ମାତିଛନ୍ତି ନକଲି ସାମ୍ବାଦିକ :ପରିଚୟ ପତ୍ର ଯାଞ୍ଚ ପାଇଁ ସବୁ ମହଲରେ ଦାବୀ

କାକଟପୁର /ଅସ୍ତରଙ୍ଗ :(ଶୁଭାଶିଷ ଖଣ୍ଡୁଆଳ ):-ପୁରୀ ଜିଲ୍ଲା ଅସ୍ତରଙ୍ଗ ଓ କାକଟପୁର ବ୍ଲକରେ ମାତିଛନ୍ତି ମାଳ ମାଳ ନକଲି ସାମ୍ବାଦିକ। ସେମାନେ ନିଜକୁ ବିଭିନ୍ନ ଗଣ ମାଧ୍ୟ୍ୟମର ପ୍ରତିନିଧି କହି ନିଜ ବାଇକି ରେ ପ୍ରେସ ଲେଖିବା ସହ ବିଭିନ୍ନ ସରକାରୀ କର୍ମଚାରୀ ଓ ଅଧିକାରୀଙ୍କୁ ଧମକାଇବା ସହ ବିଭିନ୍ନ ଆଳ ଦେଖାଇ ଟଙ୍କା ମାଗୁଛନ୍ତି। ସ୍ଥିତି ଏମିତି ହେଲାଣି ଯେ, ଏହି ନକଲି ସାମ୍ବାଦିକ ମାନଙ୍କ ପାଇଁ ବହୁ ପ୍ରତିଷ୍ଠିତ, ଶିକ୍ଷିତ ଗଣ ମାଧ୍ୟ୍ୟମ ପ୍ରତିନିଧି ମାନେ ଅଯଥା ହଇରାଣ ହେଉଛନ୍ତି। କୌଣସି ତଥ୍ୟ ପାଇଁ ସରକାରୀ ଅଧିକାରୀ ମାନଙ୍କୁ ଫୋନ କଲେ ସେମାନେ ଫୋନ ଉଠାଇବାକୁ କିମ୍ବା କଥା ହେବାକୁ ଅମଙ୍ଗ ହେଉଛନ୍ତି। ଏହା ସହ ଅସ୍ତରଙ୍ଗ ଥାନା, ତହସିଲ ଓ ବ୍ଲକ ଅଂଚଳରେ କିଛି ନକଲି ସାମ୍ବାଦିକ ନାମରେ ଗାଡି ରେ ପ୍ରେସ ମାରି ବୁଲିବା ସହିତ ଥାନାରେ ସରିପୁର ପଂଚାୟତର ଜଣେ ନକଲି ସାମ୍ବାଦିକ ଲୋକଙ୍କ ସମସ୍ୟା ସମାଧାନ କରିବାକୁ ଆସି ସାଧାରଣ ଜନତା ଙ୍କୁ ଲୁଟୁଥିବା ଚର୍ଚ୍ଚା ହେଉଛି। ଏହାକୁ ନେଇ ସାମ୍ବାଦିକ ମହଲରେ ତୀବ୍ର ପ୍ରତିକ୍ରିୟା ପ୍ରକାଶ ପାଇଛି। ଏ ସମ୍ପର୍କରେ ବରିଷ୍ଠ ସାମ୍ବାଦିକ ବିଜୟ ବେହେରା କହିବା କଥା, କିଛି ନକଲି ସାମ୍ବାଦିକଙ୍କ ପାଇଁ ସଚୋଟ ଗଣମାଧ୍ୟ୍ୟମ ପ୍ରତିନିଧି ବଦନାମ ହେଉଛନ୍ତି। ତେଣୁ ସୂଚନା ଓ ଲୋକ ସମ୍ପର୍କ ବିଭାଗ ପକ୍ଷରୁ ଗଣ ମାଧ୍ୟ୍ୟମ ପ୍ରତିନିଧିଙ୍କ ତଥ୍ୟ ଯାଞ୍ଚ ପାଇଁ ସେ ଦାବୀ କରିଛନ୍ତି।