ପତ୍ରିପାଳ ପଞ୍ଚାୟତରେ ବିଭିନ୍ନ ଲୋକାଭିମୁଖୀ ପ୍ରକଳ୍ପର ଶୁଭ ଶିଳାନ୍ୟାସ

ବାଲେଶ୍ବର(ସରୋଜ ପଣ୍ଡା): ସରକାରୀ ଉପମୁଖ୍ୟ ସଚେତକ ତଥା ବିଧାୟକ ରେମୁଣା ଗୋବିନ୍ଦ ଚନ୍ଦ୍ର ଦାସଙ୍କ କରକମଳରେ ପତ୍ରିପାଳ ପଞ୍ଚାୟତରେ ବିଭିନ୍ନ ଲୋକାଭିମୁଖୀ ପ୍ରକଳ୍ପର ଶୁଭ ଭିତ୍ତିପ୍ରସ୍ତର ସ୍ଥାପନ କରାଯାଇଥିଲା। ସର୍ବପ୍ରଥମେ ବିକଶିତ ଗାଁ ବିକଶିତ ଓଡିଶା ଅନ୍ତର୍ଗତ ଚାରି ଲକ୍ଷ ଟଙ୍କାରେ ନିର୍ମିତ ଗୋକୁଳ ଚନ୍ଦ୍ର ଘର ଠାରୁ ହରିଶ ଚନ୍ଦ୍ର ଘର ପର୍ଯ୍ୟନ୍ତ ପକ୍କା ରାସ୍ତା ଓ ଡ୍ରେନ ପ୍ରକଳ୍ପର ଶୁଭ ଉଦଘାଟନ ଓ ଅନ୍ଧାରୀ ମଙ୍ଗଳା ଭୋଗ ମଣ୍ଡପ ନିର୍ମାଣ ନିମନ୍ତେ ପ୍ରଦତ୍ତ ଆଠ ଲକ୍ଷ ଟଙ୍କା ପ୍ରକଳ୍ପର ଶୁଭ ଭିତ୍ତିପ୍ରସ୍ତର ସ୍ଥାପନ, ମୁଖ୍ୟମନ୍ତ୍ରୀ ସ୍ଵତନ୍ତ୍ର ସହାୟତା ପାଣ୍ଠିରୁ କନକଦୁର୍ଗା ମନ୍ଦିର ଉନ୍ନତିକରଣ ନିମନ୍ତେ ପ୍ରଦତ୍ତ ଦଶ ଲକ୍ଷ ଟଙ୍କା ଓ ଭୀମେଶ୍ୱର ହନୁମାନ ମନ୍ଦିର ଉନ୍ନତିକରଣ ନିମନ୍ତେ ପ୍ରଦତ୍ତ ପାଞ୍ଚ ଲକ୍ଷ ଟଙ୍କା ପ୍ରକଳ୍ପର ଶୁଭ ଭିତ୍ତିପ୍ରସ୍ତର ସ୍ଥାପନା, ବିଧାୟକ ଉନ୍ନୟନ ପାଣ୍ଠିରୁ ମା” ମଙ୍ଗଳା ଯୁବକ ସଂଘ ଉନ୍ନତିକରଣ ନିମନ୍ତେ ପ୍ରଦତ୍ତ ଦୁଇ ଲକ୍ଷ ପଚାଶ ହଜାର ଟଙ୍କା ପ୍ରକଳ୍ପର ଶୁଭ ଭିତ୍ତପ୍ରସ୍ତର ସ୍ଥାପନ, ପର୍ଯ୍ୟଟନ ବିଭାଗ ତରଫରୁ ଭୀମେଶ୍ୱର ପାର୍କ, ପାଣି ସପ୍ଲାଏ, ପାର୍କିଂ ଇତ୍ୟାଦି ନିମନ୍ତେ ପ୍ରଦତ୍ତ ଦଶ ଲକ୍ଷ ଟଙ୍କା ପ୍ରକଳ୍ପର ଶୁଭ ଭିତ୍ତିପ୍ରସ୍ତର ସ୍ଥାପନ କରାଯାଇଥିଲା। ଏହି ସମସ୍ତ ପ୍ରକଳ୍ପ କାର୍ଯ୍ୟକାରୀ ହେଲେ ସ୍ଥାନୀୟ ଅଞ୍ଚଳବାସୀଙ୍କ ବହୁଦିନରୁ ଆଶା ପୁରଣ ହେବ।  ଏହି ଅବସରରେ ସ୍ଥାନୀୟ ଗ୍ରାମବାସୀଙ୍କ ସମେତ ରେମୁଣା ସାଂସଦ ପ୍ରତିନିଧି ଉମାକାନ୍ତ ପଣ୍ଡା, ମହେଶ୍ୱର ପ୍ରଧାନ, ବିଧାୟକ ପ୍ରତିନିଧି କାର୍ତ୍ତିକ ଚନ୍ଦ୍ର ଗିରି, ଗିରିଧାରୀ ଦାସ, ପୂର୍ବତନ ରେମୁଣା ବ୍ଲକ ଅଧ୍ୟକ୍ଷ ସୁଶାନ୍ତ ପଟ୍ଟନାୟକ, ଦେବେନ୍ଦ୍ର ମଣ୍ଡଳ, ଚିତ ବେହେରା, ଅବଦୁଲ ୱାହିଦ, ତ୍ରିଲୋଚନ ପ୍ରଧାନ, ଜୟକୃଷ୍ଣ ସାହୁ, ଜଗନ୍ନାଥ ଦାସ, ଜୟକୃଷ୍ଣ ଜେନା, ଅମୂଲ୍ୟ କୁମାର ଦାସ, ସୁକାନ୍ତ ଗୁଛାୟତ, ଅତୁଲ କୁମାର ଦାସ, ରମେଶ ଚନ୍ଦ୍ର ସାମଲ ପ୍ରମୁଖ ଉପସ୍ଥିତ ଥିଲେ।