ଜିନ୍ଦଲ ଷ୍ଟିଲ ଆଣ୍ଡ ପାୱାରର ବଡ଼ବିଲ, ଟେନସା ଏବଂ କାସିଆ ୟୁନିଟରେ ୭୬ ତମ ସ୍ୱାଧୀନତା ଦିବସ ଆନନ୍ଦ ଉଲ୍ଲାସରେ ପାଳିତ

ଯୋଡା / ବଡ଼ବିଲ, (ସମୀର କୁମାର ଦାସ):ଦେଶର ୭୬ ତମ ସ୍ୱାଧୀନତା ଦିବସ ବଡ଼ବିଲ ପେଲେଟ୍ ପ୍ଲାଣ୍ଟ, ଟେନସା ଏବଂ କାସିଆ ଆଇରନ୍ ମାଇନ୍ସରେ ବହୁ ଉତ୍ସାହ ଏବଂ ଦେଶପ୍ରେମ ସହିତ ପାଳନ କରାଯାଇଥିଲା | ସଂପୃକ୍ତ ୟୁନିଟ୍ ମୁଖ୍ୟ, ବରିଷ୍ଠ କାର୍ଯ୍ୟନିର୍ବାହୀ, ସମସ୍ତ କର୍ମଚାରୀ ଏବଂ ସହଯୋଗୀଙ୍କ ଅଂଶଗ୍ରହଣରେ ୟୁନିଟ୍ ଗୁଡିକରେ ପତାକା ଉତ୍ତୋଳନ ସମାରୋହ ଅନୁଷ୍ଠିତ ହୋଇଥିଲା |ଏହି ଶୁଭ ଦିନରେ ୟୁନିଟ୍ ହେଡସ୍, ଶ୍ରୀ ବ୍ରିଜ ବଧଦ୍ର, ଶ୍ରୀ ପ୍ରମୋଦ କୁମାର ପାତ୍ର ଏବଂ ଅଜିତ କୁମାର ପାତ୍ର ଯଥାକ୍ରମେ ବଡ଼ବିଲ ପେଲେଟ ପ୍ଲାଣ୍ଟ, ଟେନସା ଏବଂ କାସିଆ ଆଇରନ୍ ମାଇନ୍ସ ରେ ୟୁନିଟ୍ ସ୍ତରର ସ୍ୱାଧୀନତା ଦିବସ ପାଳନ କାର୍ଯ୍ୟକ୍ରମରେ ଜାତୀୟ ପତାକା ଉତ୍ତୋଳନ କରିଥିଲେ। ପତାକା ଉତ୍ତୋଳନ କରିବା ପରେ ସେମାନେ ଜେଏସପିର ଅଧ୍ୟକ୍ଷ ଶ୍ରୀ ନବୀନ ଜିନ୍ଦଲ ଜୀଙ୍କର ସ୍ୱାଧୀନତା ଦିବସ ଭାଷଣ ପଢି ଶୁଣାଇବା ପରେ, କାର୍ଯ୍ୟକ୍ରମରେ ଉପସ୍ଥିତ କର୍ମଚାରୀ ମାନଙ୍କୁ ସମ୍ବୋଧିତ କରିଥିଲେ। ମାନନୀୟ ଅଧ୍ୟକ୍ଷ ତାଙ୍କର ୭୬ ତମ ସ୍ୱାଧୀନତା ଦିବସ ଭାଷଣରେ ସମସ୍ତ ଭାରତୀୟଙ୍କୁ ‘ଆଜାଦି କା ଅମୃତ ମହୋତ୍ସବ’ ଅବସରରେ ସୁଖ ଓ ସମୃଦ୍ଧିର ଶୁଭେଚ୍ଛା ଜଣାଇଥିଲେ ଏବଂ ଦେଶକୁ ମୁକ୍ତ କରିବା ପାଇଁ ବିଦେଶୀ ସରକାର ବିରୋଧରେ ସଂଗ୍ରାମ ଅଂଶ ଗ୍ରହଣ କରିଥିବା ମହାନ ସ୍ୱାଧୀନତା ସଂଗ୍ରାମୀମାନଙ୍କୁ ଶ୍ରଦ୍ଧାଞ୍ଜଳି