଧିକାରୀ କୌଶଲ୍ୟା ବେହେରା ସୂଚନା ପ୍ରଦାନ କରିଛନ୍ତି।