ବିଧାନସଭା ମଣ୍ଡଳୀୟ ବିକାଶ କମିଟି ସଭା ଅନୁଷ୍ଠିତ
ବସ୍ତା/ ବାଲେଶ୍ୱର (ସରୋଜ ପଣ୍ଡା): ବସ୍ତା ବ୍ଲକ୍ କନଫରେନ୍ସ ହଲ୍ରେ ବସ୍ତା ବିଧାନସଭା ମଣ୍ଡଳୀୟ ବିକାଶ କମିଟି (ACDC) ର ସଭା ଅନୁଷ୍ଠିତ ହେଲା । ସଭାର ଅଧ୍ୟକ୍ଷତା ବସ୍ତା ବିଧାନସଭାର ମାନ୍ୟବର ବିଧାୟିକା ଶ୍ରୀମତୀ ସୁଭାସିନୀ ଜେନା କରିଥିଲେ । ଏହାକୁ ଅତିରିକ୍ତ ଜିଲ୍ଲାପାଳ (ରାଜସ୍ବ) ଶ୍ରୀ ହେମନ୍ତ କୁମାର ସିଂହ ପରିଚାଳନା କରିଥିଲେ । ସଦର ଉପଜିଲ୍ଲାପାଳ ଶ୍ରୀ ଶିବ ମାଲବ୍ୟ , ବସ୍ତା ତହସିଲଦାର ଶ୍ରୀ ସୁଶାନ୍ତ ପଟ୍ଟନାୟକ, ବସ୍ତା ବିଡିଓ ଶ୍ରୀ ମିହିର ରଞ୍ଜନ ଦାସଙ୍କ ସହିତ ବିଭିନ୍ନ ବିଭାଗର ବରିଷ୍ଠ ଅଧିକାରୀମାନେ ଉପସ୍ଥିତ ଥିଲେ । ପିଆରଆଇ ସଦସ୍ୟମାନେ ମଧ୍ୟ ସଭାରେ ସକ୍ରିୟ ଭାବରେ ଯୋଗ ଦେଇଥିଲେ । ସଭାରେ ପ୍ରଥମେ ଗ୍ରାମୀଣ ବିକାଶ ବିଭାଗର ସମୀକ୍ଷା କରାଗଲା । ବିଜୁ ସେତୁ ଯୋଜନା, ରାଜସ୍ବ ନିରୀକ୍ଷକଙ୍କ କାର୍ଯ୍ୟାଳୟ ନିର୍ମାଣ, ଏବଂ ବିଭିନ୍ନ ସ୍କୁଲ ସହିତ ଓଡିଶା ଆଦର୍ଶ ବିଦ୍ୟାଳୟର ନିର୍ମାଣ ଏବଂ ମରାମତି କାମ ସମ୍ପର୍କରେ ବିସ୍ତୃତ ଆଲୋଚନା ହେଲା । କୃଷି ଏବଂ ଉଦ୍ୟାନ ବିଭାଗର ସମୀକ୍ଷା ବିଶେଷ ଭାବରେ କରାଗଲା, ବିଶେଷକରି ନିକଟରେ ଆସିଥିବା ବନ୍ୟା ରେ ପ୍ରଭାବିତ କୃଷି ଉପରେ। ଜିଲ୍ଲା ସମାଜ ସୁରକ୍ଷା ଅଧିକାରୀ (ଡି ଏସ ଏସ ଓ)ଙ୍କୁ ଭିନ୍ନକ୍ଷମ ଭତ୍ତା ଏବଂ ବିଧବା ପେନ୍ସନ୍ ବାବଦରେ ସମୀକ୍ଷା କରାଗଲା ଏବଂ ଯେଉଁ ମାମଲା ଅପେକ୍ଷାରତ ଅଛି ସେଗୁଡ଼ିକୁ ଶୀଘ୍ର ନିଷ୍ପତ୍ତି କରିବାକୁ ନିର୍ଦ୍ଦେଶ ଦିଆଗଲା । ଡି ଏସ ଡବ୍ଲ୍ୟୁ ଓ ମମତା ଯୋଜନାର ୧୦୦% ସଫଳତା ବିଷୟରେ ଅବଗତ କରିଥିଲେ ଏବଂ ସୁଭଦ୍ରା ଯୋଜନାର କିଛି ଲୋକଙ୍କ ନାମ ବଡ ପଡ଼ିଥିବା ସମ୍ପର୍କରେ ତଦନ୍ତ କରାଯିବ ବୋଲି ଉଲ୍ଲେଖ କରିଥିଲେ। ଆଙ୍ଗନୱାଡ଼ି କେନ୍ଦ୍ରଗୁଡ଼ିକ ସମ୍ପର୍କିତ ବିଷୟ ସଦର ଉପଜିଲ୍ଲାପାଳ ଶ୍ରୀ ମାଲବ୍ୟ ନିଜେ ସମୀକ୍ଷା କରିବେ ବୋଲି କହିଥିଲେ । ସି ଏସ ଓ ଙ୍କୁ ବିଭାଗୀୟ ସମ୍ବନ୍ଧୀୟ ସମୀକ୍ଷା କରାଯାଇଥିଲା । ଜିଲ୍ଲା ଶିକ୍ଷା ଅଧିକାରୀ ଏବଂ ଗୋଷ୍ଠୀ ଶିକ୍ଷା ଅଧିକାରୀଙ୍କୁ ବିଭିନ୍ନ ସ୍କୁଲ ସମସ୍ୟା, ଶିକ୍ଷକମାନଙ୍କ ସଂଖ୍ୟା, ଭିତ୍ତିଭୂମି ବିକାଶ ସମ୍ବନ୍ଧୀୟ ଆବଶ୍ୟକ ପଦକ୍ଷେପ ନେବାକୁ ପରାମର୍ଶ ଦିଆଗଲା । ଡି ଡବ୍ଲ୍ୟୁ ଓ ଙ୍କୁ ତଫସିଲ ଭୁକ୍ତ ଜାତି ଓ ଜନଜାତି ଛାତ୍ରଛାତ୍ରୀଙ୍କୁ ଦିଆଯାଉଥିବା ଛାତ୍ରବୃତ୍ତି ବାବଦରେ ସମୀକ୍ଷା କରାଗଲା । ଅଧିକ୍ଷଣ ଯନ୍ତ୍ରୀ ,ଜଳ ଯୋଗାଣ ବିଭାଗଙ୍କୁ ପାଇପ ପାଣି ପ୍ରକଳ୍ପଗୁଡ଼ିକର ଅପେକ୍ଷାରତ କାମ ଶୀଘ୍ର ସମାପ୍ତ କରିବାକୁ ନିର୍ଦ୍ଦେଶ ଦିଆଗଲା ।
