ହାତୀ ଆକ୍ରମଣରେ ଜଣେ ମୃତ

କେନ୍ଦୁଝର(ଓ୍ବାଇଏନଏସ):  ଚମ୍ପୁଆ ରେଞ୍ଜ ଉଖୁଣ୍ଡା ବନାଞ୍ଚଳ ଅନ୍ତର୍ଗତ ଭୀମପୁର  ଶିବ ମନ୍ଦିର ନିକଟସ୍ଥ  ବିଲ ଖମାରରେ ଗୋଠ ଛଡ଼ା ଦନ୍ତାହାତୀ ଜଣକୁ ମାରିଥିବା ଜଣା ଯାଇଛି। ସ୍ଥାନୀୟ ଲୋକ ମାନଙ୍କୁ ଠାରୁ ମିଳିଥିବା ସୂଚନା ରୁ ଜଣାଯାଏ ଯେ ଗୋଠ ଛଡ଼ା ଦନ୍ତାହାତୀ ଟି ଭୀମପୁର ଗ୍ରାମର ମେରର୍ମେଦ୍ଦା ନଦୀ କୂଳରେ ରହିଥିବା ଚାଷ ଜମି ରେ ହାତୀଟି ଧାନ ଖାଉଥିବା ସମୟରେ କିଛି ବ୍ୟକ୍ତି ହାତୀକୁ ଘୋଉଡାଇବା ପାଇଁ ଯାଇଥିଲେ। ହାତୀକୁ ଘୋଉଡାଇବା ର ଆଳ ଦେଖାଇ ହାତୀ ଉପରକୁ ଟେକା ପଥର ମାଡ କରିବାରୁ ହାତୀଟି ଉତ୍ୟକ୍ତ ହୋଇ ଲୋକ ମାନଙ୍କୁ ଘୋଉଡାଇ ଥିଲା।  ଜଣେ ବ୍ୟକ୍ତି ଦୌଡ଼ି ନପାରିବାରୁ ତାକୁ ଶୁଣ୍ଢରେ ଧରି କଚାଡି ଦେବା ସହିତ   କାଦୁଅରେ ମାଡି ଦେଇଥିଲା।  ଯାହା ଫଳରେ ଘଟଣା ସ୍ଥଳରେ ହିଁ ତାର ମୃତ୍ୟୁ ହୋଇ ଯାଇଥିଲା।  ମୃତ ବ୍ୟକ୍ତି ଜଣକ ବାଘମରା ର ରମୁ ମହାନ୍ତ ବୋଲି ଜଣା ପଡିଛି। ଖବର ପାଇ ଉଖୁଣ୍ଡା ବନପାଳ ଘଟଣା ସ୍ଥଳରେ ପହଞ୍ଚି ସେଠାରୁ ଉଧାର କରି ଚମ୍ପୁଆ ଉପଖଣ୍ଡ ଚିକିତ୍ସାଳୟକୁ ପଠାଇ ଥିବା ଜଣାଯାଇଛି।ଏହି ଗୋଠ ଛଡ଼ା ହାତୀଟି ଗତ  ରାତିରେ ଜାଲି ଗ୍ରାମର ସୁବାଷ ନାୟକ ଙ୍କ ଘରର କାନ୍ଥ ଭାଙ୍ଗି ଥିଲା। ରହି ସମୟରେ ସୁବାସ ଘର ଭିତରେ ଥିଲେ ହାତୀର ଶୁଣ୍ଢ ତଳେ ରହିବା ସହିତ ସାହସର ସହିତ ହାତୀକୁ ମୁକାବିଲା କରିଥିଲା ସୁବାଷ ପାଖରେ ଟ୍ରଚ ଥିଲା ଟ୍ରଚ ହାତୀ ଉପରକୁ ପାଇବାରୁ ହାତୀ ଟି ଚାଲି ଯାଇଥିଲା। ସଠାରୁ ହାତୀ ଯାଇ ଭୀମପୁର ପଞ୍ଚାୟତ ର କମଣ୍ଡ ଗ୍ରାମରେ ପହଞ୍ଚି ଗ୍ରାମର କାର୍ତ୍ତିକ ମହାନ୍ତ, ବୈକୁଣ୍ଠ ମହାନ୍ତ, ଙ୍କ ଘର ଭାଙ୍ଗି ଧାନ ଚାଉଳ ଖାଇ ଯାଇଥିଲା ତା ସହିତ ଗ୍ରାମର ମହୁର ମହାନ୍ତ, ଇଶ୍ଵର ମହାନ୍ତ, ଲକ୍ଷ୍ମୀ ମହାନ୍ତ ଙ୍କ ଘରର ଝରକା ଭାଙ୍ଗି ଦେଇଥିଲା। ସେଠାରୁ ହାତୀ ଫେରି ଆସି ଜାଲି ଜଙ୍ଗଲ ରେ ଆଶ୍ରୟ ନେଇଥିଲା। ବନ ବିଭାଗ ର କର୍ମଚାରୀ ମାନେ ଜନସାଧାରଣ ଙ୍କୁ ହାତୀ ପାଖକୁ ନଯିବାକୁ ବାରମ୍ବାର ଅନୁରୋଧ କରିବା ପରେ ମଧ୍ୟ ଜନସାଧାରଣ ହାତୀ ପାଖକୁ ମାଡି ଯାଉଛନ୍ତି।