ନୂଆ ରମ୍ପାସ ପାଇଁ ଗୌରବ ଆଣିଲେ ଡ଼ଃ ଅଜିତ

ହାଟଡିହି, (ଓ୍ବାଇଏନଏସ): ହାଟଡିହି ବ୍ଲକ ଅନ୍ତର୍ଗତ ବଡରମ୍ପାସ ଗ୍ରାମ ପଞ୍ଚାୟତ ଅଧୀନ ନୂଆରମ୍ପାସ ଗ୍ରାମର ସମାଜସେବୀ ଡ଼ଃ ଅଜିତ କୁମାର ସେନାପତିଙ୍କୁ ମହାରାଷ୍ଟ୍ରର ନାଭି ମୁମ୍ବାଇ ଠାରେ ଥିବା ଅର୍ନ୍ତଜାତୀୟ ବିଶ୍ଵବିଦ୍ୟାଳୟ କେନେଡି ଦ୍ଵାରା ଅନୁଷ୍ଠିତ ମହା ସମାବର୍ତ୍ତନ ଉତ୍ସବରେ  ସାମାଜିକ କର୍ଯ୍ୟର ଦର୍ଶନ  କ୍ଷେତ୍ରରେ ଡକ୍ଟରେଟ୍ ଡିଗ୍ରୀ ପୁରସ୍କାରରେ ସମ୍ମାନିତ କରାଯାଇଛି। ୨୦୨୩ ମସିହାରେ ଉତ୍କଳ ପ୍ରତିଭା ରତ୍ନ ସମ୍ମାନ ଓ ବିଲ୍ଡ ଭାରତ ଲିଡରସିପ୍ ଆୱାର୍ଡ଼ ପାଇବା ସହିତ ୨୦୨୫ ମସିହାରେ ଶ୍ରୀକ୍ଷେତ୍ର ପ୍ରତିଭା ସମ୍ମାନରେ ସମ୍ମାନିତ ହୋଇଥିଲେ । ଶ୍ରୀ ସେନାପତି କରୋନା  ମହାମାରୀ ସମୟରେ ହାଇଦ୍ରାବାଦରେ ରହି ବିଭିନ୍ନ ପ୍ରବାସୀ ଓଡ଼ିଆଙ୍କୁ ସାହାଯ୍ୟ  କରିବା   ସହ ପଚିଶିବର୍ଷ ଧରି ହାଇଦ୍ରାବାଦ ଠାରେ  ନିଜର ସାମାଜିକ ଅନୁଷ୍ଠାନ ‘ଅତିଥି ସାହାୟୋଗ ସମିତି’ ଟ୍ରଷ୍ଟର ଅଧ୍ୟକ୍ଷ ଭାବରେ ସେବାକାର୍ଯ୍ୟ କରିବା ସହ  ରାଜନୀତିକ କାର୍ଯ୍ୟରେ ଲିପ୍ତ ଅଛନ୍ତି। ତାଙ୍କର ଏହି ସଫଳତାରେ ଅନେକ ଶୁଭେଛୁ ଓ  ଶତାଧିକ ଗ୍ରାମବାସୀ ତାଙ୍କୁ ଶୁଭେଛା ଓ ଅଭିନନ୍ଦନ ଜଣାଇଛନ୍ତି ।