ଶିକରପାଇରେ ବିପର୍ଯ୍ୟସ୍ତ ପରିମଳ ବ୍ୟବସ୍ତା ସୁଧାରିବ କେବେ: ଚିନ୍ତାରେ ଗ୍ରାମବାସୀ

କଲ୍ୟାଣସିଂହପୁର (ଏଙ୍କଟେଶ୍ୱର ପାଢ଼ୀ): ରାୟଗଡା ଜିଲ୍ଲାର କଲ୍ୟାଣସିଂହପୁର ବ୍ଲକ ଶିକର ପାଇସଦର ପଞ୍ଚାୟତର ବିଭନ୍ନ ସାହିରେ ଅସ୍ବାସ୍ଥ୍ୟକର ପରିବେଶକୁ ଦେଖିଲେ ଡେଙ୍ଗୁ ମେଲେରିଆ ଝାଡା ବାନ୍ତି ବ୍ୟାପିବାର ସମ୍ଭାବନା ରହିଛି ବୋଲି ଗ୍ରାମବାସୀ ଆଶଙ୍କା ପ୍ରକାଶ କରିଛନ୍ତି। ନାଳ ନର୍ଦ୍ଦମା ଡ୍ରେନ ନଥିବାରୁ ରାସ୍ତା କଡ଼ରେ ଆବର୍ଜନାରେ ଭର୍ତ୍ତି ହୋଇ ରହିଥିଲା ବେଳେ ସଫେଇ କରିବା କିମ୍ବା ସଚେତନା କରିବା କାହାର ଧ୍ୟାନ ଦିଆଯାଉନି। ଏବେ ବର୍ଷା ଆରମ୍ଭ ହୋଇ ଯାଥିବାରୁ ଆବର୍ଜନା ରାସ୍ତା ଉପରକୁ ଚାଲି ଆସିବା ସହ ନିକଟସ୍ତ ଏକ ପୋଖରୀ ରେ ଗ୍ରାମର ଅଳିଆ ଆବର୍ଜନା ଅଶି ଭର୍ତ୍ତି ହେଉଥିବାରୁ ବିପଦ ସୃଷ୍ଟି ହଇଛି ବୋଲି ଗ୍ରାମବାସୀ ଅଭିଯୋଗ କରିଛନ୍ତି। ଗ୍ରାମର ରାସ୍ତା କଡ଼ରେ ଏହି ପୋଖରୀ ରହିଥିବାରୁ ଦୀର୍ଘ ବର୍ଷ ଧରି ସଫା କଟାଯାଉନଥିବାରୁ ଅପରିଷ୍କାର ପାଣି ପିତ ଗନ୍ଧମ୍ୟୟ ହୋଇ ପାଣି ଯମୁଛି। ସାହି ସାହିରେ ନିୟମିତ ଆବର୍ଜନ ସପା ହେଉ ନଥିବାରୁ ଉକ୍ତ ଅଞ୍ଚଳରେ ପ୍ରବଳ ଦୁର୍ଗନ୍ଧ ହେଉଥିବାରୁ ଲୋକେ ଚିନ୍ତାରେ ପଡିଗଲେଣି। ଅନ୍ୟପଟେ  ବଢ଼ୁଥିବାରୁ ସେହି ଦୁର୍ଗନ୍ଧ ଭିତରେ  ଲୋକଙ୍କ ଜୀବନ ଏବଂ ଜୀବିକା ବିତାଇବାକୁ ପଡୁଛି। ସାହି ସାହିରେ ରାସ୍ତା ଗାଁ ମୁଣ୍ଡ ଗୁଡାକ ସଫା ହେଉନଥିବାରୁ ପାଇପ ଓ ବର୍ଷା ଜଳ ରାସ୍ତାରେ ଭାସୁଥିବାରୁ ଚଳିତ ବର୍ଷ ମଧ୍ୟ ଡେଙ୍ଗୁ ବ୍ୟାପିବା ଆଶଙ୍କା ପ୍ରକାଶ କରିଛି। ଗତ ବର୍ଷ ଡେଙ୍ଗୁ ଓ ମେଲେରିଆ ରେ କିଛି ଲୋକଙ୍କ ଜୀବନ ଯାଇଥିବା ବେଳେ ଅନେକ ଚିକିତ୍ସା ହୋଇ ଫେରିଥିଲେ। ମେଲେରିଆ ଭଳି ମାରାତ୍ମକ ଜ୍ଵର ବ୍ୟାପିଥିବାରୁ ଦାଣ୍ଡ ଦୁଆରେ ଭାଗ୍ୟକୁ ଆଦରି ପଡି ରହିଥବା ବେଳେ ଔଷଧ ଖଣ୍ଡିଏ ନିକଟରେ ପହଁଚୁ ନଥିବାରୀ ଦୁର୍ବିସହ ହୋଇ ପଡିଛି। ଏହି ଅଞ୍ଚଳରେ ଅଙ୍ଗନବାଡି, ସ୍ୱାସ୍ଥ୍ୟ କର୍ମୀ,  ଓ ସ୍ବେଛାସେବୀ ଅନୁଷ୍ଠାନ କାର୍ଯ୍ୟ କରୁଥିଲେ ମଧ୍ୟ କାହାରି ଦେଖା ମିଳୁନଥିବାରୁ ସମସ୍ୟା ଦୁଇଗୁଣ ହୋଇ ପଡିଛି।ହେଲେ ଜନସ୍ବାସ୍ଥ୍ୟ ବିଭାଗ,ସ୍ୱାସ୍ଥ୍ୟ ବିଭାଗ, ପଞ୍ଚାୟତ, ଓ ଶିଶୁ ବିକାଶ ବିଭାଗ ଏବଂ କର୍ତ୍ତୃପକ୍ଷ ଏସବୁକୁ ଦେଖି ମଧ୍ୟ ନିରବ ରହୁଥିବାରୁ ଆଗକୁ ଗୁରୁତର ହେବା ଆଶଙ୍କା ଦେଖା ଦେଇଛି। ଏମିତିକି ଆଗକୁ ଯଦି ଏମିତି ରହିବ ତେବେ ରୋଗ ବ୍ୟାପିବ ଆଶଙ୍କା ପ୍ରକାଶ ପାଇଛି।ସେହିପରି ଅସ୍ବାସ୍ଥ୍ୟକର ପରିବେଶକୁ ସଜାଡ଼ିବା ଜନସ୍ବାସ୍ଥ୍ୟ ବିଭାଗର ଦାୟିତ୍ଵ ହୋଇଥିଲେ ସୁଦ୍ଧା ଠୋସ୍ ପଦକ୍ଷେପ ନିଆଯାଉନି! ବ୍ଲକ ଓ ପଞ୍ଚାୟତ ପ୍ରଶାସନ ବି ଏହା ଦେଖିବା ପରେ କାହିଁକି ଚୁପ୍ ରହିଛନ୍ତି ବୁଝି ହେଉନି ବୋଲି ଝୁଡିଆ ସାହି ବାସିମାନେ ଅଭିଯୋଗ କରିଛନ୍ତି। ଲୋକଙ୍କ ସୁରକ୍ଷା ପ୍ରତି ଆଦୌ ଧ୍ୟାନ ଦିଆଯାଉ ନଥିବାରୁ ସାଧାରଣରେ ଅସନ୍ତୋଷ ପ୍ରକାଶ ପାଇଛି। ଏଣୁ ଜିଲ୍ଲା ପ୍ରସାସନ ସ୍ୱତନ୍ତ୍ର ଦୃଷ୍ଟି ଦେଇ କାର୍ଯ୍ୟାନୁଷ୍ଠାନ ଗ୍ରହଣ କରିବା ପାଇଁ ଦାବି ହୋଇଛି।