ମୁନିଗୁଡାରେ ମୁନିଖୋଲ ପ୍ରିମିୟର ଲିଗ ସିଜନ-୨ କ୍ରିକେଟ ଟୁର୍ନାମେଣ୍ଟ ଉଦଯାପିତ

ମୁନିଗୁଡା,(ନନ୍ଦ କିଶୋର ପଟ୍ଟନାୟକ): ରାୟଗଡା ଜିଲ୍ଲା ମୁନିଗୁଡାର ମୁନିଖୋଲ ଖେଳ ପଡିଆରେ ଠାରେ ମୁନିଖୋଲ ପ୍ରିମିୟର ଲିଗ ସିଜନ-୨ ଟେନିସ ବଲ କ୍ରିକେଟ ଟୁର୍ନାମେଣ୍ଟ ଉଦଯାପିତ ହୋଇଯାଇଛି ମୁନିଖୋଲ ପ୍ରିମିୟର ଲିଗର କମିଟି ଆନୁକୂଲ୍ୟରେ ଅନୁଷ୍ଠିତ ଟୁର୍ନାମେଣ୍ଟର ଫାଇନାଲରେ ଏମସି ରୋୟାଲ ଓ ଭୈରବ ୱାରିଓର ଦଳ ମଧ୍ୟରେ ଅନୁଷ୍ଠିତ ହୋଇଥିଲା ଫାଇନାଲରେ ଭୈରବ ୱାରିଓର ଦଳ ଚମ୍ପିୟାନ ହୋଇଛି ଫାଇନାଲ ମେଚରେ ଏମସି ରୟାଲ ଦଳ ପ୍ରଥମ ଟଚ ଜିତି ବେଟିଙ୍ଗର ନିଷ୍ପତି ନେଇ ନିର୍ଧାରିତ ୧୨ ଓଭରରେ ୧୦୯ ରନ କରିଥିଲେ l ବ୍ୟକ୍ତିଗତ ଭାବେ ରାଜା ୪୧ ରନ କରିଥିଲେ,ଏହି ରନକୁ ପିଛା କରି ଭୈରବ ୱାରିଓର ଦଳ ୯.୪ ଓଭରରେ ଏହି ରନକୁ ମାରି ଚମ୍ପିୟାନ ହୋଇଥିଲେ,ଫାଇନାଲରେ ମେନ ଅଫ ମେଚ ଭାବେ ଭୈରବ ୱାରିଓର ଦଳର ବବିକୁ ଚୟନ କରାଯାଇଥିବା ବେଳେ,ବେଷ୍ଟ ବେଟସ ମେନ ଭାବେ ଏମସି ରୟାଲର ଅଜିତ,ବେଷ୍ଟ ଟୁର୍ନାମେଣ୍ଟ ଅଫ ପ୍ଲେୟାର ଭାବେ ଭୈରବ ୱାରିଓର ସୁବ୍ରତ ଓ ବେଷ୍ଟ ବୋଲର ଭାବେ ୟଙ୍ଗ ଫାଇଟର ଦଳର କ୍ରିଷକୁ ଚୟନ କରାଯାଇଥିଲା l ଉକ୍ତ ମେଚକୁ ଅମ୍ପାୟାର ଭାବେ ତୁଫାନ ମାଝୀ ଓ ଅନିଲ ସେଠୀ ପରିଚାଳନା କରିଥିଲେ l ଅତିଥିଭାବେ ମୁନିଖୋଲ ଗ୍ରାମର ଭାସ୍କର କାଡ୍ରାକା,ଜି. ମାଲିବାବୁ,ନକୁଳ କାଡ୍ରାକା,ମୁନିଗୁଡା କ୍ରିକେଟ ଆସୋସିଏସନର ସଭାପତି ତଥା ପ୍ରେସ କ୍ଳବର ସମ୍ପାଦକ ନନ୍ଦ କିଶୋର ପଟ୍ଟନାୟକ, ସତ୍ୟାନନ୍ଦ ବେହେରା,ପ୍ରଫୁଲ ତ୍ରିପାଠୀ,ଶିବା ପଟେଲ ପ୍ରମୁଖଙ୍କ ସମେତ ଅନ୍ୟ ମାନ୍ୟଗଣ୍ୟ ବ୍ୟକ୍ତି ବିଶେଷ ମାନେ ଉପସ୍ଥିତ ରହି ଚମ୍ପିୟାନ ହୋଇଥିବା ଭୈରବ ୱାରିଓର ଦଳକୁ ଟ୍ରଫି ସହ ୬୦ହଜାର ଟଙ୍କା ଓ ରନର ଟିମ ଏମସି ରୟାଲରକୁ ୪୦ ହଜାର ଟଙ୍କାର ଆର୍ଥିକ ପୁରସ୍କାର ପ୍ରଦାନ କରିଥିଲେ,ସ୍କୋରର ଭାବେ ଅମ୍ରିତ,କବିରାଜ ପ୍ରମୁଖ ସ୍କୋର ପରିଚାଳନା କରିଥିଲେ l ସମସ୍ତ ମେଚ ଗୁଡିକୁ ପିୟୁଷ, ବଣ୍ଟି, ପରାଜୟ କମେଣ୍ଟ୍ରି କରୁଥିବା ବେଳେ ସମସ୍ତ ଲିଗ ଟୁର୍ନାମେଣ୍ଟକୁ ମୁନିଖୋଲ ପ୍ରିମିୟର ଲିଗ କମିଟିର ସମସ୍ତ ସଦସ୍ୟଙ୍କ ସମେତ ମୁନିଖୋଲର ସମସ୍ତ ଯୁବଗୋଷ୍ଠୀ ମାନେ ଉପସ୍ଥିତ ରହି ପରିଚାଳନା ଓ ସହଯୋଗ କରୁଛନ୍ତି l