ଶୂନ୍ୟ ମୃତାହତ ପକ୍ଷ ପାଳନ ଅବସରରେ ପରିବହନ ବିଭାଗ ପକ୍ଷରୁ ସଚେତନତା କାର୍ଯ୍ୟକ୍ରମ

ଛତ୍ରପୁର,(ଓ୍ବାଇଏନଏସ):  ରାଜ୍ୟରେ ସଡକ ଦୃର୍ଘଟଣାକୁ ହ୍ରାସ କରିବା କରିବା ପାଇଁ ୧୬  ନଭେମ୍ବରରୁ ୩୦ ନଭେମ୍ବର ପ୍ରର୍ଯ୍ୟନ୍ତ ଶୂନ୍ୟ ମୃତାହତ ପକ୍ଷ ପାଳନ କରାଯାଉଛି । ଏହି ଅବସରରେ ଗଞ୍ଜାମ ଆଚଂଳିକ ପରିବହନ ବିଭାଗ ପକ୍ଷରୁ ଶୂନ୍ୟ ମୃତାହତ ପକ୍ଷ ପାଳନ ନିମନ୍ତେ ବିଭିନ୍ନ ସଚେତନତା କରାଯାଉଛି । ଏନେଇଶନିବାର ଛତ୍ରପୁର ସରକାରୀ ଶିଳ୍ପ ତାଲିମ ଅନୁଷ୍ଠାନରେ ଗଞ୍ଜାମ ପରିବହନ ବିଭାଗ ପକ୍ଷରୁ ଶୂନ୍ୟ ମୃତାହତ ପକ୍ଷ ପାଳନ ସହ ସଚେତନତା କରାଯାଇଛି । ସଡକ ସୁରକ୍ଷା ନିୟମ ପାଳନ ସମତେ ଦୁଇ ଚକିଆ ଗାଡି ଚଳାଇବା ସମୟରେ ହେଲିମେଟ ବ୍ୟବାହର ଉପରେ ସଚେତନତା କରାଯାଉଛି । ଜିଲାରେ ଜାନୁଆରୀ ମାସରୁ ସେପ୍ଟମ୍ବର ମାସ ମଧ୍ୟରେ ୫୭୭୯ ଜଣ ଦୁଇ ଚକିଆ ଯାନ ଚଳାଇବା ବେଳେ ହେଲିମେଟ ନପିନ୍ଧି ଧରାପଡିଥିବା ଜଣାପଡିଛି । ଏହାସହ ଜିଲାରେ ସଡକ ଦୃର୍ଘଟଣାର ୩୮ ପ୍ରତିଶତ ବାଇକ ଚାଳକ ସଡକ ଦୃର୍ଘଟଣାରେ ମୃତ୍ୟୁ ହୋଇଥାନ୍ତି । ଏହି କାର୍ଯ୍ୟକ୍ରମରେ ଅରକ୍ଷିତ ପରିଛା ଯୋଗଦେଇ ଶୂନ୍ୟ ମୃତାହତ ପକ୍ଷ ପାଳନର ଲକ୍ଷ୍ୟ ଉଦେଶ୍ୟ ସମ୍ପର୍କରେ ଆଲୋକପାତ କରିଥିଲେ । ଅନ୍ୟମାନଙ୍କ ମଧ୍ୟରେ ଶିଳ୍ପ ତାଲିମ ଅନୁଷ୍ଠାନର ପ୍ରିନ୍ସପାଲ ଅତୁଲ୍ୟ କୁମାର ପଣ୍ଡା,ଏଆରଟିଓ ସୋମନାଥ ଶବର,କନିଷ୍ଠ ଏମଭିଆଇ ରୋହିତ କୁମାର ପଣ୍ଡା ପ୍ରମୁଖ ଉପସ୍ଥିତ ରହିଥିବା ବେଳେ ପରିବହନ ବିଭାଗର ଅଜୟ ବାରିକ, ଶିଳ୍ପ ତାଲିମ ଅନୁଷ୍ଠାନର ଶିକ୍ଷକ ରତ୍ନାକର ବେହେରା,ରୁଦ୍ର ନାରାୟଣ, ଚନ୍ଦ୍ର ମୋହନ ସାମଲ,ସିମନ ବେହେରା ପ୍ରମୁଖ ଉପସ୍ଥିତ ରହି ପରିଚାଳନାରେ ସହଯୋଗ କରିଥିଲେ ।