ବୁଡିବାକୁ ବସିଛି ଚିନାବାଦାମ ଚାଷ : ପ୍ରୋତ୍ସାହନ ନାହିଁ, ଚାଷୀ ନିରାଶ

କାକଟପୁର /ଅସ୍ତରଙ୍ଗ :(ଶୁଭାଶିଷ ଖଣ୍ଡୁଆଳ ):-ପୁରୀ ଜିଲ୍ଲା ଅସ୍ତରଙ୍ଗ ବ୍ଲକ ଦେଇ ପ୍ରଭାହିତ ଦେବୀ ନଦୀ ତଟବର୍ତ୍ତୀ ପଂଚାୟତର ଦୋରସା ରୁ ବାଲିଆ କିସମ ଏକର ଏକର ଜମିରେ ଅର୍ଥକାରୀ ଚିନାବାଦାମ ଚାଷ ହେଉଥିଲା। ଏବେ କୃଷି ବିଭାଗର ଉଦାସୀନତା ଯୋଗୁଁ ଅସ୍ତରଙ୍ଗ ବ୍ଲକର ନଗର, ଆଳସାହି, ତାଳଦା, ନଈଗୁଆଁ, ଛୁରିଆନା, ଶିଶୁଅ, ନୂଆଗଡ,ସୁଦିକେଶର,ଝାଡ଼ଲିଙ୍ଗ, ଓସିଆଁ ଆଦି ଗ୍ରାମ ମାନଙ୍କ ରେ ଚାଷୀ ମାନେ ପୂର୍ବରୁ ଚିନାବାଦାମ ଚାଷ କରୁଥିବା ବେଳେ କିଛି ବର୍ଷ ହେବ ଆଉ ଚାଷ କରୁନାହାନ୍ତି। ଉଲ୍ଲେଖ ଯୋଗ୍ୟ କିଛି ବର୍ଷ ବିଭାଗ ପକ୍ଷରୁ ଏ ପର୍ଯ୍ୟନ୍ତ ବିହନ ଯୋଗାଇ ଦିଆଯାଇନଥିବା  କୃଷିବିଭାଗ ପକ୍ଷରୁ ସୂଚନା ମିଳିଛି। ଯେଉଁ ବ୍ଲକରେ ଏକଦା ୪ଶହ ହେକ୍ଟର ଜମିରେ ଚିନାବାଦାମ ଚାଷ ହେଉଥିଲା ତାହା କିଛି ବର୍ଷ ହେବ ୨୫ହେକ୍ଟର ଜମିରେ ସୀମିତ ରହିଛି। ଅନ୍ୟ ପଟେ ଚିନାବାଦାମ ଚାଷ ପାଈଁ ଉର୍ବର ମୁର୍ତ୍ତୃକା ଥିବା ନଦୀ ପଠା ନଗର, ଆଳସାହି, ତାଳଦା ସମେତ ଆଦି ପଂଚାୟତ ର ଚାଷୀମାନେ କୃଷି ବିଭାଗ ପକ୍ଷରୁ ବିହନ ମିଳୁନଥିବାରୁ ନେଇ ଚାଷୀଙ୍କ ମଧ୍ୟରେ ଅଶୋନ୍ତସ ଦେଖିବାକୁ ମିଳିଛି। ଅପରପକ୍ଷେ ପରିବର୍ତ୍ତିତ ଜଳବାୟୁ ଓ ମାଟିର ଉର୍ବରତା ହ୍ରାସ ସହିତ ପ୍ରଶାସନିକ ଅବହେଳା ଅଣଦେଖା ଯୋଗୁଁ ଏହି ଚାଷ ବୁଡି ଯିବାକୁ ବସିଛି। ଚାଷୀ କହିବା ଅନୁଯାୟୀ ୧୦ବର୍ଷ ତଳେ ଏହି ଚାଷରୁ ପର୍ଯ୍ୟାପ୍ତ ଲାଭ ମିଳୁଥିଲା। ଗୁଣ୍ଠ ପ୍ରତି ହଳ, ବିହନ, ସାର, ଔଷଧ ଶହ ସମସ୍ତ ଖର୍ଚ୍ଚ ୫ଶହ ଟଙ୍କା ମଧ୍ୟରେ ହେଉଥିବା ବେଳେ ଚାଷୀ ୨୫ଟଙ୍କା ଟଙ୍କା ଅର୍ଥ ପାଉଥିଲା। ଟ୍ରକ ଟ୍ରକ ଚିନାବାଦାମ କଟକ ମାଲଗୋଦାମ କୁ ଯାଉଥିଲା। ଏହି ଚାଷ ଚାଷୀର ଆର୍ଥିକ ମାନଦଣ୍ଡଜୁ ସୁଦୃଢ କରୁଥିଲା। ଏବେ ଆଉ ସେ ଦିନ ନାହିଁ। ନଗର ପଂଚାୟତର କୈଳାଶ ବେହେରା କହିବାନୁଯାୟୀ ବିହନ, ସାର, ଔଷଧ ସମସ୍ତ ଖର୍ଚ୍ଚ ଯାଇ ଲାଭ ୨ ଗୁଣା ହେଉଥିଲା। ସରକାରୀ ପ୍ରୋତ୍ସାହନ ମଧ୍ୟ ମିଳୁଥିଲା। ଆମ ଅଞ୍ଚଳର ଉର୍ବର ମୁର୍ତ୍ତିକା ରେ ଚିନାବାଦାମ ଚାଷ ଲାଭ ହୋଇଥାଏ। ଏହି ଚାଷ ଆମର ଆର୍ଥିକ ମାନଦଣ୍ଡକୁ ସୁଦୃଢ କରୁଥିବା ବେଳେ ୫ରୁ ୭ବର୍ଷ ହେବ ଚାଷୀ ଏହି ଚାଷରୁ ମୁହଁ ଫେରାଇବା ଆରମ୍ଭ କରିଛି। ଅନ୍ୟ ପଟେ କୃଷି ବିଭାଗ ପକ୍ଷରୁ ଏହି ଚାଷ ପ୍ରତି କୌଣସି ପ୍ରଶିକ୍ଷଣ ଓ ପ୍ରୋତ୍ସାହନ ମିଳୁନାହିଁ ବୋଲି ଚାଷୀ ଧ୍ରୁବ ସାହୁ କହିଛନ୍ତି। ଏହା ଶହ ଅନେକ ଚାଷୀ କହିବା ଅନୁଯାୟୀ ପୂର୍ବରୁ ଯେମିତି ଲାଭ ରହୁଥିଲା ଚିନାବାଦାମ ଚାଷ ରେ ବର୍ତମାନ ଏହି ଚାଷ ପାଈଁ ସେପରି କୌଣସି ପ୍ରୋତ୍ସାହନ ମିଳୁନାହିଁ। ମୁର୍ତ୍ତିକା ଉର୍ବରତା କମିଯିବାରୁ ଚାଷୀ କ୍ଷତି ସହିବା ଆରମ୍ଭ କଲା।ଏ ନେଇ ଅସ୍ତରଙ୍ଗ  ବ୍ଲକ କୃଷି ଅଧିକାରିଣୀ ବି. ଅର୍ପିତା କହିଛନ୍ତି ଓସିଆଁ, ନଈଗୁଆଁ, ଖଣ୍ଡାସାହି ଗ୍ରାମ ଲୋକ ଚିନବାଦାମ ଚାଷ କରୁଥିଲେ କିନ୍ତୁ ବାରମ୍ବାର ରୋଗ ପୋକ ହେବାରୁ ଅର୍ଥ କାରୀ ଫସଲ ବନ୍ଦ କରି ଅନ୍ୟ ଫସଲ ପ୍ରତି ମନବଳାଇଲେ। ସୁଦିକେଶର, ସହନ, ବଳଭଦ୍ରପୁର ଗ୍ରାମମାନଙ୍କ ରେ ଜଙ୍ଗଲୀ ଜନ୍ତୁ ନଷ୍ଟ କରିଦେଉଥିବାରୁ ଚାଷୀ ଚିନାବାଦାମ ଚାଷ ବନ୍ଦ କରିଦେଇଛନ୍ତି ଅନ୍ୟ ପଟେ କଣ୍ଟାକ୍ଟ ଫାଂର୍ମିଙ୍ଗି ସମସ୍ୟା ଯୋଗୁଁ ଅନେକ ଚାଷୀ ଚିନାବାଦାମ ଚାଷ କରୁନାହାନ୍ତି। ଆଗାମୀ ଦିନରେ ଆଶା କରାଯାଉଛି ଅସ୍ତରଙ୍ଗ ଅଞ୍ଚଳରେ ଚାଷୀ ମାନଙ୍କୁ ବୁଝାଇ ବିହନ ଯୋଗାଇ ପୁନର୍ବାର ଅର୍ଥକାରୀ ଚିନବାଦାମ ଫସଲ ଆରମ୍ଭ କରିବା ପାଈଁ।