ଗଜଲକ୍ଷ୍ମୀ ଙ୍କ ଭସାଣୀ ଉତ୍ସବ ଅନୁଷ୍ଠିତ।

ନିମାପଡ଼ା, (ସନ୍ତୋଷ ଦାଶ) : ପୁରୀ ଜିଲ୍ଲା ନିମାପଡ଼ା ବ୍ଲକ ତୁଳସୀପୁର ସ୍ଥିତ ଲକ୍ଷ୍ମୀବଜାର
ଠାରେ ଗତ କୁମାର ପୂର୍ଣ୍ଣିମା ଠାରୁ ଆରମ୍ଭ ହୋଇଥିବା ଗଜଲକ୍ଷ୍ମୀ ପୂଜା ଆଜି ଭସାଣୀ ଉତ୍ସବ ପରେ ଶେଷ ହୋଇଛି। ପଣ୍ଡିତ ସୁପ୍ରଭାନୁ ମିଶ୍ର ଓପଣ୍ଡିତ ଅନ୍ତର୍ଯ୍ୟାମୀ କର ମା ଙ୍କ ଭସାଣୀ ପୂଜା କାର୍ଯ୍ୟ କରି ସାରିବା ପରେ ଭସାଣୀ ଉତ୍ସବ ଅନୁଷ୍ଠିତ ହୋଇଥିଲା। ମା ଙ୍କୁ ବାଜା ବଜାଇ, ବାଣ ଫୁଟାଇ ଏକ ରୋଷଣୀ ରେ ଉଭୟ ଲକ୍ଷ୍ମୀ ବଜାର ଓ ଗଣେଶ ବଜାର ପରିକ୍ରମା କରାଯିବାପରେ ତୁଳସୀପୁର ଗ୍ରାମ ର ତେଲେଙ୍ଗା ପୋଖରୀ ଠାରେ ମା ଙ୍କୁ ବିସର୍ଜନ କରାଯାଇଥିଲା। ଏହି ଅବସର ରେବଡ଼ପଡ଼ିଆ ଠାରେ ଆତସବାଜୀ ପ୍ରଦର୍ଶନ ହୋଇଥିଲା। ବଜାର କମିଟି ସଭାପତି ରଜନୀକାନ୍ତ ତ୍ରିପାଠୀ,ସମ୍ପାଦକ ପ୍ରଫୁଲ୍ଲ କୁମାର କର,ସଲିଳ ମହାପାତ୍ର, ଗଜାନନ ତ୍ରିପାଠୀ, ଅବିନାଶ କର, ଡମ୍ବରୁଧର ମିଶ୍ର, ହୃଦାନନ୍ଦ କର, ରଣଜିତ୍ ସାହୁ,ହରିହର ସାହୁ, କୈଳାସ ବେହେରା, ପ୍ରସନ୍ନ ସାହୁ, ରାମଚନ୍ଦ୍ର ସାହୁ ପ୍ରମୁଖଙ୍କ ନେତୃତ୍ଵ ରେ ଭସାଣୀ ଉତ୍ସବ ଅନୁଷ୍ଠିତ ହୋଇଥିଲା।