କଳମ୍ବ ପଞ୍ଚାୟତରେ ଭୋଟର ଓ ଫସଲ ବୀମା ସଚେତନତା କାର୍ଯ୍ୟକ୍ରମ
ବୁଗୁଡା, (ଅନିଲ କୁମାର ମହାରଣା):ବୁଗୁଡା ବ୍ଳକ ଅନ୍ତର୍ଗତ କଳମ୍ବ ପଞ୍ଚାୟତ ସଭାଗୃହ ପରିସରରେ ଭୋଟର ତାଲିକା ସଂଶୋଧନ ଓ ଫସଲ ବୀମା ସଚେତନତା କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି। କଳମ୍ବ ସରପଞ୍ଚ ପ୍ରଦୀପ କୁମାର ଜେନାଙ୍କ ତତ୍ତ୍ୱାବଧାନରେ ଅନୁଷ୍ଠିତ କାର୍ଯ୍ୟକ୍ରମକୁ ନୋଡ଼ାଲ ଅଫିସର ସଂସ୍କୃତି ପ୍ରଦ୍ରା, ସହକାରୀ ମତ୍ସ୍ୟ ଓ କୃଷି ଅଧିକାରୀ ପ୍ରଶାନ୍ତ କୁମାର ସାହୁ, ସହକାରୀ କୃଷି ଅଧିକାରୀ ନିରଞ୍ଜନ ବିଷୋୟୀ ଓ ବିଏଲଓ ତ୍ରିନାଥ ମହାରଣା ଯୋଗଦେଇ ଉପସ୍ଥିତ ଥିବା ଅଙ୍ଗନବାଡ଼ି କର୍ମୀ, ସିଆରପି ଓ ଏମବିକେ ମାନଙ୍କୁ ଭୋଟର ତାଲିକା ସଂଶୋଧନ ଓ ନୂତନ ନାମ ଯୋଗ କରିବା ପାଇଁ ସଚେତନ କରାଇବା ସହିତ କୃଷକ ମାନଙ୍କ ଫସଲ ବୀମା କରାଇବା ପାଇଁ ସଚେତନତା କରାଇଥିଲେ।ଗ୍ରାମରୋଜଗାର ସେବକ ଦିଲ୍ଲୀପ କୁମାର ପାତ୍ର ସମେତ ପଞ୍ଚାୟତ ଓ୍ବାର୍ଡ ସଭ୍ୟ ମାନେ ଉପସ୍ଥିତ ରହି ସକ୍ରିୟ ସହଯୋଗ କରିଥିଲେ।
