ଅବସରକାଳୀନ ସମ୍ବର୍ଦ୍ଧନା ସଭା

ବନ୍ତ, (ଚାନ୍ଦିନୀ ମହାନ୍ତି):ବନ୍ତ ଆଞ୍ଚଳିକ ମହାବିଦ୍ୟାଳୟର ଅଣଶିକ୍ଷକ କର୍ମଚାରୀ କେଦାରନାଥ ମହାନ୍ତିଙ୍କ ସେବା ନିବୃତ୍ତି ଉପଲକ୍ଷେ ମହାବିଦ୍ୟାଳୟର ସାଧାରଣ କକ୍ଷରେ ସମ୍ବର୍ଦ୍ଧନା ସଭା ଅନୁଷ୍ଠିତ ହୋଇଯାଇଛି । ଅଧ୍ୟକ୍ଷ ପ୍ରାଧ୍ୟାପକ ରମେଶ ଚନ୍ଦ୍ର ସାମଲଙ୍କ ସଭାପତିତ୍ୱରେ ଅନୁଷ୍ଠିତ ସଭାରେ ମହାବିଦ୍ୟାଳୟର ପ୍ରାକ୍ତନ ଅଧ୍ୟକ୍ଷ ଡଃ.ଶୁଭେନ୍ଦ୍ର କୁମାର ମିଶ୍ର, ପ୍ରାକ୍ତନ ପ୍ରାଧ୍ୟାପକ ଡଃ.ହୃଷିକେଶ ଗିରି, ଡଃ.ସୁଧାଂଶୁ୍ ଶେଖର ନାୟକ, ରାଜ କିଶୋର ଆଚାରୀ, ଅଧ୍ୟାପକ ହରେକୃଷ୍ଣ ସାହୁ ଯୋଗ ଦେଇ ମହାବିଦ୍ୟାଳୟ ପ୍ରତି ଶ୍ରୀ ମହାନ୍ତିଙ୍କର ସମର୍ପିତ ସେବା, କର୍ତ୍ତବ୍ୟ ପରାୟଣତା, ବରିଷ୍ଠ ମାନଙ୍କ ପ୍ରତି ସମ୍ମାନବୋଧ ଓ ସହକର୍ମୀଙ୍କ ପ୍ରତି ଆନ୍ତରିକତା ପ୍ରବୃତ୍ତ ି ଗୁଣାବଳୀ ସଂପର୍କରେ ବକ୍ତବ୍ୟ ପ୍ରଦାନ କରିଥିଲେ । ଏହି ଅବସରରେ ଅବସରପ୍ରାପ୍ତ କର୍ମଚାରୀ ଶ୍ରୀ ମହାନ୍ତିଙ୍କୁ ଉତ୍ତରୀୟ ଓ ମାନପତ୍ର ପ୍ରଦାନ ପୂର୍ବକ ସମ୍ବର୍ଦ୍ଧିତ କରାଯାଇଥିଲା । କାର୍ଯ୍ୟକ୍ରମରେ ମହାବିଦ୍ୟାଳୟର ସମସ୍ତ ଅଧ୍ୟାପକ, ଅଧ୍ୟାପିକା, ଅଣଶିକ୍ଷକ କର୍ମଚାରୀ ଯୋଗ ଦେଇ ବିଦାୟୀ କର୍ମଚାରୀଙ୍କୁ ଅବସରକାଳୀନ ଶୁଭେଚ୍ଛା ଜଣାଇଥିଲେ ।