କଲ୍ୟାଣସିଂହପୁର ରେଞ୍ଜର ଦୁର୍ଘଟଣାରେ ମୃତ, ସ୍ତ୍ରୀ ଓ ଶିଶୁପୁତ୍ର ଆହତ

କଲ୍ୟାଣସିଂହପୁର(ଏଙ୍କେଟେଶ୍ୱର ପାଢ଼ୀ ): ରାୟଗଡା ଜିଲ୍ଲାର କଲ୍ୟାଣସିଂହପୁର ରେଞ୍ଜର ଚନ୍ଦନ ଗମାଙ୍ଗ ଗୁରୁତର ଆହତ ହୋଇଥିବା ଜଣା ପଡିଛି। ଆଜି ରାୟଗଡା ଠାରୁ ନିଜ ଗାଡ଼ିରେ ପରିବାର ସହ କଲ୍ୟାଣସିଂହପୁର କାର୍ଯ୍ୟ ସ୍ଥଳୀକୁ ରାତ୍ର ପ୍ରାୟ ଆଠଟା ସମୟରେ ଫେରିବା ସମୟରେ କୋଲନର ବ୍ଲକ ଗାଡ଼ିସେସ ଖାଲ ପଞ୍ଚାୟତର ରାମପୁର ନିକଟରେ ଏକ ଗଛକୁ ପିଟିହୋଇ ଯାଇଥିବାରୁ ଗୁରୁତର ଭାବେ ଆହତ ହୋଇଥିଲେ। ନିଜ ଗାଡ଼ିରେ ନିଜେ ଚଲାଉଥିବା ବେଳେ ସ୍ତ୍ରୀ ଓ ଛୋଟ ଶିଶୁ ପୁତ୍ର ଥିବା ଜଣାପଡିଛି। ଗୁରୁତର ରେଞ୍ଜର ହୋଇଥିବା ବେଳେ ଶିଶୁ ପୁତ୍ର ଓ  ସ୍ତ୍ରୀ ସାମାନ୍ୟ ଆହତ ହୋଇଥିଲେ। ଖବର ପାଇଁ ଚାନ୍ଦିଲି ପୋଲିସ ଘଟଣା ସ୍ଥଳେ ପହଁଚି ଉଦ୍ଧାର କରି ରାୟଗଡା ଜିଲ୍ଲା ସ୍ୱାସ୍ଥ୍ୟ କେନ୍ଦ୍ରରେ ଭର୍ତ୍ତି କରାଯାଇ ଚିକିତ୍ସା କରା ଯାଉଥିବା ବେଳେ ଚିକିତ୍ସାଧୀନ ଅବସ୍ଥାରେ ତାଙ୍କର ମୃତ୍ୟୁ ଘୋଷଣା ଡାକ୍ତର କରିଥିଲେ। ଦୁର୍ଘଟଣାରେ ରେଞ୍ଜରଙ୍କ ମୁଣ୍ଡରେ ଗୁରତର ଭାବରେ ଆଘାତ ଲାଗିଥିବାରୁ ତାଙ୍କର ମୃତ୍ୟୁ ହୋଇଥିବା କୁହା ଯାଉଛି।ଦୁର୍ଘଟଣା  କେମିତି ହେଲା ତାହା ପୋଲିସ ତଦନ୍ତ କରୁଥିବା କରୁଥିବା ବେଳେ ଆଜି ତାଙ୍କ ଶବ ବ୍ୟବଚ୍ଛେଦ କରାଯାଇ ପରିବାରକୁ ହସ୍ତାନ୍ତର କରାଯିବ ବୋଲି ପୋଲିସ ସୂତ୍ରରୁ କୁହା ଯାଇଛି।ସେ ଜଣେ ସୁଵକ୍ତା ମିଷ୍ଟାଭାସୀ ମେଳାପୀ ରହିଥିବାରୁ ଅଞ୍ଚଳରେ ଶୋକର ଛାୟା ଖେଳି ଯାଇଛି।