ଆଜିଠାରୁ ଆରମ୍ଭ ହେଲା ସପ୍ତାହ ର ପ୍ରତ୍ୟେକ ଶନିବାର ଅପରାହ୍ନ ରୁ କେସିଙ୍ଗା ମାର୍କେଟ ବନ୍ଦ
କେସିଙ୍ଗା, (ଯୁଗାବ୍ଦ ନ୍ୟୁଜ):କଳାହାଣ୍ଡି ଜିଲ୍ଲା କେସିଙ୍ଗା ବଣିକ ସଂଘ ର ଆହ୍ୱାନ କ୍ରମେ ଆଜି ଠାରୁ ଆରମ୍ଭ ହେଲା ସପ୍ତାହ ର ପ୍ରତ୍ୟେକ ଶନିବାର ଅପରାହ୍ନ ୨ଟା ରୁ କେସିଙ୍ଗା ସହର ର ସମସ୍ତ ଦୋକାନ ବଜାର ବନ୍ଦ ଫଳରେ ଆଜି ଅପରାହ୍ନ ୨ଟା ରୁ ପ୍ରାୟତଃ କେସିଙ୍ଗା ସହର ପନିପରିବା ମାର୍କେଟ କୁ ଛାଡିଦେଲେ ସମସ୍ତ ଦୋକାନ ବଜାର ବନ୍ଦ ରହିଛି। ବ୍ୟସ୍ତ ବହୁଳ ଜୀବନ ମଧ୍ୟରେ ସମସ୍ତେ ଟଙ୍କା ପଛରେ ପ୍ରତିଯୋଗିତା ଭାବେ ଦୌଡୁଛନ୍ତି ହେଲେ କରୋନା ମହାମାରୀ ସମସ୍ତ ଙ୍କ ପାଇଁ ଏକ ସନ୍ଦେହ ଆଣିଦେଇଛି ଲକ୍ଷ ଲକ୍ଷ ଟଙ୍କା ଥିଲେ ମଧ୍ୟ ଅନେକ ଜୀବନ ବଞ୍ଚିପାରିନାହିଁ ସେହି ସମୟରେ ଜଣାପଡିଲା ଆମ ମାନଙ୍କ ର ଜୀବନ ର ମୂଲ୍ୟ କେତେ? ବୋଲି ପ୍ରକାଶ କରିଛନ୍ତି କେସିଙ୍ଗା ବଣିକ ସଂଘ ର ସଭାପତି ପିଣ୍ଟୁ ଶର୍ମା। ଆମର ଉଦ୍ଦେଶ୍ୟ ହେଲା ଗୋଟିଏ ଦିନ ଛୁଟି ପାଇଲେ ବ୍ୟବସାୟୀ ମାନେ ନିଜ ପରିବାର ପ୍ରତି ସମୟ ଦେବା ସହ ନିଜ ମାଟି ଓ ସହର ପାଇଁ କିଛି କରିବାକୁ ଚିନ୍ତା କରି ପାରିବେ ବୋଲି ଶ୍ରୀ ଶର୍ମା ଗଣମାଧ୍ୟମ କୁ ସୂଚନା ଦେଇଛନ୍ତି।
