କମ୍ୟୁନିଟି ସପୋର୍ଟ ଷ୍ଟାଫ୍ଙ୍କ ଆସିକା ବ୍ଳକ କାର୍ଯ୍ୟାଳୟ ସମ୍ମୁଖରେ ଧାରଣା
ଆସିକା (ୱାଇଏନ୍ଏସ୍) : ରାଜ୍ୟ ସଂଘର ଆହ୍ୱାନକ୍ରମେ ଆସିକା ବ୍ଳକର ବିଭିନ୍ନ ପଞ୍ଚାୟତରେ ନିଷ୍ଠା ଓ ଦକ୍ଷତାର ସହ କାର୍ଯ୍ୟ କରିଆସୁଥିବା କମ୍ୟୁନିଟି ସପୋର୍ଟ ଷ୍ଟାଫ୍ (ଗୋଷ୍ଠୀ ସହାୟିକା) ମାନେ ସେମାନଙ୍କର ଦୀର୍ଘ ଦିନର ନ୍ୟାୟୋଚିତ ଦାବୀ ପୂରଣ ଲାଗି ଆସିକା ବ୍ଳକ କାର୍ଯ୍ୟାଳୟ ସମ୍ମୁଖରେ ଗତ ସୋମବାର ଠାରୁ ଆରମ୍ଭ କରିଥିବା ଧାରଣା ବୁଧବାର ତୃତୀୟ ଦିନରେ ପହଂଚିଥିବା ଜଣାପଡିଛି । ଓଡିଶା ଜୀବିକା ମିଶିନ୍ ଓ ମିଶନ୍ ଶକ୍ତି ବିଭାଗ ଅଧୀନରେ କାର୍ଯ୍ୟରତ ଥିବା ଏମ୍ବିକେ, ସିଆର୍ପି, ବ୍ୟାଙ୍କମିତ୍ର ମାନେ ମହିଳାମାନଙ୍କୁ ସ୍ୱାବଲମ୍ବୀ ଓ ସଶକ୍ତ କରିବା ଲକ୍ଷ୍ୟରେ ନିଜର ପ୍ରୟାସ ଜାରି ରଖିଥିଲା ବେଳେ ସେମାନଙ୍କର ଦୀର୍ଘ ଦିନର ନ୍ୟାୟୋଚିତ ଦାବୀ ପୂରଣ ଲାଗି ଶାନ୍ତିପୂର୍ଣ୍ଣ ଭାବେ ଆନ୍ଦୋଳନକୁ ଓହ୍ଲାଇଥିବା ଜଣାପଡିଛି । ବକେୟା ଥିବା ୬ ମାସର ପାରିଶ୍ରମିକ ପ୍ରଦାନ, ସ୍ଥାୟୀ ଦରମା ପ୍ରଦାନ, ସ୍ଥାୟୀ ନିଯୁକ୍ତି ପ୍ରଦାନ, ମାସିକ ପାରିଶ୍ରମିକ ଆକାଉଣ୍ଟ ମାଧ୍ୟମରେ ପ୍ରଦାନ, ପରଫରମାନ୍ସ ଇନସେଣ୍ଟିଭ୍ ପରିବର୍ତ୍ତେ ସ୍ଥାୟୀ ପାରିଶ୍ରମିକ ପ୍ରଦାନ, କାର୍ଯ୍ୟ ଅନୁଯାୟୀ ବର୍ଦ୍ଧିତ ପାରିଶ୍ରମିକ ପ୍ରଦାନ ସମେତ ଅନ୍ୟାନ୍ୟ କେତେକ ଦାବୀ ପୂରଣ ଲାଗି ଏହି ଧାରଣା ଅବ୍ୟାହତ ରହିଥିବା ଜଣାପଡିଛି । ରାଜ୍ୟ ସରକାର ତଥା ବିଭାଗୀୟ ଉଚ୍ଚ କର୍ତ୍ତୃପକ୍ଷ ତୁରନ୍ତ ଧ୍ୟାନ ଦେଇ କମ୍ୟୁନିଟି ସପୋର୍ଟ ଷ୍ଟାଫ୍ଙ୍କ ବାସ୍ତବ ସମସ୍ୟାକୁ ହୃଦୟଙ୍ଗମ କରି ଦାବୀପୂରଣ ଦିଗରେ ପଦକ୍ଷେପ ନେବାକୁ ସଂଘର ସଦସ୍ୟା ମୀରାବାଈ ସିୟ, ପି.ପ୍ରଭାସିନି ପାତ୍ର, ସୁଷମା ପ୍ରଧାନ, ସନ୍ତୋଷିନୀ ବିଷୋୟୀ, ଅମୀୟବାଳା ମଲିକ, ଭାରତୀ ନାହାକ, ସନ୍ତୋଷିନୀ ବାରିକ, ଆନିମା ବିଷୋୟୀ, ଲକ୍ଷ୍ମୀ ମୁନୀ, ଜିନିତା ଗୌଡ, ପୂଜାଲତା ସ୍ୱାଇଁ, ସ୍ୱପ୍ନା ରାଉତ, ଦମୟନ୍ତୀ ପ୍ରଧାନ, ସାବିତ୍ରୀ ସ୍ୱାଇଁ, ଭାଗ୍ୟଲତା ମିଶ୍ର, ସରସ୍ୱତୀ ଦୋରା, ଗିରିଜା ସ୍ୱାଇଁ, ସୁପ୍ରଭା ନାହାକ, ବିରାଣୀ ପାତ୍ର ପ୍ରମୁଖ ଅନୁରୋଧ କରିଥିବା ଜଣାପଡିଛି ।
