ମାତୃପିତୃ ପୂଜନ ଦିବସ ପାଇଁ ପ୍ରସ୍ତୁତି

ଭଣ୍ଡାରିପୋଖରୀ,(ଦୁର୍ଯ୍ୟୋଧନ ଲେଙ୍କା): ଆସନ୍ତା ଫେବୃଆରୀ ୧୪ତାରିଖ ମାତୃପିତୃ ପୂଜନ ଦିବସ ପାଳନ ପାଇଁ ଏକ ପ୍ରସ୍ତୁତି ବୈଠକ ଅନୁଷ୍ଠିତ ହୋଇଯାଇଛି । ଶ୍ରୀ ଯୋଗବେଦାନ୍ତ ସେବା ସମିତି ସଭାପତି ଦୈତାରୀ ପଣ୍ଡାଙ୍କ ଅଧ୍ୟକ୍ଷତାରେ ଅନୁଷ୍ଠିତ ହୋଇଥିବା ପ୍ରସ୍ତୁତି ବୈଠକରେ ସମ୍ପାଦକ ଜିତେନ୍ଦ୍ର ନାୟକ, ଅଧ୍ୟାପକ ତପନ ଓଝା, ଶିକ୍ଷାବିତ ପବନ କୁମାର ନାୟକ, କାଳୀପଦ ନାୟକ, ସରସ୍ୱତୀ ପଣ୍ଡା ପ୍ରମୁଖ ଯୋଗଦେଇ ମାତୃପିତୃ ପୂଜନ ଦିବସର ଆଭିମୁଖ୍ୟ ସମ୍ପର୍କରେ ମନ୍ତବ୍ୟ ଦେଇଥିଲେ । ଏହା ସହିତ ଜିଲ୍ଲାର କେଉଁକେଉଁ ସ୍ଥାନରେ କାର୍ଯ୍ୟକ୍ରମ ଆୟୋଜନ କରାଯିବ ସେନେଇ ସଭାପତି ସଦସ୍ୟ ମାନଙ୍କ ମତାମତ ଲୋଡିଥିଲେ । ଅନ୍ୟମାନଙ୍କ ମଧ୍ୟରେ ଚନ୍ଦନ ଦାସ, ଅଶୋକ ମିଶ୍ର, ଅମ୍ରିଶ ମହାନ୍ତି, ବେଣୁଧର ମହାପାତ୍ର ପ୍ରମୁଖ ବୈଠକରେ ଯୋଗଦେଇ ପୂଜନ ଦିବସ ପାଇଁ ସେମାନଙ୍କ ସୁଚିନ୍ତିତ ମତାମତ ଦେଇଥିଲେ ।