କବିସୂର୍ଯ୍ୟ ହେଉଛନ୍ତି ବଡ଼ଖେମୁଣ୍ଡିିର : ଜନ୍ମସ୍ଥାନକୁ ନେଇ ଉଚିତ୍ ନୁହେଁ ବିବାଦ

ଦିଗପହଣ୍ଡି,(ଅଳକ ନାଥ ମିଶ୍ର): କବିସୂର୍ଯ୍ୟ ବଳଦେବ ରଥ ତତ୍କାଳୀନ ବଡ଼ଖେମୁଣ୍ଡିି ର ଯୋଗଜନ୍ମା ପୁରୁଷ। ସେ  ୧୭୮୯ ମାଘ ମାସ ଶ୍ରୀ ପଞ୍ଚମୀ ତିଥି ରେ ତତ୍କାଳୀନ ବଡ଼ଖେମୁଣ୍ଡିି ର ବିଜୟନଗର ଗଡ ରେ ଜନ୍ମ ଗ୍ରହଣ କରିଥିଲେ। ସେ ଜଣେ ଋତି ଯୁଗୀୟ ଓଡ଼ିଶା କବି ଓ ଓଡ଼ିଶୀ ସଙ୍ଗୀତଜ୍ଞ ଥିଲେ।  ତାଙ୍କ ଜନ୍ମସ୍ଥାନ ସମ୍ପର୍କରେ ଅଯଥା ଦ୍ବନ୍ଦ ସୃଷ୍ଟି କରୁଥିବା ବ୍ଯକ୍ତି ଏଥିରୁ କ୍ଷାନ୍ତ ରୁହନ୍ତୁ ବୋଲି ଦିଗପହଣ୍ଡି ସ୍ଥିତ କବିସୂର୍ଯ୍ୟ ସ୍ମୃତି ପରିଷଦ ପକ୍ଷରୁ ନିବେଦନ କରାଯାଇଛି।ସ୍ଥାନୀୟ ଏନଏସି କାର୍ଯ୍ୟାଳୟ ସଭାଗୃହ ରେ ରବିବାର ଅପରାହ୍ନ ୨ ଟାରେ ଆୟୋଜିତ ସାମ୍ୱାଦିକ ସମ୍ମିଳନୀରେ ଗବେଷକ ଡ଼.ଅନନ୍ତ ରାମ କର କୌଣ୍ଡନ୍ୟ, ଏନଏସି ଅଧ୍ୟକ୍ଷ ପ୍ରଫୁଲ୍ଲ ପଣ୍ଡା,ସ୍ମୃତିକମିଟି ସଭାପତି ଆଇନଜୀବି ଅଶେଷ ନାଥ ମିଶ୍ର,ସମ୍ପାଦକ ତଥା ବରିଷ୍ଠ ଆସି ଆଇନଜୀବି କୁରେଶୁ ପଣ୍ଡା, ଆଇନଜୀବି ହର ପ୍ରସାଦ ରଥ, ଶିକ୍ଷକ କାଳୁ ଚରଣ ପାଣିଗ୍ରାହୀ ଙ୍କ ସମେତ ବହୁ ଗଣ୍ୟମାନ୍ୟ ବ୍ୟକ୍ତି  ଉପସ୍ଥିତ ଥିଲେ। ୧୯୧୦ ରେ ରାଜ୍ୟ ସରକାରଙ୍କ ପକ୍ଷରୁ ପ୍ରକାଶିତ ପାଠ୍ୟ ପୁସ୍ତକ ସମେତ ଗଞ୍ଜାମ ଗେଜେଟିୟର, ୧୯୨୮ ରେ ପ୍ରଥମଥର ତତ୍କାଳୀନ ଖଲିକୋଟ ରାଜା ରାମଚନ୍ଦ୍ର ମର୍ଦ୍ଦରାଜ ଙ୍କ ଆର୍ଥିକ ଅନୁଦାନ ରେ ପ୍ରକାଶିତ କବିସୂର୍ଯ୍ୟ ଗ୍ରନ୍ଥାବଳୀ, ୧୯୪୭ ରେ କୁଳମଣି ଦାସ ଙ୍କ ଲିଖିତ କବିସୂର୍ଯ୍ୟ ଗ୍ରନ୍ଥାବଳୀ,ତ୍ରିନାଥ ପଟ୍ଟନାୟକ ଙ୍କ ରଚିତ କବିସୂର୍ଯ୍ୟ ଗ୍ରନ୍ଥାବଳୀ, ଡ଼. ବୃନ୍ଦାବନ ଚନ୍ଦ୍ର ଆଚାର୍ଯ୍ୟ,ପଠାଣି ପଟ୍ଟନାୟକ, ଡ଼. ବାଉରୀ ବନ୍ଧୁ କର  ଙ୍କ ଓଡ଼ିଆ ସାହିତ୍ୟର ଇତିହାସ ,୧୯୬୩ ରେ ଉତ୍କଳ ବିଶ୍ୱବିଦ୍ୟାଳୟ ପକ୍ଷରୁ ପ୍ରକାଶିତ ଓଡ଼ିଆ ଜ୍ଞାନକୋଷ,ରାଜ୍ୟ ଉଚ୍ଚ ଶିକ୍ଷା ସାଧନ କେନ୍ଦ୍ର ଓଡ଼ିଶା ପକ୍ଷରୁ ପ୍ରକାଶିତ କବିସୂର୍ଯ୍ୟ ବଳଦେବ ରଥ ପୁସ୍ତକ ଏବଂ  ସ୍ବର୍ଗତ ଗୋପାଳ ପ୍ରହରାଜ ଙ୍କ ପୂର୍ଣ୍ଣଚନ୍ଦ୍ର ଭାଷାକୋଷ ଭଳି ୪୯ ଖଣ୍ଡ ପୁସ୍ତକ ରେ ଗୁଡିକରେ କବିସୂର୍ଯ୍ୟ ଙ୍କ ଜନ୍ମସ୍ଥାନ ତତ୍କାଳୀନ ବଡଖେମଣ୍ଡି ରାଜ୍ୟର ବିଜୟନଗରଗଡ ଗ୍ରାମ ବୋଲି ପୂର୍ବରୁ ଉଲ୍ଲେଖ ହୋଇଥିବା ସ୍ଥଳେ ବର୍ତ୍ତମାନ ପୁଣି କିଛି ବ୍ୟକ୍ତି ତାଙ୍କ ଜନ୍ମସ୍ଥାନ କୁ ନେଇ କାହିଁକି ବିବାଦ ସୃଷ୍ଟି କରୁଛନ୍ତି ବୋଲି ସ୍ମୃତି ପରିଷଦ ର କାର୍ଯ୍ୟକର୍ତ୍ତା ବୃନ୍ଦ କ୍ଷୋଭ ପ୍ରକାଶ କରିଥିଲେ।ଆଠଗଡ଼ ର ତତ୍କାଳୀନ ରାଜା ତଥା ଐତିହାସିକ ଲକ୍ଷ୍ମୀ ନାରାୟଣ ହରିଚନ୍ଦନ ହିଷ୍ଟ୍ରି ଅଫ ଆଠଗଡ଼ ପୁସ୍ତକ ଲେଖିଛନ୍ତି । ସେ ସେଥିରେ କବିସୂର୍ଯ୍ୟ ଙ୍କ ଜନ୍ମ ଆଠଗଡ ରେ ବୋଲି କେଉଁଠି ଲେଖିନାହାନ୍ତି। କୁଳମଣି ଦାଶ କବିସୂର୍ଯ୍ୟ ଙ୍କ ପଣନାତି ଲୋକନାଥ ରାୟଗୁରୁ ଙ୍କ ସହ ଆଲୋଚନା କରି କବିସୂର୍ଯ୍ୟ ଙ୍କ ଜନ୍ମ ବିଜୟ ନଗର ଗଡ ରେ ବୋଲି ତାଙ୍କ ପୁସ୍ତକରେ ଉଲ୍ଲେଖ କରିଛନ୍ତି। ବଳଦେବ ରଥ ବିଜୟନଗର ଗଡ ରୁ ଜଳନ୍ତର ଗଡ କୁ ଯାଇଥିଲେ।