ପ୍ରିମିୟର ଲିଗ୍ କ୍ରିକେଟ ଟୁର୍ଣାମେଣ୍ଟ ଉଦଯାପିତ : ଶିମିଳିପାଳ ଟାଇଗର ଚମ୍ପିଆନ୍

ରାଇରଙ୍ଗପୁର, (ଅକ୍ଷ୍ୟ କୁମାର ବିଶ୍ୱାଳ) : ମୟୂରଭଂଜ ଜିଲ୍ଲାର ଅଗ୍ରଣୀ କ୍ରିକେଟ ଅନୁଷ୍ଠାନ ରାଇରଙ୍ଗପୁର କ୍ରିକେଟ କ୍ଲବ ୪ର୍ଥ ବାର୍ଷିକ ୯ ଦିବସୀୟ ରାଇରଙ୍ଗପୁର ପ୍ରିମିୟର ଲିଗ କ୍ରିକେଟ ଟୁର୍ଣାମେଣ୍ଟ ଉଦଯାପିତ ହୋଇଯାଇଛି । ଫାଇନାଲ ଖେଳରେ ଶିମିଳିପାଳ ଟାଇଗର୍ସ ଟିମ୍ ଏସ ଏସ ଚାଲେଞ୍ଜରସଙ୍କୁ ହରାଇ ଚମ୍ପିଆନ ହୋଇଥିଲା ।ଅମ୍ରିତ ଦାସ ମେନ ଅଫ ଦି ସିରିଜ ଏବଂ ମେନ ଅଫ ଦି ମେଚ ହୋଇଥିଲେ ।ମୁଖ୍ୟ ଅତିଥି ଭାବେ ଯୁବ ସମାଜସେବୀ ତଥା ମୟୂରଭଂଜ (୨) ଯୁବବିଜେଡି ସଭାପତି ଅଭିଷେକ ପଟନାୟକ,ଜିଲ୍ଲା ସଭାନେତ୍ରୀ ତନୁଜା ମହାନ୍ତ ପ୍ରମୁଖ ଯୋଗଦେଇଥିଲେ । ମୁଖ୍ୟ ଅତିଥି କହିଥିଲେ ବାମନଘାଟୀ ଉପଖଣ୍ଡ ହେଉଛି ଖେଳର ଏନ୍ତୁଡିଶାଳ ।ଏଠାରେ ବହୁ ଯୁବ ପ୍ରତିଭା ଅଛି । ଖେଳ ଦ୍ୱାରା ସେମାନଙ୍କର ଲୁକାୟିତ ପ୍ରତିଭାର ବିକାଶ ପାଇଁ ଏହି ଖେଳ ଆୟୋଜନ କରାଯାଇଥିଲା । ଚମ୍ପିଆନ ଦଳକୁ ୫୦,୦୦୦ଟଙ୍କା ଏବଂ ଟ୍ରଫି ଏବଂ ରନର୍ସ ଅପ୍ ଦଳକୁ ୪୦,୦୦୦ଟଙ୍କା ଏବଂ ଟ୍ରଫି ପୁରଷ୍କୃତ କରାଯାଇଥିଲା । ଖେଳର ପରିଚାଳନାରେ ଉପଦେଷ୍ଟା ଅମିତ ସିଂ ମୋଦକ, ସଭାପତି ହରି ଶଙ୍କର ବେହେରା, ସଂପାଦକ ସୌମିକ ଦାସ କାନୁନଗୋ, କୋଷାଧ୍ୟକ୍ଷଲାରା ମହାନ୍ତି ପରିଚାଳନାରେ ସହଯୋଗ କରିଥିଲେ । ଅମ୍ପାୟର ଦାୟିତ୍ୱରେ ପଞ୍ଚୁ ଲୋହାର,ଅମିତ ସିଂ ମୋଦକ, ହରି ଶଙ୍କର ବେହେରା,ପଙ୍କଜ ଅଗ୍ରଓ୍ବାଲ,ଲାରା ମହାନ୍ତି ସୁଚାରୁରୂପେ ତୁଲାଇଥିଲେ । ୯ଦିନ ଧରି ୧୦ ଟି ଟିମ୍ ନିଜର ଶ୍ରେଷ୍ଠ ଖେଳ ପ୍ରଦର୍ଶନ କରି ଦର୍ଶକଙ୍କୁ ବାନ୍ଧି ରଖିଥିଲେ । ଷ୍ଟାଡିୟମପଡିଆଟି କ୍ରିକେଟ ହିଁ କ୍ରିକେଟମୟ ହୋଇ ପଡିଥିଲା । ଖେଳ ଦେଖିବକୁ ବହୁ ସଂଖ୍ୟାରେ ଯବଗୋଷ୍ଠୀ ଉପସ୍ଥିତ ରହି ଖେଳାଳିମାନଙ୍କୁ ଉତ୍ସାହିତ କରିଥିଲେ । ରାଇରଙ୍ଗପୁର କ୍ରିକେଟ କ୍ଲବର ଉଦ୍ୟମକୁ ସାଧାରଣରେ ପ୍ରଶଂସା କରାଯାଇଛି ।