ଖେମୁଣ୍ଡି କଳିଙ୍ଗ ବୈଶ୍ଯ ସଂଘ ପକ୍ଷରୁ ଶିଶୁ ଉତ୍ସବ

ଦିଗପହଣ୍ଡି,(ଅଳକ ନାଥ ମିଶ୍ର): ଦିଗପହଣ୍ଡି ସ୍ଥିତ କଳିଙ୍ଗ ବୈଶ୍ଯ ସମାଜ ସଭା ଗୃହ ପରିସରରେ ରବିବାର କୁନି କୁନି ଶିଶୁ ପ୍ରତିଭାକୁ ଲୋକ ଲୋଚନକୁ ଆଣିବା ସକାଶେ ଆଞ୍ଚଳିକ କଳିଙ୍ଗ ବୈଶ୍ୟ ସଂଘ ପକ୍ଷରୁ ଶିଶୁ ଉତ୍ସବ  ଅନୁଷ୍ଠିତ ହୋଇଯାଇଛି ।  ଆୟୋଜିତ କାର୍ଯ୍ୟକ୍ରମକୁ ସଂଘ ସଭାପତି କେ . ଜବାହାରଲାଲ ସଂଯୋଜନା କରିଥିଲେ । ଏଥିରେ ଖେମୁଣ୍ଡି ଅଞ୍ଚଳର ଦିଗପହଣ୍ଡି , ଚିକିଟି , ପାତ୍ରପୁର , ସାନଖେମୁଣ୍ଡି ଓ କୁକୁଡାଖଣ୍ଡି ବ୍ଳକରୁ ବହୁ ସଂଖ୍ୟକ ସଦସ୍ୟା ସଦସ୍ୟ କର୍ମକର୍ତ୍ତା ବୃନ୍ଦ ଯୋଗ ଦେଇଥିଲେ । ଏହି ଅବସରରେ ଜୁନିଅର ଓ ସିନିଅର ବର୍ଗର ଶିଶୁଙ୍କ ମଧ୍ୟରେ ଚିତ୍ରାଙ୍କନ , ବକୃତା , କୁଇଜ୍ , ନୃତ୍ୟ , ସଙ୍ଗୀତ ଭଳି ବିଭିନ୍ନ ପ୍ରତିଯୋଗିତା ଆୟୋଜନ କରାଯାଇଥିଲା । ଶେଷରେ ସଂଘ ତରଫରୁ ପ୍ରତ୍ୟେକ ବର୍ଗରୁ ୩ ଜଣ ଲେଖାଏଁ କୃତି ଶିଶୁ ଙ୍କୁ ପୁରସ୍କାର ପ୍ରଦାନ କରାଯାଇଥିଲା । ତେବେ ଆଖିକୁ କପଡା ମାଧ୍ଯମରେ ଘୋଡାଇ ବହି କିମ୍ବା କାନ୍ଥରେ ଲେଖା ଅକ୍ଷରକୁ ସହଜରେ ପଢ଼ିବା , ଯେକୌଣସି ଜିନିଷକୁ ହାତରେ ସ୍ପର୍ଶ କରି ତାହାର ରଙ୍ଗକୁ ଚିହ୍ନଟ କରି ସମସ୍ତ ଙ୍କୁ ଆଚମ୍ବିତ କରିଥିବା ପାତ୍ରପୁର ବ୍ଳକ ତୁରୁବୁଡି ଗ୍ରାମର ଶିଶୁ ଦିଶା ପାତ୍ରଙ୍କୁ ସ୍ବତନ୍ତ୍ର ଭାବେ ସମ୍ମାନିତ କରାଯାଇଥିଲା । ୧୨ ଜଣ ବିଚାରକ ଏହି ପ୍ରତିଯୋଗୀତାରେ ଅଂଶଗ୍ରହଣ କରି ମୂଲ୍ୟାୟନ କରିଥିଲେ ।ଆଞ୍ଚଳିକ ମହିଳା ଓ ଯୁବକ ସେବା ସଂଘର ମିଳିତ ସହଯୋଗରେ କାର୍ଯ୍ୟକ୍ରମ ପରିଚାଳନା ହୋଇଥିବା ବେଳେ ସଂଘ ଉପସଭାପତି ପି . ସରୋଜକାନ୍ତ ସୁବୁଦ୍ଧି , ସମ୍ପାଦକ ଇ. ମାଲେଶ୍ବର , ଯୁଗ୍ମ ସମ୍ପାଦକ ସିଏଚ୍ . ଶଙ୍କର ସୁବୁଦ୍ଧି , କୋଷାଧ୍ୟକ୍ଷ ପି . ଅକ୍ଷୟ କୁମାର ପାତ୍ର , ବି . ନାରାୟଣ ସୁବୁଦ୍ଧି , ଇ . ସିମାଦ୍ରୀ ପାତ୍ର , ଇ . ଗଣେଶ ପାତ୍ର , ଭି . ବଚନ ରାଜୁ , ତିରୁପତି ପାତ୍ର ଙ୍କ ସମେତ ସଂଘ ର ସମସ୍ତ କର୍ମକର୍ତ୍ତା କାର୍ଯ୍ୟକ୍ରମ ପରିଚାଳନାରେ ସହଯୋଗ  କରିଥିଲେ ।