ମଠସାହି ଶ୍ରୀରାମ କ୍ଲବ ପକ୍ଷରୁ ବିଘ୍ନ ବିନାଶକ ଶ୍ରୀ ଗଣେଶଙ୍କ ପୂଜା ପାଳିତ
କଟକ, (ଓ୍ବାଇଏନଏସ):ଆଗ୍ରପୂଜ୍ୟ ପ୍ରଭୁ ଶ୍ରୀ ଗଣେଶଙ୍କ ପୂଜା। ଭାଦ୍ରବ ମାସର ଶୁକ୍ଳପକ୍ଷ ଚତୁର୍ଥୀ ତିଥିକୁ ଗଣେଶ ଚତୁର୍ଥୀ ରୂପେ ପାଳନ କରାଯାଇଥାଏ । କଟକ ତୁଳସୀପୁର ମଠସାହିରେ ପ୍ରତିବର୍ଷ ପ୍ରଭୁ ଶ୍ରୀ ବିଘ୍ନ ବିନାଶକଙ୍କ ପୂଜା ପାଳନ କରିଆସୁଛି। ଏହି ବର୍ଷ ମଧ୍ୟ ବହୁ ନୀତି କାନ୍ତିରେ ପ୍ରଭୁ ଶ୍ରୀ ଗଣେଶଙ୍କ ପୂଜା ସମ୍ପର୍ଣ୍ଣ କରିଛନ୍ତି । ଏହି ପୂଜାକୁ ଭକ୍ତ ମାନେ ବହୁ ଆନନ୍ଦ ଓ ଉଲ୍ଲାସର ସହିତ ପାଳନ କରିଥିଲେ।ଏହି ପୂଜାରେ ସଂଧ୍ୟାରେ ବହୁ ଭକ୍ତଙ୍କ ଗହଳି ଜମିଥିଲା। ବହୁ ମାନ୍ୟଗଣ୍ୟ ବ୍ୟକ୍ତି ପୂଜାରେ ଯୋଗ ଦେଇ ଶ୍ରଦ୍ଧାଳୁ ମାନଙ୍କ ସହ ଶ୍ରୀ ଗଜାନନଙ୍କ ଆଶୀର୍ବାଦ ଲାଭ କରିଥିଲେ। ଏଥର ତୁଳସୀପୁର ମଠସାହିରେ ଗଣେଶ ରାବଣ ବୀଣା ଧରିଥିବା ରୂପରେ ପୂଜା ପାଇଥିଲେ। ଏହି ମୂର୍ତ୍ତିକୁ ଓଡିଶାର ପ୍ରସିଦ୍ଧ ଶିଳ୍ପୀ ସୁରଜ୍ ମୁଦୁଲି ତିଆରି କରିଥିଲେ। ଏହି କ୍ଲବ ଓଡ଼ିଶା ପ୍ରସିଦ୍ଧ ସମ୍ବଲପୂରର ରାଧାକୃଷ୍ଣ ଘଣ୍ଟ ବାଦ୍ୟ ବଜେଇ ପ୍ରଭୁ ଶ୍ରୀ ଗଜାନନଙ୍କୁ ସ୍ୱାଗତ ମଧ୍ୟ କରିଥିଲେ । ଶ୍ରୀରାମ କ୍ଲବର ସଭାପତି ରବି ଶଙ୍କର ଦାସଙ୍କ ସଭାପତିତ୍ୱରେ ଏହି ପୂଜାର ଆୟୋଜନ କରାଯାଇଥିଲା। ସମ୍ପାଦକ ଗିରିଜା ଶଙ୍କର ସାହୁଙ୍କ ଡେକୋରେସନ କାର୍ଯ୍ୟର ଦାୟିତ୍ୱ ନେଇଥିବା ବେଳେ, କୋଷାଧ୍ୟକ୍ଷ ମନୋଜ କୁମାର ସାହୁ ସମସ୍ତ ଶ୍ରଦ୍ଧାଳୁଙ୍କୁ ସ୍ୱାଗତ କରିବା ସହ ପୂଜାର ସମସ୍ତ ଦାୟିତ୍ୱ ନେଇଥିଲେ। ମୁଖ୍ୟ କର୍ମକର୍ତ୍ତା ଭାବେ କ୍ଲବର ସଦସ୍ୟ ସଞ୍ଜୀବ ସାହୁ, ଦୀପକ ସାହୁ, ଦିଲୀପ ସାହୁ, ସପନ ସରିତ୍, ଅବିନାଶ ସୁତାର ପ୍ରମୁଖ ସହଯୋଗ କରିଥିଲେ। ପରିଶେଷରେ ସଂଧ୍ୟାରେ ଶ୍ରଦ୍ଧାଳୁ ମାନେ ପ୍ରସାଦ ସେବନ ମଧ୍ୟ କରିଥିଲେ।


