ଢେଙ୍କାରୁ ବିପୁଳ ପରିମାଣର ବିଦେଶୀ ମଦ ଜବଦ, ଅଭିଯୁକ୍ତ ଫେରାର

ହାଟଡିହି (ଓ୍ବାଇଏନଏସ) : କେନ୍ଦୁଝର ଜିଲ୍ଲା ଅବକାରୀ ମୋବାଇଲ୍ ସ୍କ୍ୱାର୍ଡ଼ ପକ୍ଷରୁ  ହାଟଡିହି ବ୍ଲକ ସୋ ସୋ ଥାନା ଅଧିନସ୍ଥ ଢେଙ୍କାରେ ଚଢ଼ାଉ କରାଯାଇ ୧୩୭ ଲିଟର ବିଦେଶୀ ମଦ ଜବତ କରିଛି।  ଚଢ଼ାଉ ସମ୍ପର୍କରେ ପୂର୍ବରୁ ସୂଚନା ପାଇ ଅଭିଯୁକ୍ତ ଫେରାର୍ ହେବାରେ ସକ୍ଷମ ହୋଇଛି। ବେଆଇନ ମଦ କାରବାର ଉପରେ ଏକ ବଡ଼ କାର୍ଯ୍ୟାନୁଷ୍ଠାନ ସ୍ୱରୂପ, କେନ୍ଦୁଝର ଅବକାରୀ ବିଭାଗକୁ ଏହି ସଫଳତା ମିଳିଛି। ମଙ୍ଗଳବାର ସନ୍ଧ୍ୟାରେ ହାଟଡିହି ବ୍ଲକ ଢେଙ୍କା ଗ୍ରାମର ଏକ ଘରୁ ୧୩୭ ଲିଟର ବିଦେଶୀ ମଦ ଜବତ କରିଛି । ବେଆଇନ ମଦ ବିକ୍ରୟ କରୁଥିବା ବିଶେଷ ସୂତ୍ରରୁ ଖବର ପାଇ ଅବକାରୀ ମୋବାଇଲ୍ ସ୍କ୍ୱାର୍ଡ଼ ଢେଙ୍କା ଗ୍ରାମର ପ୍ରଭାକର ମହାନ୍ତି ଙ୍କ ଘରେ ଚଢାଉ କରିଥିଲା। ଚଢ଼ାଉ ଖବର ପାଇ, ଅଭିଯୁକ୍ତ ଘଟଣାସ୍ଥଳରୁ ଖସି ପଳାଇ ଯାଇଥିବା ବେଳେ ଘର ଭିତରେ ବିକ୍ରୀ ଉଦେଶ୍ୟରେ ଥିବା ବିପୁଳ ବିଦେଶୀ ମଦକୁ ଜବଦ କରିଥିଲା।  ଏହି ଚଢ଼ାଉରେ ବିଭିନ୍ନ ବ୍ରାଣ୍ଡର ୯୪ ଲିଟର ବିଦେଶୀ ମଦ ଏବଂ ୪୩ ଲିଟର ବିୟର୍ ଜବତ କରାଯାଇଥିଲା । ଯାହାର ପରିମାଣ ସର୍ବମୋଟ ୧୩୭ ଲିଟର ଥିଲା ।  ଏନେଇ ଏକ ମାମଲା ପଞ୍ଜିକୃତ କରାଯାଇ ଫେରାର ଅଭିଯୁକ୍ତକୁ ଧରିବା ପାଇଁ ପ୍ରୟାସ ଜାରି ରହିଥିବା କହିଛନ୍ତି ଅବକାରୀ ମୋବାଇଲ୍ ସ୍କ୍ୱାର୍ଡ଼ଅଧିକାରୀ ରୋହିତ ନାୟକ । ଏଠାରେ ସୂଚନାଯୋଗ୍ୟ ଯେ ଗତ ଅକ୍ଟୋବର ମାସ ରେ ସୋ ସୋ ପୋଲିସ ଉକ୍ତ ବ୍ୟକ୍ତିଙ୍କ ଘରେ ଚଢ଼ାଉ କରି୧୪୪ ଲିଟର ବିଦେଶୀ ମଦ ଜବଦ କରିବା ସହିତ ପ୍ରଭାକରକୁ ଗିରଫ କରିଥିଲା। ସ୍ଥାନୀୟ ଲୋକଙ୍କ ସୂଚନା ଅନୁଯାଇ ଜବଦ ହୋଇଥିବା ମଦ ସମୁଦ୍ରକୁ ଶଙ୍ଖେ ସଦୃଶ। ତାଙ୍କ ଘରେ ବହୁ ପରିମାଣର ବିଦେଶୀ ମଦ ଗଛିତ ରଖାଯାଇଥାଏ। ବିଭାଗ କିପରି ଏତେ କମ ପରିମାଣର ମଦ ଜବଦ କଲା ତାକୁ ନେଇ ଲୋକେ ସନ୍ଦେହ ପ୍ରକାଶ କରିଛନ୍ତି। ଏହି ବ୍ୟକ୍ତିଙ୍କ ଘରକୁ ହାଟଡିହି ଅବକାରୀ ବିଭାଗ ଚଢ଼ାଉ ପାଇଁ ଯିବାବେଳେ ମଦ ବେପାରୀ ଜଣକ ଚତୁରତାର ସହିତ ପୋଷା କୁଜୁରକୁ ଫିଟାଇ ଦେଇଥାଏ। ଯାହା ଦ୍ୱାରା ଅବକାରୀ ବିଭାଗ ଘରେ ପସି ନପାରି ଫେରି ଆସିବାକୁ ବାଧ୍ୟ ହୋଇଥାଏ।