ଡଅଁର ସାଇ ସେବା ସମିତି ପକ୍ଷରୁ ୧୪ହଜାର ଲଡ଼ୁ ବଣ୍ଟନ

ହାଟଡିହି (ଓ୍ବାଇଏନଏସ): ପ୍ରଭୁ ସତ୍ୟସାଇଙ୍କ ଜନ୍ମ ଶତବାର୍ଷିକ ଉପଲକ୍ଷେ ଡଅଁର ସାଇ ସେବା ସମିତି ପକ୍ଷରୁ ୪୦ରୁ ଉର୍ଦ୍ଧ୍ଵ ଗ୍ରାମରେ ୧୪ହଜାର  ଲଡ଼ୁ ଓ ବିଭୁତି ପ୍ୟାକେଟ ବଣ୍ଟନ କରା ଯାଇଛି। ଡଅଁର ସାଇ ସେବା ସମିତି ପକ୍ଷରୁ ଏପରି ଅଭିନବ ପ୍ରୟାସ କରାଯାଇ ସମିତିର କର୍ମକର୍ତ୍ତା ମାନେ ଗତ କିଛିଦିନ ଧରି ଲଡ଼ୁ ପ୍ରସ୍ତୁତ କରିବା ପରେ ଆଜି ଗାଁ ଗାଁ ବୁଲି ପ୍ରତ୍ୟେକ ପରିବାରକୁ ଲଡ଼ୁ ପ୍ୟାକେଟ, ବିଭୁତି ପ୍ୟାକେଟ ଓ ପ୍ରଭୁଙ୍କ ଫଟୋଚିତ୍ର ଥିବା କ୍ୟାଲେଣ୍ଡର ବଣ୍ଟନ କରିଛନ୍ତି। ଜିଲ୍ଲା ସଭାପତି ବିଷ୍ଣୁ ପ୍ରସାଦ ଜେନା, ଆବାହକ ଅଜୟ ରାଉଳ, ସେବା ସଂଯୋଜକ ଚିନ୍ତାମଣି ଜେନା, ପୂର୍ବତନ ଆବାହକ ଗୋପାଳ ଚନ୍ଦ୍ର ବେହେରା, ଗଜେନ୍ଦ୍ର ସେଠୀ, ଜିତେନ୍ଦ୍ର କୁମାର ଜେନା, ଆଶିଷ କୁମାର ପହି, ବଟକୃଷ୍ଣ ଜେନା, ବିପିନି ବିହାରୀ ଜେନା, ପୀତବାସ ପାଗଳ, ମିନତୀ ଜେନା, ମିନାକ୍ଷୀ ଜେନା, କଳ୍ପନା ପାଗଳ, ଅନନ୍ୟା ଜେନା, ମନୋରମା ଜେନା, କବିତା ସେଠୀ, ବିଭୁତି ଭୂଷଣ ବେହେରା, ସାଇ ବିନୋଦିନୀ ବେହେରାଙ୍କ ସହଯୋଗରେ ଏହି ଲଡୁ ପ୍ରସ୍ତୁତ କରାଯାଇ ଆଜି ଆଖପାଖ ଅଞ୍ଚଳର ୪୦ ଗ୍ରାମରେ ବଣ୍ଟନ କରାଯାଇଛି। ଡଅଁର ସାଇ ସେବା ସମିତିର ସମସ୍ତ ଭଜନ ମଣ୍ଡଳୀ ଓ ସମସ୍ତ ଭଜନ କେନ୍ଦ୍ରର ସହଯୋଗରେ ଏହି କାର୍ଯ୍ୟକ୍ରମ କରା ଯାଉଛି।