କେନ୍ଦ୍ରାପଡା ଜିଲ୍ଲା ମିଶନଶକ୍ତି ପାଲଟିଛି ମିଶନ ଲୁଟ ଯୋଜନା !!

କେନ୍ଦ୍ରାପଡ଼ା, (ଚିତ୍ତରଞ୍ଜନ ଦାସ):ଓଡିଶା ସୂଚନା ଅଧିକାର ଅଭିଯାନ,କେନ୍ଦ୍ରାପଡା ତର‘ରୁ ଆଜି ସନ୍ଧ୍ୟାରେ ସ୍ଥାନୀୟ ପବ୍ଲିକ ରିଡିଂରୁମ ପରିସରରେ ଏକ ସାମ୍ବାଦିକ ସମ୍ମିଳନୀ ଅନୁଷ୍ଠିତ ହୋଇଯାଇଛି । ଅଭିଯାନର କେନ୍ଦ୍ରାପଡା ଜିଲ୍ଲା ଆବାହକ ପ୍ରତାପ ଚନ୍ଦ୍ର ମହାନ୍ତି କହିଥିଲେ ଯେ ଓଡିଶା ସରକାରଙ୍କ ମିଶନ ଶକ୍ତି ବିଭାଗରେ କେନ୍ଦ୍ରାପଡା ଜିଲ୍ଲାରେ ଚାଲିଥିବା ଯୋଜନା ନାମରେ ଆଖି ବୁଜା ଦୁର୍ନିତି ଓ ମନମୁଖୀ କାର୍ଯ୍ୟ ଚାଲିଛି । ୨୦୨୧ ମସିହାରେ ରାଜ୍ୟ ସରକାର ମିଶନ ଶକ୍ତି ବିଭାଗ ଗଠନ କରିଥିଲେ । ସ୍ନତନ୍ତ୍ର ଭାବେ ମହିଳାଙ୍କ ବିକାଶ ନିମନ୍ତେ ଓଡିଶା ଜିବିକା ମିଶନ ରାଜ୍ୟରେ କାର୍ଯ୍ୟ କରୁଥିବା ସତ୍ୱେ କିଛି ଦିନ ତଳେ ମହିଳା ଓ ଶିଶୁ ବିକାଶ ଏବଂ ମିଶନ ଶକ୍ତି ମନ୍ତ୍ରୀ ବାସନ୍ତି ହେମ୍ବ୍ର୍ରମ ପବିତ୍ର ବିଧାନ ସଭାରେ କହିଲେ ଯେ ମିଶନ ଶକ୍ତି ବିଭାଗରେ ଗତ ବର୍ଷ ମାନଙ୍କ ତୁଳନାରେ ଚଳିତ ବର୍ଷ ଅଧିକ ବ୍ୟୟ ବରାଦ କରାଯାଇଛି । ମିଶନ ଶକ୍ତି ବିଭାଗ ଦୁଇ ଗୋଟି ବିଭାଗର ସମ୍ମିଶ୍ରଣରେ ସୃଷ୍ଟି କରାଯାଇଛି । ପୂର୍ବରୁ ପଂଚାୟତ ରାଜ ଓ ପାନୀୟ ଜଳ ବିଭାଗ ଅଧିନରେ ଥିବା ଓଡିଶା ଜିବିକା ମିଶନ ଯାହା କେନ୍ଦ୍ର ସରକାରଙ୍କ ୬୦ ଭାଗ ଓ ରାଜ୍ୟ ସରକାରଙ୍କ ୪୦ ଭାଗ ଅନୁଦାନରେ ଚାଲୁଥିଲା । ମହିଳା ଓ ଶିଶୁ ବିକାଶ ବିଭାଗ ଅଧିନରେ ମିଶନ ଶକ୍ତି ନାମକୁ ମାତ୍ର କାର୍ଯ୍ୟ କରୁôଥିଲା