ନଦୀରେ ଦୁର୍ଘଟଣା : ବାଲି ବୋଝେଇ ଟ୍ରାକ୍ଟର ଓଲଟି ନାବାଳକ ମୃତ

ଦିଗପହଣ୍ଡି,(ଅଳକ ନାଥ ମିଶ୍ର)  ଦିଗପହଣ୍ଡି ବ୍ଲକ ଭ୍ରମରପୁର ପଞ୍ଚାୟତ ସମାସିଙ୍ଗି ଗ୍ରାମ ନିକଟ ବାହୁଦା ନଦୀ ପଠା ରେ ବାଲି ବୋଝେଇ ଟ୍ରାକ୍ଟର ନଂ.(ଓଡି ୦୭ ଏଡି -୧୫୯୦) ରବିବାର ଭୋର ପ୍ରାୟ ସାଢେ ୬ ଟା ରେ ଓଲଟି ପଡ଼ିବାରୁ ଜଣେ ନାବାଳକ ଘଟଣାସ୍ଥଳରେ ମୃତ୍ୟୁବରଣ କରିଛନ୍ତି।ମୃତକ ଜଣକ ହେଲେ ଭ୍ରମରପୁର ଗ୍ରାମ ଦଳିତ ସାହି ର ପ୍ରଫୁଲ୍ଲ ନାଇକ ଙ୍କ ପୁଅ ପ୍ରକାଶ ନାଇକ (୧୧)। ପ୍ରକାଶ ଗ୍ରାମ ପ୍ରାଥମିକ ବିଦ୍ୟାଳୟରେ ୫ମ ଶ୍ରେଣୀରେ ପାଠ ପଢୁଛନ୍ତି।ପରିବାର ଆର୍ଥିକ ସ୍ୱଚ୍ଛଳ ନଥିବାରୁ ପ୍ରକାଶ ଙ୍କ ବାପା ବାହାର ରାଜ୍ୟରେ ଦାଦନ ଖଟିବାକୁ ଯାଇଛନ୍ତି।ଘର ଚଳାଇବା ପାଇଁ ପ୍ରକାଶ ଗ୍ରାମର ରବିନ୍ଦ୍ର ସାହୁ ଙ୍କ ଟ୍ରାକ୍ଟର ରେ କିଛି ଦିନ ହେଲା ଶିଶୁ ଶ୍ରମିକ ଭାବେ କାମ କରୁଥିଲେ।ରବିବାର ସକାଳେ ଅନ୍ୟ ଶ୍ରମିକଙ୍କ ସହ ପ୍ରକାଶ ବାଲି ଉତ୍ତୋଳନ ପାଇଁ ଗାଁ ନିକଟ ନଦୀ ପଠା କୁ ଯାଇଥିଲେ।ସେଠାରେ ବାଲି ଲୋଡ ହେବାପରେ ଟ୍ରାକ୍ଟର ଟି ବାଲି ଖାଦାନ ରେମ୍ପ୍ ଦେଇ ନଦୀ ହିଡ଼ କୁ ଉଠୁଥିବା ବେଳେ ଡ୍ରାଇଭର ଙ୍କ ଅସାବଧାନତା କାରଣରୁ ଟ୍ରାକ୍ଟର ଟି ଓଲଟି ପଡ଼ିଥିଲା।ଟ୍ରାକ୍ଟର ରେ ବସିଥିବା ପ୍ରକାଶ ଟ୍ରାକ୍ଟର ତଳେ ଚାପି ହୋଇ ଘଟଣାସ୍ଥଳରେ ହିଁ ମୃତ୍ୟୁବରଣ କରିଥିଲେ।ପୁଲିସ ମାମଲା ଭୟରେ ଏକ ହିଟାଚି ମେସିନ ଡକାଯାଇ ଅତି ତରବରିଆ ଭାବେ ଦୁର୍ଘଟଣା ଗସ୍ତ ଟ୍ରାକ୍ଟର କୁ ସେଠାରୁ ଉଠାଇ ଦିଆଯାଇଥିଲା। ଖବରପାଇ ପ୍ରକାଶଙ୍କ ପରିବାର ଲୋକେ ଘଟଣାସ୍ଥଳରେ ପହଞ୍ଚିଥିଲେ।ବାଲି ମାଫିଆ ମାନେ ପ୍ରକାଶଙ୍କ ମାଆ ଝିଲି ନାଇକ ଙ୍କୁ ବୁଝାସୁଝା କରି ମୃତଦେହ କୁ ତାଙ୍କ ଘର କୁ ନେଇଯାଇଥିଲେ।