ଆନ୍ତଃରାଜ୍ୟ ପ୍ରତିଯୋଗିତାରେ ଦିବ୍ୟଜ୍ୟୋତି ସ୍କୁଲ ଚାମ୍ପିୟନ

ବେତନଟୀ ( ଉଦିତ କୁମାର ପରିଡା ) : ମୟୂରଭଞ୍ଜ ଜିଲ୍ଲା ବେତନଟୀ ବ୍ଲକ ଆଗ୍ରିଆ ଅନ୍ତର୍ଗତ ସର୍ବଣାଠାରେ ପ୍ରତିଷ୍ଠିତ ଶିକ୍ଷା ଅନୁଷ୍ଠାନ ଦିବ୍ୟଜ୍ୟୋତି ହାୟାର ସେକେଣ୍ଡରୀ ସ୍କୁଲର ଛାତ୍ରୀମାନେ ଆନ୍ତରାଜ୍ୟ ୧୪ ବର୍ଷରୁ କମ ଖୋ ଖୋ ପ୍ରତିଯୋଗିତାରେ ଚମ୍ପିୟାନ ହୋଇଛନ୍ତି। ଆନ୍ତରାଜ୍ୟ ଟୁର୍ନାମେଣ୍ଟଟି ବାଲେଶ୍ୱରର ଏକ ଘରୋଇ କଲେଜରେ ଅନୁଷ୍ଠିତ ହୋଇଥିବା ବେଳେ, ଏହି ଟିମ ଫାଇନାଲରେ ପ୍ରବେଶ କରି ଏସ ଇ ସି ରେଲୱେ ହାୟାର ସେକେଣ୍ଡରୀ ସ୍କୁଲ ବିଳାସପୁର ଛତିଶଗଡକୁ ୪ ପଏଣ୍ଟ ହରାଇ ଚମ୍ପିୟାନ ହେବାର ସୌଭାଗ୍ୟ ଅର୍ଜନ କରିଛନ୍ତି । ଏହି ଚମ୍ପିୟାନ ଦ୍ୱାରା ଆସନ୍ତା ସେପ୍ଟେମ୍ବର ମାସ ୨୩ରେ ଅନୁଷ୍ଠିତ ହେବାକୁ ଥିବା ସିବିଏସଇ ବୋର୍ଡର ଅନ୍ତର୍ଜାତୀୟ ସ୍ତରରେ ଖେଳିବାର ସୁଯୋଗ ପାଇଛନ୍ତି। ଦିବ୍ୟ ଜ୍ୟୋତି ସ୍କୁଲ  ତଥା ସମଗ୍ର ରାଜ୍ୟ ପାଇଁ  ଗୌରବ କେତନ ଉଡାଇ ଥିବା ବିଜୟୀ ଦଳକୁ ସ୍କୁଲର ଅଧ୍ୟକ୍ଷା ଶିଷ୍ଟର ଶ୍ୟାନି. ଭି. ଜୋସେଫ, ସ୍କୁଲ ମ୍ୟାନେଜମେଣ୍ଟ କମିଟି,  ଶିକ୍ଷକ ଶିକ୍ଷୟତ୍ରୀ ଓ ଅବିଭାବକ  ସମସ୍ତ ପ୍ରତିଯୋଗୀଙ୍କ ଉଜ୍ଜଳ ଭବିଷ୍ୟତ କାମନା କରିବା ସହିତ ସମ୍ବର୍ଦ୍ଧିତ କରିଛନ୍ତି  ଏବଂ ଅନ୍ତର୍ଜାତୀୟ ସ୍ତରରେ ମଧ୍ୟ ଏଭଳି ସଫଳତା ଆଣି ପାରିବେ ବୋଲି ଆଶା ପୋଷଣ କରିଛନ୍ତି । ଏହି ପ୍ରତିଯୋଗିତା ପାଇଁ ସ୍କୁଲର ତିନି ଜଣ ଶିକ୍ଷକ ଵିଷ୍ଣୁ ପ୍ରସାଦ ମହାନ୍ତ, ସୋନୁ ଜୋସେଫ ଓ ଲାଖିଆ କିସ୍କୁ ନିୟୋଜିତ ହୋଇଥିଲେ । ଏଠାରେ ସୂଚନା ଯୋଗ୍ୟ ଯେ ବାଲେଶ୍ବର ଜିଲ୍ଲାର ଝାଡ଼େଶ୍ୱର ଇଣ୍ଟେରନେଶନାଲ ସ୍କୁଲରେ ଅନୁଷ୍ଠିତ ପ୍ରତିଯୋଗିତାରେ ଓଡିଶା, ଛତିଶଗଡ ଓ ପଶ୍ଚିମବଙ୍ଗର ମୋଟ ୬୬ ସିବିଏସଇ ବିଦ୍ୟାଳୟର ଛାତ୍ରଛାତ୍ରୀମାନେ ବିଭିନ୍ନ ଵର୍ଗରେ ଅଂଶଗ୍ରହଣ କରିଥିଲେ। ଏହି ପ୍ରତିଯୋଗିତା ତିନି ଦିନ ଧରି ଅଗଷ୍ଟ ୭ରୁ ଆରମ୍ଭ ହୋଇ ଅଗଷ୍ଟ ୯ରେ ଉଦଯାପନ ହୋଇଥିଲା।

Spread the love

Leave a Reply

Your email address will not be published. Required fields are marked *

Advertisement

ଏବେ ଏବେ