ବେଳେ ଏବେ ତାହାକୁ ମିଶାଇ ମିଶନ ଶକ୍ତି ବିଭାଗ ସୃଷ୍ଟି କରାଯାଇଛି । ଓଡିଶା ଜିବିକା ମିଶନର ବ୍ଲକ ଠାରୁ ଆରମ୍ଭ କରି ଜିଲ୍ଲା ପର୍ଯ୍ୟନ୍ତ କର୍ମଚାରୀ ମାନେ ବିଡିଓ, ଜିଲ୍ଲା ପରିଷଦ ମୁଖ୍ୟ ଉନ୍ନୟନ ଅଧିକାରୀଙ୍କ ଅଧିନରେ କାମ କରୁଥିବା ବେଳେ ମିଶନ ଶକ୍ତିରେ ନିଯୁକ୍ତି ପାଇଥିବା ମୋଟା ବେତନ ଧାରୀ ଚୁକ୍ତି ଭିତିକ କର୍ମଚାରୀ ମାନେ ସିଡିପିଓ ଓ ଜିଲ୍ଲା ସମାଜ ମଙ୍ଗଳ ଅଧିକାରୀଙ୍କ ଅଧିନରେ କାମ କରୁଛନ୍ତି । ରାଜ୍ୟ ସ୍ତରରେ ଓଡିଶା ଜିବିକା ମିଶନର ରାଜ୍ୟ ନିର୍ଦ୍ଧେଶକ ଓ ବିଭାଗର ସଚିବ ଭାବେ ସୁଜାତା କାର୍ତ୍ତିକେୟନ ପାଣ୍ଡିିଆନ ଦୀର୍ଘ ୫ବର୍ଷ ହେଲାଣି କାର୍ଯ୍ୟ କରୁଛନ୍ତି । ସୂଚନା ଯୋଗ୍ୟ ରାଜ୍ୟ ସରକାରଙ୍କ ମିଶନ ଶକ୍ତି ହେଉଛି ଏକ ମାତ୍ର ବିଭାଗ ଯେଉଁଥିରେ ୯୯ ଭାଗ କର୍ମଚାରୀ ଚୁକ୍ତି ଭିତିକ ଅଉ ଏଜେନ୍ସି ମାଧ୍ୟମରେ ନିଯୁକ୍ତି ପାଇଛନ୍ତି । ସୂଚନା ଅଧିକାର ଆଇନରେ ଭାରତ ସରକାରଙ୍କ ଗ୍ରାମୀଣ ବିକାଶ ମନ୍ତ୍ରଣାଳୟର ଜାତୀୟ ଜିବିକା ମିଶନରୁ ଓଡିଶା ଜିବିକା ମିଶନକୁ ପାଣ୍ଠି ପ୍ରଦାନ କରୁଛନ୍ତି ମହିଳା ମାନଙ୍କ ବିକାଶ ନିମନ୍ତେ । ମିଶନ ଶକ୍ତି ବିଭାଗକୁ ପୃଥକ ଭାବେ ୨୦୧୮-୧୯ ଠାରୁ ୨୦୨୩-୨୪ ପର୍ଯ୍ୟନ୍ତ ପୃଥକ ଭାବେ କେତେ ପାଣ୍ଠି ଆସିଛି ଆଉ କେତେ ଖର୍ଚ ହୋଇଛି ତାହାର ସବିଶେଷ ବିବରଣୀ ପ୍ରଦାନ ନିମନ୍ତେ ଆବେଦନ କରାଯାଇଥିଲା । କେନ୍ଦ୍ର ତାହାର ତଥ୍ୟ ଦେଇଥିବା ବେଳେ ରାଜ୍ୟ ସରକାରଙ୍କ ମିଶନ ଶକ୍ତି ବିଭାଗ ମଧ୍ୟ ତଥ୍ୟ ପ୍ରଦାନ କରିଛନ୍ତି । ଆଉ ଉକ୍ତ ତଥ୍ୟ କହୁଛି ଜାତୀୟ ଜିବିକା ମିଶନରୁ ହଜାର ହଜାର କୋଟି ଟଙ୍କା ମିଶନ ଶକ୍ତି ବିଭାଗକୁ ଆସିଛି ଯାହାକୁ ବିଭିହ୍ନ ଯୋଜନାରେ ସେମାନେ କାମରେ ଲଗାଇଛନ୍ତି । କିନ୍ତୁ ଜାତୀୟ ଜିବିକା ମିଶନ ରାଜ୍ୟ ଜିବିକା ମିଶନକୁ ଅନୁଦାନ ଦେଇଥିବା ବେଳେ ମିଶନ ଶକ୍ତି ବିଭାଗକୁ ସିଧା ସଳଖ କୌଣସି ଅନୁଦାନ ରାଶି ଦେଇ ନଥିବା ସୂଚନା ଅଧିକାର ଆଇନରେ ମିଳିଥିବା ତଥ୍ୟ ସ୍ପଷ୍ଟ କରୁଛି । ସୂଚନା ଅଧିକାର କର୍ମୀ ପ୍ରତାପ ମହାନ୍ତି ଓଡିଶା ଜିବିକା ମିଶନ ଭୂବନେଶ୍ୱରକୁ ସୂଚନା ଅଧିକାର ଆଇନରେ ୨୦୧୮-୧୯ ମସିହା ଠାରୁ ୨୦୨୩-୨୦୨୪ ମସିହା ପର୍ଯ୍ୟନ୍ତ ଜାତୀୟ ଜିବିକା ମିଶନରୁ କେତେ ଅନୁଦାନ ରାଶି ମିଳିଛି, ଆଉ କେଉଁ କେଉଁ ବାବଦରେ କେତେ ଅର୍ଥ ଖର୍ଚ ହୋଇଛି ଏବଂ ମିଶନ ଶକ୍ତି ବିଭାଗକୁ କେତେ ରାଶି ପଠାଯାଇଛି ଏବଂ କାହା ଅନୁମତିରେ ରାଜ୍ୟ ଜିବିକା ମିଶନରୁ ଆର୍ôଥକ ଅନୁଦାନ ମିଶନ ଶକ୍ତି ବିଭାଗକୁ ପଠାଯାଇଛି ଉକ୍ତ ଚିଠିର ନକଲ କପି ପ୍ରଦାନ କରିବା ସହ ସମସ୍ତ ଅନୁଦାନର ଯୁସି କପି ପ୍ରଦାନ ନିମନ୍ତେ ଆବେଦନ କରିଥିଲେ । ଅନ୍ୟପକ୍ଷରେ ଗ୍ରାମୀଣ ବିକାଶ ମନ୍ତ୍ରଣାଳୟ ଭାରତ ସରକାର ଦେଇଥିବା ତଥ୍ୟ କହୁଛି ରାଜ୍ୟକୁ ମିଳିଥିବା ଆର୍ଥିକ ଅନୁଦାନର ଯୁସି ରାଜ୍ୟ ଜିବିକା ମିଶନ ଓ ମିଶନ ଶକ୍ତି ବିଭାଗ ଉଭୟେ ମିଳିତ ଭାବେ ଦେଇଛନ୍ତି । ଏଥିରୁ ସ୍ପଷ୍ଟ ମିଶନ ଶକ୍ତି ବିଭାଗ ବେଆଇନ ଭାବରେ ହଜାର ହଜାର କୋଟି କେନ୍ଦ୍ରୀୟ ଅନୁଦାନ ମିଶନ ଶକ୍ତି ବିଭାଗକୁ ନେଇ ନିଜେ ରାଜ୍ୟ ସରକାର ସବୁ ଦେଉଛନ୍ତି ବୋଲି ପ୍ରଚାର ପ୍ରସାର କରୁଛନ୍ତି । ପୁନଶ୍ଚ ସୁଚନା ଅଧିକାର ଆଇନରେ ମିଶନ ଶକ୍ତି କେନ୍ଦ୍ରାପଡା ଜିଲ୍ଲା ସଂଯୋଜକ କୈଳାସ ଚନ୍ଦ୍ର ସେନାପତି ତଥ୍ୟ ପ୍ରଦାନ କରିଛନ୍ତି ଯେ ମିଶନ ଶକ୍ତି ମାଧ୍ୟମରେ ଜିଲ୍ଲା ସ୍ତରରେ କେବଳ ସ୍କୁଟର ଯୋଜନା ଓ ମହିଳା ମାନଙ୍କୁ ଋଣ ପ୍ରଦାନ ବ୍ୟତୀତ ଆଉ କୌଣସି ଯୋଜନା କାର୍ଯ୍ୟକାରୀ ହୋଇ ନାହିଁ । ୨୦୧୮-୧୯ ଠାରୁ ୨୦୨୩-୨୦୨୪ ପର୍ଯ୍ୟନ୍ତ କି ସରକାରଙ୍କ ତର‘ରୁ କୌଣସି ଯୋଜନା ବାବଦକୁ ପାଣ୍ଠି ଆସି ନାହିଁ କି ଖର୍ଚ ମଧ୍ୟ ହୋଇ ନାହିଁ । କିନ୍ତୁ ମିଶନ ଶକ୍ତି ବିଭାଗ ଦେଇଥିବା ତଥ୍ୟ କହୁଛି ମହିଳା ମାନଙ୍କ ଦକ୍ଷତା ବିକାଶ ଠାରୁ ଆରମ୍ବ କରି ମିଶନ ଶକ୍ତି ଗୃହ ନିର୍ମାଣ ଇତ୍ୟାଦି ପର୍ଯ୍ୟନ୍ତ ହଜାର ହଜାର କୋଟି ଖର୍ଚ ହୋଇଛି ଜିଲ୍ଲା ମାନଙ୍କରେ । ଏଥିରୁ ଗୋଟିଏ କଥା ସନ୍ଦେହ ସୃଷ୍ଟି କରୁଛି ଯେ ରାଜ୍ୟ ଠିକ କହୁଛି ନା ଜିଲ୍ଲା ଠିକ କହୁଛି । ଯେତେ ବେଳେ ରାଜ୍ୟ ତଥ୍ୟ ରଖିଛି ବିଗତ ଦୁଇ ବର୍ଷ ମଧ୍ୟରେ ପାଖା ପାଖି ୨୧୦୦ କୋଟି ଟଙ୍କା ଖର୍ଚ ହୋଇଛି ରାଜ୍ୟରେ ମିଶନ ଶକ୍ତି ମାଧ୍ୟମରେ ରାଜ୍ୟର ସମସ୍ତ ଜିଲ୍ଲା ମାନଙ୍କରେ । ଯଦି ପ୍ରକୁତରେ ଖର୍ଚ ହୋଇଛି ତାହେଲେ କେନ୍ଦ୍ରାପଡା ଜିଲ୍ଲା ଏଥିରୁ ବାଦ ପଡିଲା କେମିତି ଓ କାହିଁକି? ଯେତେ ବେଳେ ମୁଖ୍ୟମନ୍ତ୍ରୀ କେନ୍ଦ୍ରାପଡା ଜିଲ୍ଲା ବିକାଶ ନିଜେ ଦେଖୁଛନ୍ତି ବୋଲି କହୁଥିବା ବେଳେ ନିଜେ କେନ୍ଦ୍ରାପଡା ମାଟିର ଝିଅ ଏହି ବିଭାଗର ମୁଖ୍ୟ ହୋଇଥିବା ବେଳେ ଏମିତି କିପରି ହେଲା? ନା ମହିଳା ମାନଙ୍କ ନାମରେ କୋଟି କୋଟି ଟଙ୍କା ହଡପ କରାଯାଇଛି ତାହା ସନ୍ଦେହ ସୃଷ୍ଟି ହୋଇଛି । ଏହାର ଉଚ୍ଚ ସ୍ଥରୀୟ ତଦନ୍ତ କରାଯିବାକୁ ଶ୍ରୀ ମହାନ୍ତି ଦାବି କରିଛନ୍ତି । ଯେତେ ବେଳେ ରାଜ୍ୟ ଗୋଟିଏ ତଥ୍ୟ ଦେଉଥିବା ବେଳେ ଜିଲ୍ଲା ମିଶନ ଶକ୍ତି ଅନ୍ୟ ଏକ ତଥ୍ୟ ଦେଇ ଏହାକୁ ଲୁଚାଇ ବାକୁ ଚେଷ୍ଟା କରୁଛନ୍ତି ବୋଲି ଶ୍ରୀ ମହାନ୍ତି କହିଛନ୍ତି । ସୂଚନା ଅଧିକାର କର୍ମୀ ଶ୍ରୀ ମହାନ୍ତି ଶିଶୁ ବିକାଶ ପ୍ରକଳ୍ପ ଅଧିକାରୀଣୀ ମାର୍ଶାଘାଇ, ମହାକଳପଡା, କେନ୍ଦ୍ରାପଡା, ଡେରାବିଶ, ପଟାମୁଣ୍ଡାଇ,ରାଜକନିକାଙ୍କୁ ଗତ ୨୮/୧/୨୦୨୪ ରିଖରେ ସୂଚନା ଅଧିକାର ଆଇନରେ ବ୍ଲକ ମିଶନ ଶକ୍ତିକୁ କେଉଁ କେଊଁ ଯୋଜନା କାର୍ଯକାରୀ କରିବା ପାଇଁ କେତେ ଅନୁଦାନ ରାଶି ମିଳିଛି ଏବଂ କେତେ ଟଙ୍କା ଉକ୍ତ ଯୋଜନା ବାବଦରେ ଖର୍ଚ ହୋଇଛି ଆଉ ବଳକା କେତେ ରାଶି ଅଛି ଏବଂ କ୍ୟାସ ବୁକ ଓ ଲେଜର ବୁକର ନକଲ କପି ସହ ଉକ୍ତ ଖର୍ଚ ଦର୍ଶାଉ ଥିବା ଉପଯୁକ୍ତ ବିଲ କପିର ନକଲ ପ୍ରଦାନ କରିବା ସହ ବ୍ଲକ ମିଶନ ଶକ୍ତିର ମିଟିଂ ରେଜିଷ୍ଟରର ନକଲ କପି ସହ ମିଟିଂ ସମୟର ଜିପିଆରଏସ ‘ଟୋ କପି ପ୍ରଦାନ କରିବା ନିମନ୍ତେ ତଥ୍ୟ ମାଗିଥିଲେ ।. କିନ୍ତୁ ଉପରୋକ୍ତ ଅଧିକାରୀ ମାନଙ୍କ କାର୍ଯ୍ୟାଳୟ କୌଣସି ତଥ୍ୟ ପ୍ରଦାନ ନ କରିବାରୁ ଗତ ୨୦/୩/୨୦୨୪ ରିଖରେ ପ୍ରଥମ ଅପିଲ କରାଯିବା ପରେ ସିଡିପିଓ, ମହାକଳପଡା ପ୍ରଦାନ କରିଥିବା ଅସମ୍ଫୂର୍ଣ ତଥ୍ୟ ଅନୁଯାୟୀ ତାଲିମ ଓ ଦଷତା