ବୃତ୍ତି ପରୀକ୍ଷାରେ ମା ସରସ୍ଵତୀ ଶିଶୁ ବିଦ୍ୟା ମନ୍ଦିରର ସଫଳତା

ବୁଗୁଡା, (ଅନିଲ କୁମାର ମହାରଣା):ବୁଗୁଡା ବ୍ଳକର ପ୍ରାଥମିକ ବୃତ୍ତି ପରୀକ୍ଷା ଫଳ ୨୦୨୪ ର ପ୍ରକାଶ ପାଇଥିବା ବେଳେ ମାଣିତରା ମା ସରସ୍ଵତୀ ଶିଶୁ ବିଦ୍ୟା ମନ୍ଦିରର ତୃତୀୟ ଶ୍ରେଣୀ ରେ ଜଣେ ଓ ପଞ୍ଚମ ଶ୍ରେଣୀରେ ଜଣେ ବୃତ୍ତି ପାଇବାକୁ ଯୋଗ୍ୟ ବିବେଚିତ ହୋଇଛନ୍ତି। ତୃତୀୟ ଶ୍ରେଣୀ ବୃତ୍ତି ପରୀକ୍ଷାରେ ଛାତ୍ରୀ ସାଂଭି ମାନସିଂ ବୃତ୍ତି ପାଇଥିବା ବେଳେ ପଞ୍ଚମ ଶ୍ରେଣୀ ବୃତ୍ତି ପରୀକ୍ଷାରେ ଛାତ୍ର ସୋହନ ରାଉତ ବୃତ୍ତି ପାଇ ମାଣିତରା ମା ସରସ୍ଵତୀ ଶିଶୁ ବିଦ୍ୟା ମନ୍ଦିର ପାଇଁ ଗୌରବ ଆଣିପାରିଛନ୍ତି ବୋଲି ଶିକ୍ଷାନୁଷ୍ଠାନର ସମ୍ପାଦକ ପିତାମ୍ବର ପଣ୍ଡା ପ୍ରକାଶ କରିଛନ୍ତି। ମାଣିତରା ମା ସରସ୍ଵତୀ ଶିଶୁ ବିଦ୍ୟା ମନ୍ଦିରର ଉତ୍ତମ ଶିକ୍ଷାଦାନ ଯୋଗୁଁ ଏହା ସମ୍ଭବ ହୋଇଛି ବୋଲି ଉଭୟ ଛାତ୍ର ଓ ଛାତ୍ରୀଙ୍କ ଅଭିଭାବକ ପ୍ରକାଶ କରିଛନ୍ତି।