ରାଇକିଆ ରେ ବ୍ଲକ ସ୍ତରୀୟ ମତ୍ସ୍ୟ ଓ ପ୍ରାଣୀ ସମ୍ପଦ ମେଳା
ରାଇକିଆ, (ପ୍ରଦୀପ ବେହେରା): କନ୍ଧମାଳ ଜିଲ୍ଲା ରାଇକିଆ ପାଙ୍ଗାନାଜୁ ଛକ ନିକଟ ରେ ଶନିବାର ବ୍ଲକସ୍ତରୀୟ ମତ୍ସ୍ୟ ଓ ପ୍ରାଣୀ ସମ୍ପଦ ମେଳା ଅନୁଷ୍ଠିତ ହୋଇଯାଇଛି। ରାଇକିଆ ବ୍ଲକ ପ୍ରାଣୀ ଚିକିତ୍ସାଧିକାରୀ ସ୍ଵାତୀ ସଂଘମିତ୍ରା ଦେହୁରୀ ଏବଂ ବ୍ଳକ ସହକାରୀ ମତ୍ସ୍ୟ ଅଧିକାରୀ ରୋଜାଲିନ ଦାସଙ୍କ ତତ୍ତ୍ୱାବଧାନରେ ଅନୁଷ୍ଠିତ କାର୍ଯ୍ୟକ୍ରମ ରେ ମୁଖ୍ୟ ଅତିଥି ଭାବେ ଜି ଉଦୟଗିରି ବିଧାୟକ ପ୍ରଫୁଲ୍ଲ ପ୍ରଧାନ ଯୋଗଦେଇ ମେଳାକୁ ଉଦ୍ଘାଟନ କରିଥିଲେ। ସମ୍ମାନିତ ଅତିଥି ଭାବେ ରାଇକିଆ ଏମପି ପ୍ରତିନିଧି ସନ୍ତୋଷ ଲେଙ୍କା, ବ୍ଲକ ଅଧ୍ୟକ୍ଷା ରିନା ପ୍ରଧାନ ଯୋଗ ଦେଇଥିଲେ । ଉପଖଣ୍ଡ ପ୍ରାଣୀ ଚିକିତ୍ସାଧିକାରୀ ଡ଼ ଲମ୍ବୋଦର ମହାପାତ୍ର, ଚକାପାଦ ବ୍ଲକ ସହକାରୀ ମତ୍ସ୍ୟ ବିଭାଗ ଅଧିକାରୀ ଜି ଦୀପକ ରେଡ୍ଡୀ ପ୍ରମୁଖ ଯୋଗଦେଇ ମତ୍ସ୍ୟ ଓ ପ୍ରାଣୀଧନ ଚାଷୀଙ୍କ ଆର୍ଥିକ ଅଗ୍ରଗତିର ବିଭିନ୍ନ ଦିଗ ସମ୍ପର୍କରେ ସୂଚନା ଦେଇଥିଲେ। ଏଥିସହ ଚାଷୀ ସରକାରଙ୍କ ବିଭିନ୍ନ କୃଷକ କଲ୍ୟାଣ ଯୋଜନାରୁ କିପରି ଆର୍ଥିକ ସହାୟତା ହାସଲ କରି ଆଧୁନିକ ଜ୍ଞାନକୌଶଳ ବିନିଯୋଗରେ ଲାଭବାନ ହୋଇପାରିବେ ସେ ଦିଗରେ ବକ୍ତବ୍ୟ ପ୍ରଦାନ କରିଥିଲେ। ସରକାରୀ ଯୋଜନା ଜରିଆରେ କିଭଳି ଉନ୍ନତି ହୋଇପାରିଛି ସେ ଦିଗରେ ଅଗ୍ରଣୀ ଚାଷୀମାନେ ସେମାନଙ୍କ ମତ ବିନିମୟ କରିଥିଲେ। ମେଳାରେ ପଶୁ ସମ୍ପଦ ବିଭାଗରୁ ୪ ଜଣ ଅଗ୍ରଣୀ ଚାଷୀ ଏବଂ ଗ୍ରୁପ୍ ଅନୁପମା ଦାସ, ପ୍ରଣବ କୁମାର ପ୍ରଧାନ, ବିଦ୍ୟରତ୍ନ ମଣି ଦିଗାଲ, ମଦର୍ ଟେରେସା ସ୍ବୟଂସହାୟିକା ଗୋଷ୍ଠୀ ଏବଂ ମତ୍ସ୍ୟ ବିଭାଗ ରୁ ୪ଜଣ , କାହୁଁ ଚରଣ ପାଣିଗ୍ରାହୀ, ବିଧାନ ବିଷୋୟୀ, ଦେବନାଥ ପ୍ରଧାନ, କାର୍ମେଲ ସ୍ଵୟଂ ସହାୟକ ଗୋଷ୍ଠୀ ଙ୍କୁ ସମ୍ମାନିତ କରଯାଇଥିଲା । କାର୍ଯ୍ୟକ୍ରମ ରେ ସ୍ବୟଂସହାୟିକା ଗୋଷ୍ଠୀ ,ପ୍ରାଣୀ ସମ୍ପଦ ବିଭାଗ, ମତ୍ସ୍ୟ ବିଭାଗ,କୃଷି ବିଭାଗ, ଉଦ୍ୟାନ କୃଷି ବିଭାଗ, ସମବାୟ ବିଭାଗ, ଘାସ ଚାଷ, ଉନ୍ନତ ଦେଶୀ ଗାଈ ପାଳନକୁ ନେଇ ମୋଟ ୧୨ ଗୋଟି ଷ୍ଟଲ ଖୋଲାଯାଇଥିଲା। ଉଭୟ ବିଭାଗର କର୍ମଚାରୀ ମେଳାକୁ ପରିଚାଳନା କରିଥିଲେ। 250 ରୁ ଊର୍ଦ୍ଧ ଚାଷୀ ଅଂଶଗ୍ରହଣ କରି ଷ୍ଟଲ ବୁଲି ଦେଖିବା ସହ ବିଭିନ୍ନ ବିଷୟରେ ଜ୍ଞାନ ଆହରଣ କରିଥିଲେ। କାର୍ଯ୍ୟକ୍ରମ ଶେଷରେ ରାଇକିଆ ବ୍ଳକ ସହକାରୀ ମତ୍ସ୍ୟ ଅଧିକାରୀ ରୋଜାଲିନ ଦାସ ଧନ୍ୟବାଦ ଅର୍ପଣ କରିଥିଲେ ।