ବିକାଶ ଓ ଯାତାୟତ ସହାୟତା ବାବଦକୁ ୨୫ଲକ୍ଷ ୨୪ହଜାର ୫୨୮ ଟଙ୍କା ମିଳିଥିବା ବେଳେ ସେଥିରୁ ୨୩ଲକ୍ଷ ୯୩ହଜାର ୨୦୩ ଟଙ୍କା ଖର୍ଚ ହୋଇଛି । ୨୦୧୮-୧୯ ରୁ ୨୦୨୩-୨୦୨୪ ରେ ଏବଂ ଅ‘ିସ କଂଟିଜେନ୍ସି ପାଣ୍ଠି ବାବଦରେ ଖର୍ଚ ୧୨ଲକ୍ଷ ୨ହଜାର ୮୬୭ ଟଙ୍କା ଦର୍ଶାଇ ଥିବା ବେଳେ ତାହାର କୌଣସି ବିଲ/ଭାଉଚର ପ୍ରଦାନ କରି ନାହାଁନ୍ତି । ଶିଶୁ ବିକାଶ ପ୍ରକଳ୍ପ ଅଧିକାରୀଣୀ, ମାର୍ଶାଘାଇଙ୍କ ତଥ୍ୟ ଅନୁଯାୟୀ ୨୦୧୮-୧୯ ରୁ ୨୦୨୩-୨୦୨୪ ମଧ୍ୟରେ ମହିଳା ମାନଙ୍କୁ ି ତାଲିମ ଓ ଦଷତା ବିକାଶ ବାବଦରେ ସମୁଦାୟ ୧୮ଲକ୍ଷ ୨୪ହଜାର ଟଙ୍କା ପ୍ରାପ୍ତ ହୋଇଥିବା ବେଳେ ସେଥିରୁ ୧୬ଲକ୍ଷ ୧୩ହଜାର ୯୫୫ଟଙ୍କା ଖର୍ଚ ହୋଇଛି । ସେହିପରି ସମାନ ବର୍ଷରେ ଅ‘ିସ କଂଟିଜେନ୍ସି ପାଣ୍ଠି ବାବଦରେ ସମୁଦାୟ ୮ଲକ୍ଷ ୪୯ହଜାର ୭୩୪ଟଙ୍କା ପ୍ରାପ୍ତ ହୋଇଥିବା ବେଳେ ସେଥିରୁ ୫ଲକ୍ଷ ୨୦ହଜାର ୮୬୯ଟଙ୍କା ଖର୍ଚ ହୋଇଛି । ଶିଶୁ ବିକାଶ ପ୍ରକଳ୍ପ ଅଧିକାରୀଣି, କେନ୍ଦ୍ରାପଡା ଦେଇଥିବା ତଥ୍ୟ ଦର୍ଶାଉଛି ୨୦୧୮-୨୦୧୯ ଠାରୁ ୨୦୨୩-୨୦୨୪ ପର୍ଯନ୍ତ ଅ‘ିସ କଂଟିଜେନ୍ସି ପାଣ୍ଠି ବାବଦରେ ସମୁଦାୟ ୧୧ଲକ୍ଷ ୭୬ହଜାର ପ୍ରାପ୍ତ ହୋଇଥିବା ବେଳେ ସେଥିରୁ ୧୦ଲକ୍ଷ ୮୪ହଜାର ୯୭୪ଟଙ୍କା ଖର୍ଚ୍ଚ କରାଯାଇଛି । ଟ୍ରେନିଂ ବାବଦକୁ ୨୭ଲକ୍ଷ ୬୮ହଜାର ୪୩୦ଟଙ୍କା ପ୍ରାପ୍ତ ହୋଇଥିବା ବେଳେ ସେଥିରୁ ୨୬ଲକ୍ଷ ୭୭ହଜାର ୨୧୦ଟଙ୍କା ଖର୍ଚ୍ଚ କରାଯାଇଛି । ସୂଚନା ଅଧିକାର କର୍ମୀ ଶରତ କୁମାର ପରିଡା ଜିଲ୍ଲା ସମାଜ ମଙ୍ଗଳ ଅଧିକାରୀ, କେନ୍ଦ୍ରାପଡାଙ୍କୁ ସୂଚନା ଅଧିକାର ଆଇନରେ ଜିଲ୍ଲା ପ୍ରକଳ୍ପ ସଂଯୋଜକ, ମିଶନ ଶକ୍ତି କେନ୍ଦ୍ରାପଡାଙ୍କ ୨୦୧୮ ମସିହା ଠାରୁ ୨୦୨୩ ଡିଏଲଫକୁ ସରକାରଙ୍କ ଠାରୁ କେଉଁ କେଉଁ ଯୋଜନା ବାବଦକୁ କେତେ ପାଣ୍ଠି ପ୍ରାପ୍ତ ହୋଇଛି ଓ ଏଥିରୁ କେତେ ରାଶି ଖର୍ଚ ହୋଇଛି ସେହି ଖର୍ଚର ବିଲ/ଭାଉଚର,କ୍ୟାସ ବୁକ ଓ ଅଧିବେଶନ ଖାତା,ବ୍ୟାଙ୍କ ପାସବୁକ ଏବଂ ଅଧିବେଶନର ଜିପିଆରଏସ ‘ଟୋ କପି ପ୍ରଦାନ ନିମନ୍ତେ ମାଗିଥିବା ବେଳେ କିନ୍ତୁ ଜିଲ୍ଲା ସମାଜ ମଙ୍ଗଳ ଅଧିକାରୀ କୈାଣସି ତଥ୍ୟ ପ୍ରଦାନ କରିନାହାନ୍ତି । ସୂଚନା ଅଧିକାର ଆଇନରେ ମିଳିଥିବା ତଥ୍ୟକୁ ଆଧାର କରି ସୂଚନା ଅଧିକାର ଅଭିଯାନ,କେନ୍ଦ୍ରାପଡା ଜିଲ୍ଲା ତର‘ରୁ ଏହି ଦୁର୍ନିତି ଉପରେ ତଦନ୍ତ ନିମନ୍ତେ ଆୟକର ବିଭାଗ, ଅର୍ଥନୈତିକ ଅପରାଧିକ ଶାଖା, ଭିଜିଲାନ୍ସ ନିର୍ଦ୍ଧେଶାଳୟ, ଓଡିଶା ଇତ୍ୟାଦିଙ୍କ ନିକଟରେ ଅଭିଯୋଗ କରିଥିଲେ ପରେ ସୁଚନା ଅଧିକାର ଆଇନରେ ଅର୍ଥନୈତିକ ଅପରାଧିକ ଶାଖା ଚିଠି ନଂ-୫୮୬ ତା ୮/୨/୨୦୨୪ ରିଖରେ ଜଣାଇଛନ୍ତି ଅଭିଯୋଗ ଉପରେ ତଦନ୍ତ ନିମନ୍ତେ ଭିଜିଲନ୍ସ କଟକଙ୍କୁ ତଦନ୍ତ ନିମନ୍ତେ ପ୍ରଦାନ କରିଛନ୍ତି । କିନ୍ତୁ ଏ ପର୍ଯ୍ୟନ୍ତ ଭିଜିଲାନ୍ସ ବିଭାଗ ତର‘ରୁ କୌଣସି ଆଖି ଦୃଷ୍ଟିଆ ପଦକ୍ଷେପ ଗ୍ରହଣ କରାଯାଇନଥିବା ସେ ଅଭିଯୋଗ କରିଛନ୍ତି ।ଏହି ସାମ୍ବାଦିକ ସମ୍ମିଳନୀରେ ଅନ୍ୟମାନଙ୍କ ମଧ୍ୟରେ ଆଇନଜୀବୀ ପ୍ରଦୀପ କୁମାର ଦାଶ, ନିରଞ୍ଜନ ପରିଡା, ଶଶିକାନ୍ତ ଦାସ ପ୍ରମୁଖ ଉପସ୍ଥିତ ଥିଲେ ।