ମଇଁଷି ଚୋରା ଚାଲାଣ : ୮ ମଇଁଷି ଉଦ୍ଧାର ସହ ଗାଡିକୁ ଜବତ କଲା ପୁଲିସ

ଛତ୍ରପୁର,(ଓ୍ବାଇଏନଏସ) : ଛତ୍ରପୁର ଜାତୀୟ ରାଜପଥ ଦେଇ ବେଧଡକ ଭାବେ ଚଲାଣ ହେଉଛି ଗାଈ ମଇଁଷି । ଗତକାଲି କୈାଣସି ପ୍ରକାରେ ଛତ୍ରପୁରର ଗୋସେବକ ମାନେ ଖବର ପାଇଁ ଛତ୍ରପୁର ଉଜଳେଶ୍ୱରୀ ମନ୍ଦିର ଜାତୀୟ ରାଜପଥ ଦେଇ ଯାଉଥିବା ଏକ ଆନ୍ଧ୍ର ନମ୍ବର ପିକ ଅପ ଭ୍ୟାନକୁ ଅଟକାଇଥିଲେ । ସେହି ଗାଡିରେ ୮ଟି ମଇଁଷି ରହିଥିବା ଦେଖିବା ସହ ଛତ୍ରପୁର ପୁଲିସକୁ ଜିମା ଦେଇଥିଲେ । ଏପରିକି ୪ଟି ଗାଡିରେ ଚୋରା ଚାଲାଣ ହେଉଥିବା ବେଳେ ସେମାନେ କେବଳ ଗୋଟିଏ ଗାଡିକୁ ଅଟକାଇ ପାରିଥିଲେ ବୋଲି ଗୋସେବକ ମାନେ କହିଥିଲେ । ଏପରିକି କିଛି ଗାଡି ଅଟକାଇ ବାକୁ ଚେଷ୍ଟା କରିଥିଲେ ବି ସେମାନଙ୍କ ଉପରକୁ ଚାଲି ଆସିଥିବାରୁ ଭୟରେ ଦୁରେଇ ଯିବାରୁ ୩ଟି ଗାଡି ଫେରରା ହୋଇଯାଇଥିବା କହିଥିଲେ । ଫେରରା ତିନୋଟି ଗାଡିରେ ଗାଁ ମଧ୍ୟ ଯାଇଥିବା କହିଥିଲେ । ଏହି ମଇଁଷି ସବୁ ଗଞ୍ଜାମ ବ୍ଲକ ସିଦ୍ଧାର୍ଥ ନଗରରୁ ଆସୁଥିବା ଗାଡି ଚାଳକ ଜାଣକ ଗୋସେବକ ମାନଙ୍କୁ କହିଥିବା ବେଳେ ତାହା ବ୍ରହ୍ମପୁର ପରେ ଆନ୍ଧ୍ରପ୍ରଦେଶକୁ ଚାଲାଣ ହୋଇଥାନ୍ତା । ଏନେଇ ଛତ୍ରପୁର ଥାନାରେ ଗାଡିକୁ ଜବତ କରିବା ସହ ଚାରି ଜଣଙ୍କ ନାମରେ ମାମଲା ରୁଜୁ ହୋଇଥିବା ଥାନା ଅଧିକାରୀ ସବ୍ୟସାଚ୍ଚୀ ମଲ୍ଲ ସୂଚନା ଦେଇଛନ୍ତି । ଉଦ୍ଧାର କରାଯାଇଥିବା ମଇଁଷି ଗୁଡିକୁ ଗୋଶାଳାରେ ଛଡା ଯାଇଥିବା ପୁଲିସ ପକ୍ଷରୁ କୁହାଯାଇଛି । ତେବେ କିଏ ଏବଂ କେଉଁଠିକୁ ଏହି ସବୁ ଗାଈ ଓ ମଈଁଷି ଚାଲାଣ କରୁଛି ତାହାର ମୁଖ୍ୟ ଆସାମୀକୁ ଧରିବା ପାଇଁ ଗୋସେବକ ପକ୍ଷରୁ ଦାବୀ ହୋଇଛି ।