ବ୍ଳକସ୍ତରୀୟ ସଂସଦ ଖେଳ ମହୋତ୍ସବ ଉଦଘାଟିତ
ଦିଗପହଣ୍ଡି,(ଅଳକ ନାଥ ମିଶ୍ର) ଦିଗପହଣ୍ଡି ସ୍ଥିତ ଖେମୁଣ୍ଡି ମହାବିଦ୍ୟାଳୟ , ବଡଖେମୁଣ୍ଡି ହାଇସ୍କୁଲ ଏବଂ ପଦ୍ମନାଭପୁର ହାଇସ୍କୁଲ ଖେଳ ପଡ଼ିଆରେ ତିନିଦିନିଆ ବ୍ଳକସ୍ତରୀୟ ସଂସଦ ଖେଳ ମହୋତ୍ସବ ମଙ୍ଗଳବାର ଉଦଘାଟିତ ହୋଇଯାଇଛି । ଦିଗପହଣ୍ଡି ବିଡ଼ିଓ ଅନାମିକା ପାଣ୍ଡେ ଙ୍କ ତତ୍ତ୍ଵାବଧାନରେ ପଦ୍ମନାଭପୁର ନୋଡାଲ ହାଇସ୍କୁଲ ଖେଳପଡିଆ ପ୍ରାଙ୍ଗଣରେ ଉଦଘାଟନୀ ସମାରୋହ ରେ ତହସିଲଦାର ସନ୍ତୋଷ କୁମାର ସାହୁ , ଦିଗପହଣ୍ଡି ନଗରପାଳ ପ୍ରଫୁଲ୍ଲ ପଣ୍ଡା , ଅତିରିକ୍ତ ବ୍ଳକ ଉନ୍ନୟନ ଅଧିକାରୀ ଉମେଶ ସେଠୀ , ବ୍ରହ୍ମପୁର ସାଂସଦ ବ୍ଳକ ପ୍ରତିନିଧି କେ. ହରିବନ୍ଧୁ ରେଡ୍ଡୀ , ସ୍ଥାନୀୟ ସରପଞ୍ଚ ବି . ସନ୍ଧ୍ୟାରାଣୀ ସୁବୁଦ୍ଧି , ଏବିଇଓ ରସାନନ୍ଦ ଘଡେଇ , ସିଦ୍ଧେଶ୍ୱର ସରପଞ୍ଚ ବିଜୟ କୁମାର ପ୍ରଧାନ , ବି . ତୁରୁବୁଡି ସରପଞ୍ଚ ଲିଙ୍ଗା ଦୋରା , ପ୍ରଧାନ ଶିକ୍ଷୟତ୍ରୀ ବିଦ୍ୟୁତଲତା ମହାରଣା , ଯୋଗାଣ ନିରୀକ୍ଷକ ବ୍ରଜେଶ୍ବର ରାୟ , ବ୍ଳକ ସାମାଜିକ ସୁରକ୍ଷା ଅଧିକାରୀ ରଶ୍ମୀ ପ୍ରକାଶିନୀ ଜାନୀ ପ୍ରମୁଖ ମଞ୍ଚାସୀନ ରହି ଛାତ୍ରଛାତ୍ରୀଙ୍କୁ ଉତ୍ସାହିତ କରିବା ସହ କ୍ରୀଡାର ମହତ୍ତ୍ଵ ସମ୍ପର୍କ ରେ ଉଦବୋଧନ ଦେଇଥିଲେ। ପ୍ରଥମ ଦିନରେ କବାଡି , ଖୋ- ଖୋ , ଭଲିବଲ ଏବଂ କ୍ରିକେଟ ପ୍ରତିଯୋଗିତା ଅନୁଷ୍ଠିତ ହୋଇଥିଲା । ଏଥିରେ ୬୦୦ ରୁ ଉର୍ଦ୍ଧ୍ବ ଛାତ୍ରଛାତ୍ରୀ ଅଂଶଗ୍ରହଣ କରିଥିଲେ । ଉଦଯାପନୀ ସମାରୋହରେ କୃତିତ୍ୱ ଅର୍ଜନ କରିଥିବା ଛାତ୍ରଛାତ୍ରୀଙ୍କୁ ଅତିଥି ମାନଙ୍କ ଦ୍ୱାରା ପୁରସ୍କୃତ କରାଯାଇଥିଲା । ବ୍ଳକ କ୍ରୀଡା ସଂପାଦକ ତଥା କ୍ରୀଡା ଶିକ୍ଷକ ଏମ୍. ଗୈାରାଙ୍ଗ , ଏମ୍ ଶୁକୁରୁ ରେଡ୍ଡୀ , ସିମାଞ୍ଚଳ ସାହୁ , ସିମାଞ୍ଚଳ ପାଢ଼ୀ , ସୁଜିତ କୁମାର ଜେନା , କୈଳାସ ରେଡ୍ଡୀ , ଗୋପାଳ ରେଡ୍ଡୀ ଙ୍କ ସମେତ ବ୍ଳକର ସମସ୍ତ ପଞ୍ଚାୟତ ନିର୍ବାହୀ ଅଧିକାରୀ , ଏଡିଓ ବୃନ୍ଦ ଖେଳ ପରିଚାଳନାରେ ସହଯୋଗ କରିଥିଲେ । ସେହିପରି ବଡ଼ ଖେମୁଣ୍ଡି ହାଇସ୍କୁଲ ଖେଳ ପଡିଆ, ଖେମୁଣ୍ଡି କଲେଜ ଖେଳ ପଡ଼ିଆ ଠାରେ କ୍ରିକେଟ ମ୍ୟାଚ୍ ଏବଂ ବିଜୁ ପଟ୍ଟନାୟକ ଇଣ୍ଡୋର ଷ୍ଟାଡିୟମ ରେ ବ୍ୟାଡମିଣ୍ଟନ ମ୍ୟାଚ୍ ଅନୁଷ୍ଠିତ କରାଯାଇ ବିଜେତା ଓ ଉପ ବିଜେତା ଟିମ୍ କୁ ପୁରସ୍କୃତ କରାଯାଇଥିଲା।


