ଶାସଙ୍ଗ ହାଇସ୍କୁଲରେ ଜନଜାତୀୟ ଗୌରବ ଦିବସ ପାଳିତ

ହାଟଡିହି (ଓ୍ବାଇଏନଏସ):  ଭଗବାନ ବିର୍ସା ମୁଣ୍ଡାଙ୍କ ୧୫୦ବର୍ଷ ଜନ୍ମ ଜୟନ୍ତି ଅବସରରେ ଜନଜାତୀୟ ଗୌରବ ଦିବସ ପଞ୍ଚାୟତ ହାଇସ୍କୁଲ ଶାସଙ୍ଗଠାରେ ପାଳିତ ହୋଇଯାଇଛି। ବିଦ୍ୟାଳୟର ପ୍ରଧାନ ଶିକ୍ଷକ  ରାଧାକୃଷ୍ଣ ପତିଙ୍କ ସଭାପତିତ୍ଵରେ ଛାତ୍ରଛାତ୍ରୀମାନଙ୍କ ମଧ୍ୟରେ ଚିତ୍ରାଙ୍କନ ଓ ବକ୍ତୃତା ପ୍ରତିଯୋଗିତା ଅନୁଷ୍ଠିତ କରାଯାଇଥିଲା। ଆୟୋଜିତ ସଭାରେ ପ୍ରାକ୍ତନ ପ୍ରଧାନ ଶିକ୍ଷକ ଶ୍ରୀଯୁକ୍ତ ନବକିଶୋର ବିଶ୍ୱାଳ, ଶିକ୍ଷକ ଶ୍ରୀଯୁକ୍ତ ମାଧବାନନ୍ଦ ଜେନା, ଲକ୍ଷ୍ମୀକାନ୍ତ ମିଶ୍ର, ପଦ୍ମନାଭ ପଣ୍ଡା, ପ୍ରଦୀପ କୁମାର ସ୍ୱାଇଁ ପ୍ରମୁଖ ଯୋଗନେଇଥିଲେ । ବିର୍ସା ମୁଣ୍ଡା ବିହାରର ରାଞ୍ଚି ଜିଲ୍ଲା ଉଲିହାଡୁରେ ୧୮୭୫ ମସିହା ନଭେମ୍ବର ୧୫ ତାରିଖରେ ସୁଗନା ମୁଣ୍ଡା ଓ କରମି ମୁଣ୍ଡାଙ୍କ କୋଳମଣ୍ଡନ କରିଥିଲେ।  ୧୯୦୦ ମସିହା ଜୁନ ୯ ତାରିଖରେ ରାଞ୍ଚିରେ ଇହଲିଳା ସମ୍ବରଣ କରିଥିଲେ। ମାତ୍ର ୨୪ ବର୍ଷ ମଧ୍ୟରେ ନିଜର ପ୍ରତିଭାର ବିକାଶ କରି ଅମର ହୋଇଯାଇଛନ୍ତି। ସେ ବିଷୟରେ ମଞ୍ଚାସିନ ଅତିଥି ମାନେ ନିଜ ନିଜର ବ୍ୟକ୍ତବ୍ୟ ପ୍ରଦାନ କରିଥିଲେ । ସତ୍ୟବ୍ରତ ବିଶ୍ଵାଳ, ପର୍ଶୁରାମ ନାୟକ, ପାର ସ୍ୱାଇଁ, କନକ ସାହୁ, ସନ୍ତୋଷିନି ମଣ୍ଡଳ ଓ ମଞ୍ଜୁଲତା ବେଜ କାର୍ଯ୍ୟକ୍ରମ ପରିଚାଳନା କରିଥିଲେ।