ଅର୍ପଣ କରିଥିଲେ | ଭାରତୀୟଙ୍କ ‘ହର ଘର ତିରଙ୍ଗା’ ଏବଂ ‘ହର ଦିନ ତିରଙ୍ଗା’ ସ୍ୱପ୍ନକୁ ସାକାର କରିବା ପାଇଁ ତାଙ୍କର ନିରନ୍ତର ଉଦ୍ୟମ ଏବଂ ଦୀର୍ଘ ଆଇନଗତ ଲଢେ଼ଇକୁ ସେ ମନେ ପକାଇଥିଲେ । ସେ ମଧ୍ୟ ରାୟଗଡ, ଅନୁଗୁଳ, ପତ୍ରIତୁ, ତମନାର୍ ଏବଂ ବଡ଼ବିଲ ପ୍ଲାଣ୍ଟ ଏବଂ ଟେନସା ଏବଂ କାସିଆରେ ଥିବା ଆଇରନ୍ ମାଇନ୍ସର ସଫଳତା ଉପରେ ଆଲୋକପାତ କରିଥିଲେ। ତାଙ୍କର ସଂକ୍ଷିପ୍ତ ଅଭିଭାଷଣରେ ସେ ଶ୍ରୀମତୀ ଶାଲୁ ଜିନ୍ଦଲଙ୍କ ନେତୃତ୍ବରେ ଜେଏସପି ଫାଉଣ୍ଡେସନର ସମାଜ ମଙ୍ଗଳ ପ୍ରକଳ୍ପ ସବୁ ବିଷୟରେ ଉଲ୍ଲେଖ କରିଥିଲେ I ଫାଉଣ୍ଡେସନ ତାର ବିଭିନ୍ନ ସେବା ମୂଳକ କାମ ମାଧ୍ୟମରେ ଦେଶର ଗରିବ ଓ ଅବହେଳିତ ଲୋକଙ୍କ ଜୀବନ ଧାରଣ ମୂଲ୍ୟରେ ଉନ୍ନତି ପାଇଁ ଚେଷ୍ଟା କରି ଚାଲିଛି Iଶ୍ରୀ ଆଶିଷ ପାଣ୍ଡେ, ମୁଖ୍ୟ – ପେଲେଟ ଓ ଆଇରନ୍ ଓର ବିଜିନେସ ତାଙ୍କ ବାର୍ତ୍ତାରେ ଉଲ୍ଲେଖ କରିଛନ୍ତି, “ଜେଏସପି ରାଷ୍ଟ୍ର ନିର୍ମାଣ ଏବଂ ବିକାଶ ପାଇଁ ପ୍ରତିବଦ୍ଧ I ଦେଶର ଅର୍ଥନୈତିକ ଅଭିବୃଦ୍ଧିରେ ଇସ୍ପାତ ନିର୍ମାଣ ମାଧ୍ୟମରେ କମ୍ପାନୀ ସହଯୋଗ କରି ଆସୁଛି I ଦେଶର ବିଭିନ୍ନ ସ୍ଥାନ ରେ ଜେଏସପିର ଅବସ୍ଥିତ ଖଣି ଓ କାରଖାନା ସବୁ ଆଧୁନିକ ଟେକ୍ନୋଲୋଜିର ପ୍ରତୀକ I” ସମାବେଶକୁ ସମ୍ବୋଧିତ କରି ଶ୍ରୀ ବଧଦ୍ର କହିଥିଲେ, “କେନ୍ଦ୍ର ସରକାରଙ୍କ ଦ୍ୱାରା ରପ୍ତାନି ଶୁଳ୍କ ବୃଦ୍ଧି ସତ୍ତ୍ବେ ଆମର ପେଲେଟ୍ ପ୍ଲାଣ୍ଟ ଗତ ଆର୍ଥିକ ବର୍ଷରେ ସର୍ବାଧିକ ଉତ୍ପାଦନ ଏବଂ ଡିସପେଚ କରିଥିଲା | ଆମର ଜେଏସପି ଫାଉଣ୍ଡେସନ୍ ଜେଏସପିର ସାମାଜିକ ପ୍ରତିବଦ୍ଧତା ପୂରଣ କରିବାରେ ପ୍ରଶଂସନୀୟ କାର୍ଯ୍ୟ କରୁଛି | ଏଠାରେ ଉଲ୍ଲେଖ କରିବାକୁ ହେବ ଯେ ଆମର ଜେଏସପି ଫାଉଣ୍ଡେସନର ସମର୍ଥନ ଏବଂ ପୃଷ୍ଠପୋଷକତାରେ କେନ୍ଦୁଝର ଜିଲ୍ଲାର ୧୯ ଜଣ ଉଷୁ ଖେଳାଳି ଜାତୀୟ ସ୍ଥରର ପ୍ରତିଯୋଗିତାରେ ପଦକ ଜିତି ରାଜ୍ୟ ପାଇଁ ଗୌରବ ଆଣିପାରିଛନ୍ତି ।“ଶ୍ରୀ ପ୍ରମୋଦ କୁମାର ପାତ୍ର ତାଙ୍କ ଅଭିଭାଷଣରେ କହିଥିଲେ ଯେ, “ସମସ୍ତ ସାମାଜିକ ଓ ବୈଷୟିକ ଅସୁବିଧା ସତ୍ତ୍ବେ ଆମର ଟେନସା ଆଇରନ୍ ମାଇନ୍ ରେକର୍ଡ ଡିସପେଚ ଲକ୍ଷ୍ୟ ହାସଲ କରିବା ସହିତ ଗତ ବର୍ଷ ସର୍ବାଧିକ ଉତ୍ପାଦନ ସ୍ତର ହାସଲ କରିଛି | ଏହା ଏକ ଗର୍ବର ବିଷୟ ଯେ ଆମର ଖଣି ୟୁନିଟ୍ ଶ୍ରେଷ୍ଠ ଖଣି ପରିଚାଳନା ପାଇଁ ଗତ ବର୍ଷ ଜାତୀୟ ସ୍ତରର ଏକ୍ସଲେନ୍ସ ପୁରସ୍କାର ଏବଂ କଳିଙ୍ଗ ପରିବେଶ ଉତ୍କର୍ଷ ପୁରସ୍କାର ଜିତିଥିଲା |”ଶ୍ରୀ ଅଜିତ କୁମାର ପାତ୍ର କର୍ମଚାରୀ ଏବଂ ଶ୍ରମିକମାନଙ୍କୁ ସମ୍ବୋଧିତ କରି, କମ୍ପାନୀର କର୍ମଚାରୀମାନଙ୍କୁ ୟୁନିଟ୍ରର ଉତ୍କୃଷ୍ଟ ପ୍ରଦର୍ଶନ ପ୍ରତି ସହଯୋଗ ଏବଂ ଅବଦାନ ପାଇଁ କୃତଜ୍ଞତା ଜଣାଇଥିଲେ ଓ କହିଥିଲେ ଯେ ଆମର କର୍ମଚାରୀଙ୍କ ସ୍ୱାସ୍ଥ୍ୟ ଏବଂ ନିରାପତ୍ତା ଆମର ସର୍ବୋଚ୍ଚ ପ୍ରାଥମିକତା |’ଆଜାଦୀ କା ଅମୃତ ମହୋତ୍ସବ ‘ କୁ ସ୍ମରଣୀୟ କରିବା ପାଇଁ ତିନି ଦିନିଆ ‘ହର ଘର ତିରଙ୍ଗା’ ଅଭିଯାନ ବଡ଼ବିଲ, ଟେନସା ଏବଂ କାସିଆ ୟୁନିଟରେ ପାଳନ କରାଯାଇଥିଲା । ସମସ୍ତ କର୍ମଚାରୀ ଏବଂ ସେମାନଙ୍କ ପରିବାର ସଦସ୍ୟମାନେ ଜାତୀୟତାବାଦୀ ଭାବନା ଏବଂ ଉତ୍ସାହ ସହିତ ଏହି ଇଭେଣ୍ଟରେ ଅଂଶଗ୍ରହଣ କରିଥିଲେ |