ସାହି ପଡୋଶୀ ଲୋକେ ଏନେଇ ପ୍ରତିକ୍ରିୟାଶୀଳ ହେବାରୁ   ଉତ୍ତେଜନା ପ୍ରକାଶ ପାଇଥିଲା।ସୂଚନା ପାଇବା ପରେ କେ.ନୂଆଗାଁ ଥାନା ପୁଲିସ ଟିମ୍ ଭ୍ରମରପୁର ଗ୍ରାମରେ ପହଞ୍ଚି ମୃତଦେହ ଜବତ କରି ବ୍ୟବଚ୍ଛେଦ ନିମନ୍ତେ ବ୍ରହ୍ମପୁର ବଡ଼ ଡାକ୍ତରଖାନା କୁ ପଠାଇଥିଲେ।ବ୍ୟବଚ୍ଛେଦ ପରେ ମୃତଦେହ କୁ ପରିବାର ଲୋକଙ୍କୁ ହସ୍ତାନ୍ତର କରାଯିବାପରେ ଶୋକାକୁଳ ପରିବେଶ ମଧ୍ୟରେ ଗାଁ ଶ୍ମଶାନରେ ତାଙ୍କ ଅନ୍ତିମ ସଂସ୍କାର କରାଯାଇଛି। ଦିଗପହଣ୍ଡି  ତହସିଲଦାର ସନ୍ତୋଷ କୁମାର ସାହୁ ଓ ପୁଲିସ ଟିମ୍ ଦୁର୍ଘଟଣାସ୍ଥଳରେ ପହଞ୍ଚି ସବିଶେଷ ତଦନ୍ତ କରି ଫେରିଛନ୍ତି।ଗିରଫ ଭୟରେ ଟ୍ରାକ୍ଟର ଚାଳକ ଫେରାର ହୋଇଯାଇଛି। ଦିଗପହଣ୍ଡି ତହସିଲ ଭ୍ରମରପୁର ରାଜସ୍ବ ସର୍କଲ ଅଧିନ ସମାସିଙ୍ଗି ମୌଜା ବାହୁଦା ନଦୀ ରୁ ବେଆଇନ ଭାବେ ବାଲି ଉତ୍ତୋଳନ କରାଯାଇ ପ୍ରତିଦିନ ଟ୍ରାକ୍ଟର, ଟିପର  ରେ ପଡୋଶୀ ଆନ୍ଧ୍ର ପ୍ରଦେଶ ସମେତ ଆଖପାଖ ଗ୍ରାମାଞ୍ଚଳ ମାନଙ୍କୁ ବାଲି ଚୋରା ଚାଲାଣ ହେଉଛି। ବାଲି ସୈରାତ ଲିଜ୍ ଦିଆଯାଇନାହିଁ।ମାଫିଆ ମାନେ ସଂଘଟିତ ଭାବେ ସ୍ଥାନୀୟ ପୁଲିସ ଓ ରାଜସ୍ବ ନୀରିକ୍ଷକ ଙ୍କୁ ପ୍ରଚୁର ବଟି ଦେଇ ଖୁଲମ୍ ଖୁଲା ସ୍ପଷ୍ଟ ଦିବାଲୋକରେ ବାଲି ଚୋରା ଚାଲାଣ କରୁଥିବା ଗ୍ରାମବାସୀ ଅଭିଯୋଗ କରିଛନ୍ତି। ଦିଗପହଣ୍ଡି ତହସିଲଦାର ସନ୍ତୋଷ କୁମାର ସାହୁ ମୃତକଙ୍କ ପରିବାରବର୍ଗ ଙ୍କୁ ଭେଟି ସମବେଦନା ଜଣାଇବା  ସହ ରେଡକ୍ରସ ପାଣ୍ଠିରୁ ୩୦ ହଜାର ଟଙ୍କା ଅନୁକମ୍ପା ମୂଳକ ସହାୟତା ପ୍ରଦାନ କରିଥିବା ଜଣାପଡିଛି।

Spread the love

Leave a Reply

Your email address will not be published. Required fields are marked *

Advertisement

ଏବେ ଏବେ