ଏନ୍.ସି.ସି.ଲେଫ୍ଟନାଣ୍ଟ୍ କର୍ଣ୍ଣଲଙ୍କ ଟାଙ୍ଗଣା ପଲ୍ଲୀ ହାଇସ୍କୁଲ ଟ୍ରୁପ ପରିଦର୍ଶନ

ଛତ୍ରପୁର, (ଯୁଗାବ୍ଦ ନ୍ୟୁଜ):ଥାର୍ଡ଼ ଓଡିଶା ମେଡିକାଲ କୟ ଏନ୍.ସି.ସି.ର ଅଫିସର୍ କମାଣ୍ଡିଂ ଲେଫ୍ଟନାଣ୍ଟ କର୍ଣ୍ଣଲ ତାପସ ରଂଜନ ବିଷୋୟୀ ଅଚାନକ ଟାଙ୍ଗଣା ପଲ୍ଲୀ ସ୍ଥିତ ଶ୍ରୀ ନୀଳକଣ୍ଠେଶ୍ଵର ନୋଡାଲ ବିଦ୍ଯାପୀଠର ଏନ୍.ସି.ସି.ଟୃପ ପରିଦର୍ଶନ କରି ସନ୍ତୋଷ ବ୍ଯକ୍ତ କରିଛନ୍ତି।ସ୍କୁଲ଼ର ଭାରପ୍ରାପ୍ତ ପ୍ରଧାନ ଶିକ୍ଷକ ବିଷ୍ଣୁପ୍ରିୟା ପାଢୀ ଫୁଲତୋଡା ଦେଇ ସ୍ବାଗତ କରିଥିଲେ ଏବଂ ଟୃପର ଫାଷ୍ଟ ଅଫିସର ସୁଧାକର ବଳୀ କମାଣ୍ଡିଂ ଅଫିସରଙ୍କୁ ପାଛୋଟି ନେଇ ଟୃପ୍ ପରିଦର୍ଶନ କରାଇଥିଲେ।ଏନ୍.ସି.ସି.ଶିକ୍ଷାର୍ଥୀମାନଙ୍କ ଦ୍ବାରା ତାଙ୍କୁ ଗାର୍ଡ ଅଫ୍ ଅନର ପ୍ରଦାନ କରାଯାଇଥିଲା।ଛାତ୍ର ମାନଙ୍କ ଉପସ୍ଥାପନ ନିରୀକ୍ଷଣ କରି ସନ୍ତୋଷ ବ୍ଯକ୍ତ କରି ଥିଲେ ଏବଂ ଶିକ୍ଷାର୍ଥୀମାନଙ୍କୁ ଏନ୍.ସି.ସି.ର ଲକ୍ଷ୍ୟ, ଉଦ୍ଦେଶ୍ଯ ଏବଂ ସମାଜ ସେବାରେ ଏନ୍.ସି.ସି. ଉପରେ ବିସ୍ତୃତ ଭାବେ ଅବଗତ କରାଇ ବକ୍ତବ୍ଯ ରଖିଥିଲେ।ସୁବେଦାର ଏସ୍. ମାଇକେଲ ରାଜ୍ ମଧ୍ଯ ଉପସ୍ଥିତ ରହି ଶିକ୍ଷାର୍ଥୀମାନଙ୍କୁ ଉଦ୍ ବୋଧନ ଦେଇଥିଲେ।ଏହି ଅବସରରେ ବିଦ୍ୟାଳୟର ସମସ୍ତ ଶିକ୍ଷକ ଓ ଶିକୟିତ୍ରୀ ଉପସ୍ଥିତ ରହି ସହଯୋଗ କରିଥିଲେ।