ସେଠାରେ ରାଜକବି ଭାବେ ଅବସ୍ଥାନ କରିବା ସମୟରେ ଚନ୍ଦ୍ରକଳା କାବ୍ୟ ରଚନା କରି ରାଜାଙ୍କ ଠାରୁ  କବିସୂର୍ଯ୍ୟ ଉପାଧି ପାଇଥିଲେ। ପରେ ସେ ତାଙ୍କ ଅଜା ତ୍ରିପୁରାରି ହୋତା ଙ୍କ ଘର ଆଠଗଡ଼ ଯାଇଥିଲେ। ପରେ ୧୮୪୫ ରେ ବ୍ରହ୍ମପୁର ଗୌଡ଼ ସାହି ରେ ତାଙ୍କ ପରଲୋକ ଘଟିଥିଲା। କବିସୂର୍ଯ୍ୟ ସ୍ମୃତି ପରିଷଦ ପକ୍ଷରୁ କବିସୂର୍ଯ୍ୟ ଙ୍କ ଜନ୍ମସ୍ଥାନ ବଡ଼ଖେମୁଣ୍ଡିି ବର୍ତ୍ତମାନ ର ଦିଗପହଣ୍ଡି ବ୍ଲକ ଖମାରୀ ଗାଁ ପଞ୍ଚାୟତ ବିଜୟନଗର ଗଡ ରେ ବୋଲି ଗଞ୍ଜାମ ଅତିରିକ୍ତ ଜିଲ୍ଲାପାଳ (ରାଜସ୍ବ) ଙ୍କୁ ତଥ୍ୟ ସମ୍ବଳିତ ସ୍ମାରକପତ୍ର ପ୍ରଦାନ କରାଯାଇଥିବା ନେଇ ସାମ୍ୱାଦିକ ସମ୍ମିଳନୀରେ ସୂଚନା ଦିଆଯାଇଥିଲା।ଏହି ସମ୍ମିଳନୀରେ ବହୁ ଗଣ୍ୟମାନ୍ୟ ବ୍ୟକ୍ତି ଉପସ୍ଥିତ ଥିଲେ। ଲୋକଙ୍କୁ ଭ୍ରମିତ କରାନଯାଇ ସମସ୍ତ ଐତିହାସିକ ତଥ୍ୟ ଓ ପ୍ରମାଣ କୁ ଭିତ୍ତିକରି ରାଜ୍ୟସରକାର କବିସୂର୍ଯ୍ୟ ଙ୍କ ଜନ୍ମ ଦିଗପହଣ୍ଡି ବ୍ଲକ ବିଜୟନଗର ଗଡ ବୋଲି ଘୋଷଣା କରାଯିବା ନିମନ୍ତେ ସ୍ମୃତି ପରିଷଦ ପକ୍ଷରୁ ଦାବି କରାଯାଇଛି।ଏନେଇ ଆବଶ୍ୟକ ହେଲେ ଦିଗପହଣ୍ଡି ଦେୱାନୀ ଅଦାଲତ ରେ ଅର୍ଜି ଦାଖଲ କରାଯିବା ପାଇଁ ନିଷ୍ପତ୍ତି ନିଆଯାଇଥିବା ସ୍ମୃତି ପରିଷଦ ସଭାପତି ତାଙ୍କ ପ୍ରତିକ୍ରିୟାରେ କହିଛନ୍ତି।