ସାଂସଦ ଖେଳ ମହୋତ୍ସବ ଭଲିବଲ : ବ୍ଲକ ସ୍ତରରେ ୟୁରୋ ସ୍କୁଲ ଚାମ୍ପିୟନ

ଛତ୍ରପୁର, (ଓ୍ବାଇଏନଏସ):   ସାଂସଦ ଖେଳ ମହୋତ୍ସବ ମାଧ୍ୟମରେ ସହରାଞ୍ଚଳ ଓ ଗ୍ରାମାଞ୍ଚଳର ଲୁକାୟିତ ଉଦୀୟମାନ କ୍ରୀଡ଼ା ପ୍ରତିଭାମାନଙ୍କୁ ଲୋକଲୋଚନକୁ ଆଣିବାକୁ ଲକ୍ଷ୍ୟ ରଖାଯାଇଛି। ସେମାନଙ୍କର କ୍ରୀଡା ଦକ୍ଷତା ବିକାଶ କରିବା ପାଇଁ ଏହି ଖେଳ ମହୋତ୍ସବ ଚଳିତ ବର୍ଷ ଜାତୀୟ କ୍ରୀଡା ଦିବସରୁ ପଞ୍ଜୀକରଣ ଆରମ୍ଭ ହୋଇଥିଲା | ଏହି ପରିପ୍ରେକ୍ଷୀରେ ଛତ୍ରପୁର ଷ୍ଟାଡିଅମ ପରିସରରେ ଛତ୍ରପୁର ବ୍ଲକ ସ୍ତରୀୟ ସାଂସଦ ଖେଳ ମହୋତ୍ସବରେ ଭଲିବଲ ପ୍ରତିଯୋଗିତାରେ ଛତ୍ରପୁରର ୟୁରୋ ସ୍କୁଲ ଚାମ୍ପିୟନ ହୋଇଛି l ନରେନ୍ଦ୍ରପୁରକୁ ୨ ସେଟରେ ୨୫-୭ ପଏଣ୍ଟରେ ହରାଇ ୟୁରୋ ସ୍କୁଲ ଛତ୍ରପୁର ବ୍ଲକ ସ୍ତରରେ ଚାମ୍ପିୟନ ହୋଇ ଜ଼ିଲ୍ଲା ସ୍ତରକୁ ଯୋଗ୍ୟ ବିବେଚିତ ହୋଇଛି l  ଜୁନିୟର ବର୍ଗ(୧୨ ଠାରୁ ୧୬ ବୟସ) ଓ ସିନିୟର (୧୭ଠାରୁ ୨୪ ବୟସ) ବର୍ଗରେ ଯୁବକ /ଯୁବତୀ ମାନେ  କ୍ରିକେଟ, ଫୁଟବଲ୍‌, ଭଲିବଲ୍‌, ଖୋ-ଖୋ, କବାଡି, ଦୌଡକୁଦ, କୁସ୍ତି,  ଛାତ୍ରୀମାନଙ୍କ ଦୌଡି ଡିଆଁ ଆଦି କ୍ରୀଡ଼ା ଅନୁଷ୍ଠିତ ହୋଇଥିଲା | ଏହା ଆସନ୍ତା ୨୯ ତାରିଖ ପର୍ଯ୍ୟନ୍ତ ଏହି ପ୍ରତିଯୋଗିତା ଚାଲିବ l