୫୭ ନମ୍ବର ଜୋନରେ ବିଜେଡି ର ପଦଯାତ୍ରା

ଶେରଗଡ, (ଯୁଗାବ୍ଦ ନ୍ୟୁଜ):ଶେରଗଡ ବିଜେଡି ପକ୍ଷରୁ ଆଜି ୫୭ ନମ୍ବର ଜୋନରେ ପଦଯାତ୍ରା ବ୍ଲକ ଅଧ୍ୟକ୍ଷ କୃଷ୍ଣଚନ୍ଦ୍ର ନାୟକ ଓ ବ୍ଲକ ଯୁବ ବିଜେଡି ସଭାପତି ସନ୍ତୋଷ କୁମାର ପଟ୍ଟନାୟକ ଙ୍କ ଅଧ୍ୟକ୍ଷତାରେ ଅନୁଷ୍ଠିତ ହୋଈଯାଈଛି। ଆଜି ସକାଳେ ଶେରଗଡ ବ୍ଲକ ଅଲାରିଗଡ ଜଗନ୍ନାଥ ମନ୍ଦିର ନିକଟରେ ଶତାଧିକ ବିଜୁ ଜନତା ଦଳର କର୍ମକର୍ତ୍ତା, ସମସ୍ତ ଦଳୀୟ ସରପଞ୍ଚ, ସମିତି ସଭ୍ୟ ଏକତ୍ରିତ ହେବା ପରେ ଏହି ପଦଯାତ୍ରା ୫୭ ନମ୍ବର ଜୋନ ଅଭିମୁଖେ ଯାତ୍ରା କରିଥିଲା। ଶେରଗଡ ବ୍ଲକ ବିଜେଡି ସଭାପତି ଶରତ ପାତ୍ର ଙ୍କ ନେତୃତ୍ୱରେ ଅନୁଷ୍ଠିତ ପଦଯାତ୍ରାରେ ସ୍ଥାନୀୟ ବିଧାୟକ ଙ୍କ ଶେରଗଡ ବ୍ଲକ ପ୍ରତିନିଧି ଦିଗାମ୍ବର ନାହାକ,ବ୍ଲକ ଉପାଧ୍ୟକ୍ଷା ଙ୍କ ପ୍ରତିନିଧି କାହ୍ନୁ ଚରଣ ପଟ୍ଟନାୟକ ପ୍ରମୁଖ ଯୋଗ ଦେଇ ବିଭିନ୍ନ ପଞ୍ଚାୟତ ରେ ପଦଯାତ୍ରା କରିଥିଲେ। ଏହି ସମୟରେ ପୂର୍ବ ସରକାର ଙ୍କ ଲୋକାଭିମୁଖୀ ଯୋଜନା ସମ୍ପର୍କରେ ଅବଗତ କରାଇବା ସହ ବର୍ତ୍ତମାନ ର ସରକାର ତାକୁ ନାମ ପରିବର୍ତ୍ତନ କରି ଯୋଜନା ଜାରି ରଖିଥିବା ପ୍ରକାଶ କରିଛନ୍ତି । ଏହି ପଦଯାତ୍ରାରେ ଜିଲ୍ଲା ପରିଷଦ ସଭ୍ୟା ଙ୍କ ପ୍ରତିନିଧି ସମୀର ପ୍ରଧାନ,୫୮ ନମ୍ବର ଜିଲ୍ଲା ପରିଷଦ ସଭ୍ୟା ଙ୍କ ପ୍ରତିନିଧି ବରୁଣ ପୋଲେଈ,ପୂର୍ବତନ ଜିଲ୍ଲା ପରିଷଦ ସଭ୍ୟ ପ୍ରମୋଦ କୁମାର ପାତ୍ର, ଶେରଗଡ ବ୍ଲକ ଆତ୍ମା ର ଅଧ୍ୟକ୍ଷ ରଞ୍ଜନ ସେଠି, ପିତ୍ତଳ ସରପଞ୍ଚ ରାମରାଘବ ପାତ୍ର, ସମିତି ସଭ୍ୟ ଜନାର୍ଦ୍ଦନ ପାତ୍ର,ବରିଷ୍ଠ ବିଜେଡି ନେତା ହୀନ ବେହେରା ଙ୍କ ସହ ସମସ୍ତ ଦଳୀୟ ସରପଞ୍ଚ, ସମିତି ସଭ୍ୟ, ଏବଂ ତିନି ଶହରୁ ଉର୍ଦ୍ଧ୍ବ ଦଳୀୟ କର୍ମୀ ଯୋଗ ଦେଈଥିଲେ। ଆସନ୍ତା ୦୪ ତାରିଖ ଦିନ ୫୮ ନମ୍ବର ଜୋନ ବା ଅନ୍ତିମ ପର୍ଯ୍ୟାୟ ପଦଯାତ୍ରା ଅନୁଷ୍ଠିତ ହେବାର କାର୍ଯ୍ୟକ୍ରମ ରହିଥିବା ବ୍ଲକ ବିଜେଡି ପକ୍ଷରୁ ପ୍ରକାଶ କରାଯାଇଛି।